1 Samuweli 2:9 - Bhibhiliya Nya Guage

⁹ Uye a ngu tiyisa migondro ya va nya gululama vaye, aholu va nya guvivbedwa khu myonyo va na mbemba gidemani; kholu mwalo muthu a nga palago khu tshivba yaye.

1 Samuweli 2:9 Iomraidhean Croise

Joba 18:18

Va na duswa guwonegelani va rinywa mugidemani; va lundrwa tigoni gwatshavbo.

Joba 40:13

Vatshavbo va futele khu mafu, dzikhovbe dzawe dzi na fenengedzwe khu gidema.

Joba 5:16

Khu guralo, sisiwana si na ni gitumbo, gasi va nya guvivbedwa khu monyo, va ngu segwa magana.

Joba 5:24

U na khalega gwadi tshatshani gwago, wa gu holelela mavbandroni gwago, kha gu na kiyela gilo.

Dzindzimo 1:6

Kholu Nungungulu a ngu yiti ndzila nya vathu nya gululame, aholu ndzila nya vathu nya guvivbe monyo ya gu va yisa gufani.

Dzindzimo 105:37

Aholu, a di dusa vathu vaye na va rwade ndralama ni parata, vbakari gwawe a diri mwalo ni moyo basi nya gudwale.

Dzindzimo 121:3

Kha na gu diga u kwiriga, oyu a gu sayisago gima kha na lala.

Dzindzimo 121:5

Pfhumu Nungungulu khuye a gu sayisago, Uye womo vbafuvbi gwago, khuye a gu vhikelago.

Dzindzimo 121:8

Pfhumu Nungungulu a ngu gu vhikela gikhati u dugago ni gikhati u belago, gukhugela olu kala gupindruga.

Dzindzimo 145:20

Pfhumu Nungungulu a ngu vhikela vatshavbo va mu golago: Aholu vatshavbo va nya guvivbedwa khu monyo va na mbembiswa.

Dzindzimo 31:17

Pfhumu Nungungulu, nyi nga khali dzitshoni gu gu rana; va nya guvivbedwa khu myonyo va na khale dzitshoni, va na degule va relela phalani nya vafi.

Dzindzimo 37:28

kholu Pfhumu Nungungulu a gu gola gululama, gima kha digi avo va khodwago gwaye; a na va vhikela gikhati gyatshavbo, aholu livelego nya vathu nya guvivbe li na mbembiswa.

Dzindzimo 94:18

Avbo nyi gukheni: “Migondro yangu yi ngu kwiriga wuhindzi wago Pfhumu Nungungulu, wu ngu ta nyi seketela.”

Dzindzimo 97:10

Enu mu golago Pfhumu Nungungulu, nyenyani guvivba, uye a ngu sayisa mihefemulo ya vale va mu khozelago, a va vbulugisa mandzani ya va nya guvivba.

Mavingu 16:9

Khu monyoni gwaye muthu a ngu pimisa umo a vbwetago guya umo, aholu Pfhumu Nungungulu khuye a mu yeyedzago ndzila.

Mavingu 2:8

gasi a vegedza ndzila ya va nya gululama, a sayisa ndzila ya va nya gukatega.

Mavingu 3:26

Kholu Pfhumu Nungungulu a na khala uye muvhikeli wago, a na sayisa migondro yago gasi yi si modwi khu naphwi.

Muhevbudzi 5:17

A na vbedza matshigu yaye mugidemani, a khala khu gu vbisega a tshaniseka ni gulila!

Muhevbudzi 9:11

Nyi di bwelo khavbo nyi wona gambe mafuni momu, kheni: Mapalisanatunu, khandri vale va gu na ni mazambo va pilago pfhuka, khandri va nya tshivba va palago nyimbitunu, khandri vale nya gugengele va manago guhodza, khandri va nya guti va manago thomba, khandri vale va hevbudego va zundzwago, satshavbo si na ni gikhati si dugelelago khigyo.

Isaya 27:3

Eni Pfhumu Nungungulu kheni nyi li sayisago, nyi na li theledzela mati gikhati gyatshavbo, nyi li ghadha wutshigu ni mihani, gasi a si manegi muthu nya gute li ghohetela.

