1 Samuweli 2:8 - Bhibhiliya Nya Guage

⁸ A ngu khusa gisiwana umo nya kudzudzwane ni gu dusa wusiwanani muhamugi, gasi gu va khadzisa gumogo ni dzipfhumu; ni gu va ninga thomba nya gikhalo nya wudhumo; kholu siseketelo nya mafu khya Pfhumu Nungungulu, vbatshani nya iso, handzegide litigo.

1 Samuweli 2:8 Iomraidhean Croise

Genesi 41:14

Khavbo avbo, Faro a di rumela guya rana Josefa, va dzegela guya mu dusa pasoni. Uye a di vila giledzu, a ambala dzimbe dzingandzu aya dzi bikela ga Faro.

Genesi 41:40

Uwe kamwe khuwe u na khalago muthangeli nya ndranga yangu. Vathu vangu vatshavbo va na thangedwa khu uwe, eni basi khu vbagikhalotunu nya wufumu, kheni nyi na gu bani nyiri khongolo guvbindra uwe.”

2 Samuweli 7:8

Khu guralo, u na embela isoso githumi gyangu Dhavhidhe, khuwe: Pfhumu Nungungulu nya Tshivba Yatshavbo a ngu ganela kharati, khuye: Nyi gu duside khu wuhaviseloni nya guhavise dzinvuta, gasi u khale muthangeli wa vathu vangu, a gu va na Israyeli.

1 Dzipfhumu 16:2

“Nyi gu duside khumo nya kudzudzwane nyi gu emisa gu khala muthangeli wa vathu vangu va na Israyeli, aholu, uwe u di gimbila khu ndzila ya Jerobhowamo, u ghohisa vathu vangu, va na Israyeli, gu kala nyi gorogiswa khu sighoho sawe.

2 Dzipfhumu 9:6

Khavbo avbo, Jewu a di khuga a bela nyumbani, lidzaha li di mu guhulela mafura hungoni gwaye, li mu embela, khilo: “Pfhumu Nungungulu wa Israyeli a ngu ganela, kharati: Eni nyi ngu gu todza gu khala mufumeli wa vathu va Pfhumu Nungungulu ni wa Israyeli.

Joba 1:21

a ganela, khuye: “Nyi dugide khu ndrani ga mayi wangu nyiri mwalo gilo, nyi na bwelela gambe nyiri mwalo gilo. Pfhumu Nungungulu a nyi ningide, Pfhumu Nungungulu dzegide; li na bongwe lina la Pfhumu Nungungulu!”

Joba 2:8

Khavbo avbo, Joba a diya khala vbatalatunu a vbweta gindzengele a dzi tshuvela khigyo.

Dzindzimo 102:25

U tiyiside mafu gukhugela guhegulani; ni ndzadzini i thumo nya mandza yago.

Dzindzimo 104:5

U tiyiside litigo khu madingo nya gutiye, gima kha li na nga khuyuga gambe.

Dzindzimo 107:41

A na dusa sisiwana gusanisekani gwawe, a dandrisa dzingamo dzawe khwatshi mitshambi.

Dzindzimo 24:2

Uye mune a li vbahide vbatshani nya yiphwa a li tiyisa vbatshani nya mitsongo.

Dzindzimo 75:3

Li na ndrendremele litigo ni vathu va vbanyago umo, ambari khu guralo, nyi nga na gu tiyisa madingo yaye.

Dzindzimo 75:4

Nya gu embela vale va dzi khusedzago, kheni: Mu nga dzi khusedzi; ni va nya guvivbedwa khu monyo, kheni: Mu nga tumbi tshivba yanu.

Dzindzimo 75:7

Nungungulu khuye mulamuli a gu neredza vambe, a khusedza vambe.

Muhevbudzi 4:14

Ilo li ngu kodza gu duga khu pasoni li ta fuma, ambari na li velegedwe tigoni ga mufumeli wule nari gisiwana.

Isaya 22:23

Nyi na mu khokhothela kha nga khogo wulangani nya gutiye, uye a na khala vbagikhalotunu nya wuzundzo wa nyumbani ga babe waye.

Dhaniyeli 2:48

Khavbo avbo, mufumeli a di dandrisa Dhaniyeli, a mu ninga sihiwa nya singi, ni gu mu emisa gu khala mwamangulu nya gipandrengulu gya Bhabhiloni, gumogo ni gu khala muthangeli wa vagengeli vatshavbo va Bhabhiloni.

Dhaniyeli 4:17

Simbo u nga wu wonago, wu dandra wu mana tshivba, wu lapha kala damboni, wu nga wonwago tigoni gwatshavbo,

Dhaniyeli 6:3

Khavbo avbo, Dhaniyeli a di hambanide ni vamwamangulu ni vathangeli vava, kholu uye a diri ni liphuvbo nya gusamadzise; avbo mufumeli a nga bani ari ni makungo nya gu mu emise gu khala muthangeli nya litigo laye latshavbo.

Vahebheru 1:3

Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya Tshivba Yatshavbo.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

Gutuledwa 1:6

a gu hi gira vafumeli ni vaphasi nya mhamba ya Nungungulu Babe waye. Khyaye gidhumo ni tshivba kala gupindruga. Amen.

Gutuledwa 22:5

Gima kha gu na manega gambe wutshigu; kha gu na vbwetega safa nya mwenge, ambari guwenengedza nya lidambo, kholu Pfhumu Nungungulu a na wenengedza vbatshani gwawe, avo va na fuma khu gupindruga nya gupindruge.

Gutuledwa 3:21

“Wule a na palago nyi na mu dzumedzisa gu khala naye vbagikhalotunu gwangu nya wufumu kha nga eni neni nyi nga palago nyi khadego vbagikhalotunu nya wufumu wa Babe wangu.

Gutuledwa 5:10

U va giride vafumeli ni vaphasi nya mhamba ya Nungungulu wathu; avo va na fuma mafuni.”

1 Samuweli 15:17

Samuweli a di engedza a mu embela, khuye: “Ambari ulo u nga bani u dzi wona kha nga gyanana guwonani gwago, ina khwa khala muthangeli nya mahundzu yatshavbo ya na Israyeli, ni gu todzwa khu Pfhumu Nungungulu gu khala mufumeli wawe, gani?”