1 Samuweli 2:2 - Bhibhiliya Nya Guage

² Mwalo a lulamidego kha nga Pfhumu Nungungulu; kholu mwalo mumbe vbavbandze ga Uwe; gi mwalo Giwindri gi tiyidego, nya gufanane ni Nungungulu wathu.

1 Samuweli 2:2 Iomraidhean Croise

2 Samuweli 22:3

Nungungulu wangu, giwindri gyangu nyi thavelago avbo; khuye gitshangu gyangu, tshivba nya guvbanyiswe gwangu; ni likhokhola langu li khusegidego Ama muvbanyisi wangu, u nyi vbanyiside, vbakari nya pfilupfilu.

2 Samuweli 22:32

Kholu, khu mani a gu Nungungulu vbavbandze ga Pfhumu Nungungulu basi? Khu mani muvhikeli, vbavbandze ga Nungungulu wathu?

2 Samuweli 7:22

Khu guralo, u khongolo ngudzu uwe Pfhumu Nungungulu. Mwalo a fananago ni Uwe, gambe mwalo Nungungulu a vbindrago Uwe, kha nga hi sipwidego khu dzindzeve dzathu.

1 Dzipfhumu 8:23

a lombelela, khuye: “Pfhumu Nungungulu wa Israyeli, mwalo mumbe Nungungulu a fananago ni Uwe, vbatshani ndzadzini, ambari vbavbatshi mafuni, Uwe u vegedzago gidzumeledzwano nya wuhindzi ga sithumi sago, si tago mbeli gwago khu monyo wawe watshavbo.

Dzindzimo 111:9

Uye dzegiside vathu vaye; a gira navo gidzumeledzwano nya gupindruge; lina laye li agide li ngu thavisega.

Dzindzimo 18:2

Pfhumu Nungungulu, givhikelo gyangu, likhokhola langu, mudzegisi wangu; nyi ngu thavela gwaye, muvhikeli wangu, gitshangu ni tshivba nya guvbanyiswe gwangu, langwe yangu nya gutiye, wuthavelo wangu.

Dzindzimo 18:31

Khu mani a gu Nungungulu vbavbandze ga Pfhumu Nungungulu, basi? Khu mani muvhikeli, vbavbandze ga Nungungulu wathu?

Dzindzimo 71:19

Gululama gwago, Nungungulu, gu ngu khusega kala ndzadzini. Uwe Nungungulu U giride silo nya sikhongolo ngudzu, khu mani nya gufanane ni uwe?

Dzindzimo 71:3

Khala uwe giwindri nya wuthavelo wangu u gi dongisedego gasi nyi sayisega ga igyo; u rumede gukhuwe nyi vbanyiswa, kholu khuwe giwindri nya likhokhola langu.

Dzindzimo 73:25

Khu mani mumbe nyi gu naye eni ndzadzini, vbavbandze gwago? Mafuni momu, nya gu gola gu khala nago basi.

Dzindzimo 86:8

Vbakari nya vanungungulu vatshavbo mwalo a fananago ni uwe, Pfhumu; mwalo a kodzago gu gira mithumo uwe u yi girago.

Dzindzimo 89:6

Kholu khu mani a guromo ndzadzini nya gufanane ni Pfhumu Nungungulu? Vbakari nya sivangwa sa ndzadzini, khu mani a fananago ni Pfhumu Nungungulu?

Dzindzimo 89:8

Pfhumu Nungungulu nya Tshivba Yatshavbo, khu mani a gu ni tshivba kha nga uwe Pfhumu Nungungulu? Tshivba ni gu tumbega gwago si gu randrede.

Dzindzimo 99:3

Va na dhumise lina lago nya likhongolo nya guthavisege! Kholu li agide.

Dzindzimo 99:5

Rungudzani Pfhumu Nungungulu wathu , khidzimani migondroni gwaye, kholu Uye agide.

Dzindzimo 99:9

Rungudzani Pfhumu Nungungulu wathu, mu khozeleni gigomoni gwaye nya gukatege! Kholu, Pfhumu Nungungulu wathu agide!