Isaya 47:5

Khala vbavbatshi huwe kape, u bela vbakari nya gidema, uwe nyamahegyane wa Vakalidhiya, kholu gima khu na ranwa gambe pfhumugadzi nya mifumo.

Jeremiya 8:14

Khu ginani hi nga gu khalago gambe avba? Tombanani hi thavela madhoropani nya makhokhola, hi ya fela iyoyo, kholu Pfhumu Nungungulu wathu a hi konede gufa, ni gu hi sedza mati nya wuhungu nya gusonge, kholu hi ghohede Pfhumu Nungungulu.

Jeremiya 9:23

Pfhumu Nungungulu a ngu ganela kharati, khuye: “Gigengeli gi nga dzi zundzi khu gugengela gwaye, ni wule a gu ndrena a nga dzi zundzi khu wundrena waye, ambari oyu a fumidego a nga dzi zundzi khu gufuma gwaye;

Nahume 1:8

aholu khu ndrambi nya gukhulunge, a na mbembisa khu gumogo basi wulanga wowu nya lidhoropa; khu gidema a na lundra valala vaye.

Sofoniya 1:15

Litshigu lolo, li na bani liri litshigu nya likhulo, litshigu nya wuvi ni sigaradzo; litshigu nya gupfhungumule ni gutshaniseka, litshigu nya gidema ni guphuma, litshigu nya mapfhi ni mazuvi.

Zakariya 4:6

Uye a di nyi hakha a nyi embela, khuye: “Aya khu magana ya Pfhumu Nungungulu a ganelago khu kotani ya Zorobhabheli, khuye: Khandri khu tshivba, mwendro khu dzihanyi, aholu, khu Liphuvbo langu; a ngu ganela Pfhumu Nungungulu nya Tshivba Yatshavbo.

Mitengo 6:24

Pfhumu Nungungulu a na gu kategise a gu vhikela;

Matewu 8:12

gasi va mune thomba va na rinywa vbavbandze, mugidemani, avbo va na guya lilago ni gu ketsa magwaha.”

Varoma 3:19

Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.

Dhewuteronome 33:3

Khu lisine, Uwe U ngu gola vathu; va nya guaga vago vatshavbo, vomo mandzani gwago; va khala migondroni gwago, va hevbula nayo wago.

1 Pedro 1:5

gasi thomba mu vegedwego khu gukhodwa ni gu sayiswa khu tshivba ya Nungungulu, mu mana guvbanya gu guromo vbafuvbi, gasi guta wonegiswa khu gikhati nya guhegise.

2 Pedro 2:17

Vathu vovo, va khade nga milambo nyambana mati, nga mapfhi ma pengiswago khu phuvbo; Nungungulu a va hathede wulanga nya gidema nya guthise ngudzu kala gupindruga.

Judha 1:1

Eni, Judha, githumi gya Jesu Kristo nyi gu ndruye wa Jakobe, nyi ngu lovela ava va ranidwego ni gugolega ga Nungungulu Babe ni gu vhikedwa khu Jesu Kristo.

Judha 1:13

mavimbi nya guvbenye ya linene, ma gugumugago ma pupuma liguvi nya siguro sawe nya dzitshoni; nga dzinyeledzi dzi legalegago, dzi vegedwego wulanga gidemani nya guthise ngudzu, kala gupindruga.

Judha 1:3

Sigodwa sangu, eni nyi di gira tshivba nya gu mi loveleni khu mahungu nya guvbanyiswe hi gu nago gumogo nanu. Nyi di dzipwa gukheni i tshukwana nyi mi lovela olu gasi gu mi tiyiselani litungani mu li dwanago khu kotani nya gukhodwe gu ningidwego sihathwa saye kala gupindruga.

1 Samuweli 25:26

Gasi olu, uwe mune wangu, nyi ngu tiyisa khu gu sambanya mbeli ga Pfhumu Nungungulu a vbanyago, ni hefemulo wago, gukheni khu Pfhumu Nungungulu, a gu himbedzedego gu vbaladza novba ni gu dzi phodzela uwe khu mandza yago. Khu guralo valala vago ni vatshavbo va vbwetago gu gira guvivba ga mune wangu, va na godze Nabhali.