1 Samuweli 2:30 - Bhibhiliya Nya Guage

³⁰ Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.

1 Samuweli 2:30 Iomraidhean Croise

1 Dzipfhumu 11:11

Khu guralo, Pfhumu Nungungulu a di embela Solomoni, khuye: “Kha nga olu u giridego esi, u ngamba sayisa gidzumeledzwano gyangu ni sileletelo sangu, nyi gu rumidego, khu lisine nyi na dusa mufumo wago, nyi wu ningela ga githumi gyago.

1 Dzipfhumu 2:27

Khu guralo, Solomoni a di dusa Abhiyatari, thumoni nya wuphasi nya mhamba ya Pfhumu Nungungulu, gasi gu tadzisega kharati magana ya Pfhumu Nungungulu a ganedego khu mahungu nya ndranga ya Eli, tigoni ga Silo.

1 Dzikoronika 17:18

Eni Dhavhidhe, nyi na ganela gambe kheni ginani khu mafundza yatshavbo yaya U nyi giredego eni githumi gyago? Kholu Uwe U ngu giti githumi gyago.

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

2 Dzikoronika 26:18

Va ya ema mbeli ga mufumeli Uziya va mu himbedzela, khavo: “Uwe, Uziya, u mwalo fanelo nya guvbise libani mbeli ga Pfhumu Nungungulu, vbavbandze basi ga vaphasi nya mhamba, sanana sa Aroni, khavo va phasedwego gu vbisa libani; khuga wulangani nya guage kholu u ndragide Nayo; khu na nga mana khiso makategwa mbeli ga Pfhumu Nungungulu.”

Dzindzimo 18:20

Pfhumu Nungungulu a di nyi phara gukhedza khu gululama gwangu, a nyi tshatshazela, kholu mandzani gwangu gu mwalo nandru.

Dzindzimo 18:26

U agide ga oyu a agidego aholu, ga oyu nya guvivbe u ngu nonedza wugengeli.

Dzindzimo 50:23

Wule a nyi ningago phaso nya gubonge, uyoyo a ngu nyi rungudza; wule a dongiselago ndzila yaye, nyi na mu nonedza guvbanyisa ga Nungungulu.

Dzindzimo 73:20

Kha nga ndroro a lorago muthu a gu wuga a yi divalago, uwe nuwe Pfhumu wa gu wuga va divale ni giyemo gyawe.

Dzindzimo 91:14

Kholu Pfhumu Nungungulu wari, khuye: “Kha nga olu a nyi golago, Nyi na mu tshudzisa nyi mu sayisa khu lihaladzo, kholu a ngu liti lina langu.

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Ekisodha 28:43

Aroni ni sanana saye va na si ambala gasi va kodza gubela Tshatshani nya Tshangano, va kodza gu hidzimela vbagiluvelotunu va ta thuma Makhuvini nya Guage, gasi va si mani nandru vafa. Owu wu na bani wuri nayo nya gupindruge ga Aroni ni situgulwana saye.

Ekisodha 29:9

U na hunga Aroni ni sanana saye khu mikeka u va ambagisa sihugu. Thumo nya wuphasi nya mhamba wu na lumba avo khu nayo kala gupindruga. Khidzo kharati u na wumbelago Aroni ni sanana saye.”

Mavingu 12:8

Muthu a gu zundzwa khu kotani nya guti gwaye, aholu muthu nya guvivbedwe khu monyo, va na hembuludwa.

Mavingu 4:8

Gu dandrise, ugo nugo wu na gu khusedza, wa gu gu gumbarela, ugo gu na gu dhumisa.

Mavingu 8:17

Nyi ngu gola vale va nyi golago, avo va nyi vbwetago, va na nyi mana.

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Jeremiya 29:32

Pfhumu Nungungulu a ngu ganela kharati, khuye: Simaya Muneyemi nyi na mu tsayisa gumogo ni livelego laye; mwalo ni moyo nya gitugulwana gyaye a na gu khalago tigoni momu, avo gima kha va na wona makategwa nyi na gu girelago vathu vangu, uye ganede magana nya gu vale Pfhumu Nungungulu. A ngu ganela Pfhumu Nungungulu.

Jeremiya 49:15

Kholu wona nya gukhuwe nyi gu giride nuri gyanana vbakari nya mayigo, u hembuludwa vbakari nya vathu vatshavbo.

Ezekiyeli 34:10

Mune Pfhumu Nungungulu, a ngu ganela kharati, khuye: Wonani gukhenu nyi na wugela vahavisi nyi va rwega nandru khu tshambi wangu; nyi na vbedza wuhavisi wawe, kha va na dzi havisa gambe vabune; nyi na vbulugisa dzinvuta dzangu kanani gwawe, gasi dzi si khali gambe guhodza gwawe.

Dhaniyeli 4:34

Gasi olu, eni Nabhukodhonosori, nyi ngu rungudza, nyi khusedza ni gu dhumisa Mufumeli nya dzindzadzi. Kholu mithumo yaye yatshavbo khya lisine, ni dzindzila dzaye dzi lulamide. Uye a na ni tshivba nya guthese vbavbatshi avo va dzi khusedzago.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Malakiya 2:3

Nyi na tsayisa situgulwana sanu, nyi gwiringela khovbeni gwanu, swanyi nya sirengo mu nyi luvago khiso, mu na dzudzugwa vbavbandze gumogo ni swanyi nya mibuzo yanu.

Mitengo 11:20

aholu mu na yi hodza ngima rumba, kala mu kodwa khiyo yi duga khu dzithonvuni, kholu enu mu yeyiside Pfhumu Nungungulu, Uye a guromo vbakari gwanu, gambe mu lide mbeli gwaye na mu gukhenu: Khu ginani hi dugidego khu tigoni ga Egipito?”

Mitengo 35:34

Mu nga nyenyezisi litigo leli mu vbanyago umo; khumo nyi khalago umo Eni neni, kholu Eni Pfhumu Nungungulu nya gu khala vbakari ga va na Israyeli.

Johane 12:26

Uye a vbwetago gu nyi thumela, a na nyi landre; ni avbo nyi na gu manegago, gi na bani giromo nigyo githumi gyangu. Uye a na nyi thumelago, a na rungudzwa khu Babe wangu.

Johane 5:23

gasi vatshavbo va rungudze Mwamana kha nga idzo va rungudzago khidzo Babe. Uye a si rungudzigo Mwamana kha rungudzi Babe a nga mu rumelago.

Johane 5:44

Mu na khodwa kharini enu mu girelanago lidiwo khu gyanu, mu si thembigo wuzundzo wutago basi khu ga Nungungulu?

Johane 8:49

Jesu a di va phindrula, khuye: “Nyi mwalo liphuvbo nya guvivbe, aholu nya gu rungudza Babe wangu; gasi enu mwa gu nyi nyenya.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

Valamuli 9:10

Khavbo avbo, misimbo yi di embela ndzawa, khiyo: Delu uwe u ta khala mufumeli wathu!