1 Samuweli 2:22 - Bhibhiliya Nya Guage

²² Eli, na gumbide ngudzu, a di gupwa satshavbo iso sanana saye si nga bani si gu gira ga va na Israyeli vatshavbo ni gu va di gu lala ni vanyamayi va nga bani va thumela vbamwanyatunu nya Tshatsha nya Tshangano.

1 Samuweli 2:22 Iomraidhean Croise

Genesi 35:22

Matshigu Israyeli a nga bani a gu vbanya tigoni mule, Rubheni a di bhaya ni Bhila, gibhayi gya babe waye, Israyeli a di mati mahungu yaya. Sanana sa Israyeli a diri likhumi na sivili.

Genesi 37:2

Eli khu livelego la Jakobe. Josefa a nga bani ari lidzaha nya likhumi na livbandre na mivili myaga nya guvelegwe gwaye, a di gu havisa dzinvuta ni vandriyaye, sanana sa Bhila ni Zilipa, vagadzi vababe waye; Josefa a di embeledzela babe waye silo nya guvivbe si nga bani si ganedwa khu va vandriyaye.

Ekisodha 38:8

A di gira ginamelo nya sugu ni gidzigaredzo nya sugu nigyo; giride esi khu mabona ya vanyamayi va nga bani va gu thumela nyangwani nya Tshatsha nya Tshangano.

Ezekiyeli 22:26

Vaphasi vaye nya mhamba va gu hambanisa nayo wangu, ni gunyenyezisa sombo sangu nya guage; kha va kodzi gu hambanisa igyo nya guage nigyo nya gunyenyeze, ambari gu hambanisa igyo nya gulolele nigyo nya guage, kha va khathali khu litshigu langu nya Sabhadho; khu guralo, nyi ngu nyenyeziswa vbakari gwawe.

1 Samuweli 2:23

A di va wudzisa, khuye: Khu ginani mu girago kharati? Khu ginani mu girago wughevenga wowo nya guthise, vathu va wu ganelago?

1 Samuweli 3:13

Kholu nyi mu tiviside gukheni nyi na lamula ngamo yaye kala gupindruga, khu kotani nya guvivbe gwaye, kholu a di gu dziti nya gukhuye, sanana saye si di gu gira manyala, aholu a si si kawuki.

1 Samuweli 8:1

Avbo Samuweli a nga gumbago, a di emisa sanana saye gu khala valamuli va Israyeli.