1 Samuweli 2:32 - Bhibhiliya Nya Guage

³² U na khedza khu lidiwo iso nya sadi nyi na girelago Israyeli, gasi ndrangani gwago, gima kha li na nga manega ni lidhota limwedo.

1 Samuweli 2:32 Iomraidhean Croise

Zakariya 8:4

Pfhumu Nungungulu nya Tshivba Yatshavbo a ngu ganela kharati, khuye: “Gu nga na gu manega mitendrelani ya Jerusalema sikhosane nya vama ni vanyamayi, moyo ni moyo na pharide mandzani gwaye, ndronga nya tshetengelo, khu kota nya guandre nya matshigu yawe nya guvbanye;

1 Samuweli 2:33

Khu guralo, moyo nya situgulwana sago, nyi na mu tshiyago vbagiluvelotunu gwangu, a na tshima maho yago gasi gu tshanisa hefemulo wago; aholu vathu vatshavbo va ndrangani gwago va nafa na va si gu gumbi.

1 Samuweli 4:11

Ngasa ya Nungungulu yi di wandrwa, gu songwa sanana sa sivili sa Eli, Hofini ni Fineya.

1 Samuweli 4:22

A di engedza gambe, khuye: “Wudhumo wa Israyeli wu hongode, kholu Ngasa ya Nungungulu yi dzegidwe.”

1 Samuweli 4:4

Khavbo avbo, va di rumela vathu gu hongola Silo guya dzega Ngasa nya gidzumeledzwano ya Pfhumu Nungungulu nya Tshivba Yatshavbo, a khalago vbatshani nya dzikerubhimi. Sanana sa sivili sa Eli, Hofini ni Fineya, va diromo vbale va sayisa Ngasa ya Nungungulu.