1 Samuweli 20:26 - Bhibhiliya Nya Guage

²⁶ Ga litshigu lile, Sawule kha nga ganela gilo, a di pimisa gukhuye: “A gu dzina saye Dhavhidhe a di manana ni gunyenyeza nya gukari, gu na bani guri igyo givangelo.”

1 Samuweli 20:26 Iomraidhean Croise

Levhi 11:24

Sirengo sesi, si ngu dzi kodza gu mi nyenyezisa; ni wevbini a na kuhago sirumbi sakone a na nyenyeza nuye kala gupfolani nya lidambo.

Levhi 11:27

Satshavbo sirengo nya mawundru mana si gu mwalo sitsendro migondroni, si ngu loledziswa avbo gwanu; ni wevbini a na kuhago sirumbi sakone, a ngu nyenyeza kala gupfolani nya lidambo.

Levhi 11:31

Vbakari nya sivangwa satshavbo si dzi khuthago mafuni, khiso mu fanelago gu si pima gukhenu si nyenyezide, uye a kuhago sirumbi sakone, a na bani a nyenyezide kala gupfolani nya lidambo.

Levhi 11:40

Oyu a hodzago nyama nya girengo gi ngafago gyabune, gu vbwetega a handza dzingandzu dzaye, gambe a na lolela kala gupfolani nya lidambo. Ni oyu a na rolago girumbi gyakone, fanede gu handza dzingandzu dzaye, a nyenyeza kala gupfolani nya lidambo.

Levhi 15:5

Oyu a kuhago lidawu la muthu a dugelelago wusila a na handza guambala gwaye, aya hamba khu mati, a na nyenyeza kala gupfolani nya lidambo;

Mitengo 19:16

Muthu watshavbo a na kuhago girumbi nya muthu a nga songwa khu litshari khabini, mwendro a ngafa, mwendro marambo nya muthu, mwendro lithowo, a na bani na nyenyezide livbandre na mavili matshigu.

1 Samuweli 16:5

Samuweli a di va hakha, khuye: “Khwa gurula; nya guta phasela Pfhumu Nungungulu. Dzi agiseni nyi hongole nanu miphasotunu.” A di dzi agisa uye nuye, Jese gumogo ni sanana saye, a va ramba guta phasotunu.

1 Samuweli 20:27

Khu litshigu li landrelago, litshigu nya wuvili nya buzo nya gumege nya ngima, wulanga wa Dhavhidhe wu di simama gu khala liphanga. Khavbo avbo, Sawule a di wudzisa mwanaye Jonatane, khuye: “Khu ginani mwamana wa Jese a gu mbata hodza, gukhugela vbanova ni muhuno?”