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Isaya 40:18

Nungungulu nyi na mu fananisa ni mani, gyomo igyo mu no gi fananisago naye, gani?

Isaya 44:6

Pfhumu Nungungulu, Mufumeli wa va na Israyeli, ni Mudzegisi wawe, Nungungulu nya Tshivba Yatshavbo, a ngu ganela kharati, khuye: “Eni kheni nya guphele ni guhegisa, vbavbandze ga Eni, mwalo mumbe Nungungulu.

Isaya 44:8

Mu nga thavi, gambe mu nga vbeli tshivba; ina gukhugela gale kha nya mi embela mahungu yaya, kha nya mi tivisa, gani? Enu mu dzifakazi dzangu, womo mumbe Nungungulu vbavbandze ga Eni, gani? Gi mwalo gimbe Giwindri nyi gitigo.”

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 6:3

Mweyo ni mweyo, yi di khusa lito yi ganela ga dzimbe, khiyo: “Agide, Agide, Agide Pfhumu Nungungulu nya Tshivba Yatshavbo, mafuni gwatshavbo gu tade khu wudhumo waye.”

Jeremiya 10:6

Mwalo a fananago nago uwe Pfhumu Nungungulu; u khongolo, lina lago likhongolo li na ni tshivba.

Levhi 11:44

Eni kheni Pfhumu Nungungulu wanu, Eni nyi na mi agisa mu simama na mu agide, kholu Eni nyi agide; mu nga dzi nyenyezisini mwabune khu kotani nya sirengo satshavbo soso nya gukhwirire si gimbilago mafuni.

Levhi 11:45

Eni kheni Pfhumu Nungungulu nyi nga mi dusa tigoni ga Egipito, gasi nyi khala Nungungulu wanu. Khu guralo, mu na agani kholu Eni nyi agide.

Levhi 19:2

“Ganela ga tshangano watshavbo nya sanana sa Israyeli, u va embela, khuwe: Agani, kholu Eni Pfhumu Nungungulu wanu nyi agide.

Varoma 15:4

Kholu satshavbo si guromo omu nya Milowo nya Guage si lovedwe gu khala gihevbudzo gwathu, gasi hi mane gutumba khu kotani nya gutimisele hi gu manago umo nya Milowo nya Guage.

Varoma 4:8

Ina, kategide wule Pfhumu a si theligo kota khu sighoho saye.”

Dhewuteronome 3:24

Ama Pfhumu Nungungulu! U phede gu yeyedza ga githumi gyago wugulu wago ni libogo lago nya tshivba; khu mani mumbe nungungulu, ndzadzini mwendro mafuni a dzi kodzago gu gira mithumo yago, ni tshivba nya nga u giridego?

Dhewuteronome 32:20

A ganela, khuye: Nyi na va sihela khovbe yangu, nyi na wona khu mevbini mahegiso yawe, kholu avo melana nya guyeyise, a gu sanana nyamba tumbega.

Dhewuteronome 32:39

Gasi olu, wonani gwadi gukhenu, Eni kheni nyi gu Nungungulu, mwalo mumbe nungungulu vbavbandze ga Eni! Eni kheni nyi ningago guvbanya ni gufa, Eni nyi ngu songa ni guvbanyisa, mwalo a vbulugago mandzani gwangu.

Dhewuteronome 32:4

Uye Giwindri nya gutiye, thumo waye wu vbelede, kholu dzindzila dzaye dzatshavbo dzi lulamide! Nungungulu tumbegide, avbo gwaye gu mwalo gukanganyisa; Uye khwa lisine ni gululama.

Dhewuteronome 4:35

Uwe u yeyedzidwe gasi u dziti nya gukhuwe Pfhumu, khuye Nungungulu; ni gukhuwe mwalo mumbe vbavbandze Gwaye.

Dhewuteronome 4:39

Khu guralo, muhuno, u na dziti ni gupimisa monyoni gwago gukhuwe Pfhumu khuye basi Nungungulu a guromo ndzadzini ni mafuni; mwalo mumbe.

1 Pedro 1:16

Kholu Milowo nya Guage yari, khiyo: “Enu agani, kholu eni nyi agide.”