1 Samuweli 20:1 - Bhibhiliya Nya Guage

¹ Khu hwane, Dhavhidhe a di thava khu Nayoti, tigoni ga Rama, aya ganela ni Jonatane a mu wudzisa, khuye: “Ginani nyi giridego? Khu wevbini nandru wangu? Gighoho muni nyi giredego nya gukala babe wago a vbweta gu nyi songa?”

1 Samuweli 20:1 Iomraidhean Croise

Dzindzimo 54:3

Kholu va nya mayigo va ngu nyi wugela, va nya wurena va ngu vbweta gu nyi songa; avo kha va theli kota khu Nungungulu.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

2 Pedro 2:9

Pfhumu a ngu mati mano nya guvbulugise khayo ava va khodwago gwaye, a ngu kodza gambe gu vega tsayisoni ava nya guvivbedwe khu myonyo, kala litshigu nya gulamudwe.

1 Johane 3:21

Khu guralo, sigodwa sangu, myonyo yathu ya gumba hi kona, hi tiyide mbeli ga Nungungulu.

1 Samuweli 12:3

Kheni oyu, nya gu bani nyi mi hosede ganelani mbeli ga Pfhumu Nungungulu ni mbeli ga uye a mu todzidego khu mafura; mombe ya mani nyi dzegidego? Buru ya mani nyi dzegidego? Khu mani nyi mu kanganyisidego? Khu mani nyi mu tshanisidego? Nyi hakhide khu mandzani ga mani dzitsapawu nya gurengeledwe gasi nyi sega likana? A gu bani na romo a na ganele, gasi nyi mu bweledzela.

1 Samuweli 19:1

Sawule a di ganela ga mwanaye Jonatane ni ga vathumegeli vaye vatshavbo khu gikungu gyaye nya guvbwete gu songa Dhavhidhe. Aholu Jonatane mwamana wa Sawule, a di gu gola ngudzu Dhavhidhe.

1 Samuweli 19:18

Khu kharati, Dhavhidhe, a di vbuluga a thava ata ga Samuweli, dhoropani ga Rama, a ta mu embeledzela satshavbo a nga giredwago khu Sawule; va khala ndrangani ga vaprofeti.

1 Samuweli 20:2

Jonatane a di hakha, khuye: “U nga pimisi isoso; uwe khu na songwa! Babe wangu kha na nga gira gilo nyamba phela khu gu nyi tivisa, ambari na siri gya lisima mwendro gya lisima. Khu ginani a na gu nyi sihelago isoso? Kha si kodzegi!”

1 Samuweli 20:32

Jonatane a di wudzisa babe waye, khuye: “Khu ginani uye a fanedego gu songwa? Ginani uye a giridego?”

1 Samuweli 24:11

Gasi olu, uwe baba wangu, wona avba tshoka nya gifenengelo gyago nyi gu nagyo mandzani. Olu nyi pidego tshoka nya gifenengelo gyago nyamba gu songa, dziti gwadi u wona nya gukhuwe avba gwangu gu mwalo ni guvivba gumogo nya gugirele uwe, gimwalo gilo nyi gu ghohedego, nya gukala u nyi sota gu nyi songa.

1 Samuweli 24:12

Pfhumu Nungungulu a na lamule eni ni uwe, a na nyi phodzele Pfhumu Nungungulu khu kotani yago, aholu eni kha nyi na nga khusa mandza yangu nyi gu kuha.

1 Samuweli 24:17

A embela Dhavhidhe, khuye: “Uwe u lulamide gu nyi vbindra; u nyi bweledzede khu wuwadi, eni nyi gu livba khu guvivba.

1 Samuweli 24:9

Dhavhidhe a di embela Sawule, khuye: “Khu ginani u yingisago magana nya vathu va gu embelago gukhavo: Dhavhidhe a ngu vbweta gu gu gira guvivba?”

1 Samuweli 26:18

Dhavhidhe a di engedza gambe, khuye: “Mune wangu, wa gu lundra githumi gyago khu kotani nya ginani? Ginani nyi ghohidego? Gihoso muni u gi manidego mandzani gwangu?