1 Samuweli 20:16 - Bhibhiliya Nya Guage

¹⁶ Khu guralo, Jonatane a di gira gidzumeledzwano ni ndranga ya Dhavhidhe, a ganela, khuye: “Pfhumu a na rane valala va Dhavhidhe gasi a ta va lamula.”

1 Samuweli 20:16 Iomraidhean Croise

Genesi 15:18

Litshigu lolo la limwedo, Pfhumu Nungungulu a di gira pwanano ni Abrama, khuye: “Nyi ngu ninga litigo leli sanana sago, gukhugela Egipito kala tsongoni nya wukhongolo wa Ewufrate.

2 Samuweli 21:8

Aholu mufumeli a di dzega Arinoni ni Mefibhoseti, sanana sa sivili sa Risipa, nyamahegyane wa Aya, a nga bani a velegide ni Sawule, gumogo ni livbandre sanana sa ndruye wa Mikali, nyamahegyane wa Sawule, a nga velegago ni Adhiriyeli, mwamana wa Bharizilayi, wa Meyola.

Jeremiya 40:9

Gedhaliya mwamana wa Ayikamo, mwamana wa Safani, a di sambanya mbeli gwawe gumogo ni ga vathu vawe, a ganela, khuye: “Mu nga thavi gu thumela Vakalidhiya, khalani tigoni momu mu dzi vega vbavbatshi ga mufumeli wa Bhabhiloni, mu na khadzisega gwadi.

Dhewuteronome 23:21

Wa gu gira gisambanyo nya gukari ga Pfhumu Nungungulu wago, u nga hweli gu gi tadzisa; kholu khu lisine Pfhumu Nungungulu wago, kha na hwela gu gu hengula, gambe gwago gu na manega gighoho.

Josuwa 22:23

Ha gu bani hi gi emiside khu gu vbweta gu pfhurarela Pfhumu, mwendro gu vbweta gu ningela miphaso nya guvbiswe ni miningelo nya guhodzwe, mwendro gu ningela avbo miningelo nya gurule, Uye kamwe Pfhumu Nungungulu a na hi lamule!

1 Samuweli 18:3

Jonatane ni Dhavhidhe va di gira gidzumeledzwano nya wupari, kholu Jonatane, a di gu gola Dhavhidhe kha nga idzo a golago khidzo hefemulo waye.

1 Samuweli 20:42

Jonatane a di embela Dhavhidhe, khuye: “Gimbila khu gurula, kholu hi sambanyide hatshavbo khu lina la Pfhumu Nungungulu, gikhati hi nga khethu: Pfhumu Nungungulu a na khale fakazi yathu kala gupindruga vbakari gwathu ni vbakari nya melego wathu.”

1 Samuweli 22:8

Ina khiso isoso si mi girago mu nyi wugela, gani? Mwalo ni moyo a nyi tivisidego gukhuye lini gyanana gyangu gi giridego gisambanyo ni mwamana wa Jese. Mwalo ni moyo wanu a khathalago khu eni, mwendro gu nyi tivisa gukhuye gyanana gyangu gi gurumedzide githumi gyangu gasi gi khala muwugeli wangu, kha nga esi uye a girago muhuno.”

1 Samuweli 23:18

Va vavili va di gira gisambanyo mbeli ga Pfhumu Nungungulu. Khavbo avbo, Janatane a di hongola gaya, aholu Dhavhidhe a di khala Horesa.

1 Samuweli 25:22

Nungungulu a na nyi tsayise khu tshivba, nya gukala nyi diga mwama moyo basi a vbanya vbakari nya avo kala gugya mindru.

1 Samuweli 25:26

Gasi olu, uwe mune wangu, nyi ngu tiyisa khu gu sambanya mbeli ga Pfhumu Nungungulu a vbanyago, ni hefemulo wago, gukheni khu Pfhumu Nungungulu, a gu himbedzedego gu vbaladza novba ni gu dzi phodzela uwe khu mandza yago. Khu guralo valala vago ni vatshavbo va vbwetago gu gira guvivba ga mune wangu, va na godze Nabhali.

1 Samuweli 31:2

Vafilisitiya va di lundra Sawule gumogo ni sanana saye, va songa Jonatane, Abhinadhabhi ni Malikisuwa, sanana sa Sawule.