1 Samuweli 20:17 - Bhibhiliya Nya Guage

¹⁷ Jonatane a di gira Dhavhidhe a tiyisa gisambanyo gyaye nya wupari, kholu a diri pari yaye nya gutumbege.

1 Samuweli 20:17 Iomraidhean Croise

2 Samuweli 1:26

Nyi ngupwa wuvi khuwe, ndriyangu Jonatane; u diri gigodwa gyangu! Nyi di nengedziswa khu lihaladzo lago, gu vbindra ni lihaladzo nya vanyamayi.

Mavingu 17:17

Iyo yi gu pari yi ngu gu gola gikhati gyatshavbo, nuri gikhatini nya wuvi, ya gu khala ndriyago.

Mavingu 18:24

Uye a vbwetago dzipari nya dzingi a gu dzi vbwetela libango, aholu dzomo dzipari dzi tumbegago guvbindra ndriyago.

Jeremiya 40:9

Gedhaliya mwamana wa Ayikamo, mwamana wa Safani, a di sambanya mbeli gwawe gumogo ni ga vathu vawe, a ganela, khuye: “Mu nga thavi gu thumela Vakalidhiya, khalani tigoni momu mu dzi vega vbavbatshi ga mufumeli wa Bhabhiloni, mu na khadzisega gwadi.

Dhewuteronome 13:6

Ndriyago, u velegidwego naye khu mayi moyo, mwendro gyanana gyago nya mwama mwendro nya nyamayi, mwendro mwangadzi wago nya gu mu haladze, mwendro pari yago nya gu yi gole kha nga hefemulo wago, a gu ganela khu gisihaledza, khuye: Hongole hi khozela vambe vanungungulu, avo uwe u ngamba vati, ambari vababe vago,

1 Samuweli 18:1

Hwane nya mabhulo yaya ya Dhavhidhe ni Sawule, Jonatane a di manega na gu gola ngudzu Dhavhidhe; Jonatane a di gola Dhavhidhe kha nga idzo a dzi golago khidzo wurumba waye.

1 Samuweli 18:3

Jonatane ni Dhavhidhe va di gira gidzumeledzwano nya wupari, kholu Jonatane, a di gu gola Dhavhidhe kha nga idzo a golago khidzo hefemulo waye.