1 Samuweli 2:10 - Bhibhiliya Nya Guage

¹⁰ Valala va Nungungulu va na pandreledwa; vbatshani gwawe, gu na pandra mabara khu ndzadzini. Pfhumu Nungungulu a na lamula mahegiso nya litigo; Uye a na ninga tshivba mufumeli waye, a na khusedza tshivba ya gihathwa gyaye.”

1 Samuweli 2:10 Iomraidhean Croise

2 Samuweli 22:14

Pfhumu Nungungulu a di pandra mabara khu ndzadzini, Oyu a Khusegidego ngudzu a di pwadza lito laye.

2 Samuweli 7:13

Uye a na vbaha nyumba yi na gu lumbago lina langu, Eni nyi na tiyisa gikhalo nya wufumu waye kala gupindruga.

2 Samuweli 7:8

Khu guralo, u na embela isoso githumi gyangu Dhavhidhe, khuwe: Pfhumu Nungungulu nya Tshivba Yatshavbo a ngu ganela kharati, khuye: Nyi gu duside khu wuhaviseloni nya guhavise dzinvuta, gasi u khale muthangeli wa vathu vangu, a gu va na Israyeli.

Joba 40:9

U na ni tshivba yi fananago ni ya Nungungulu, gani? Lito lago li ngu kodza gu zindza gu fanana ni lito laye, gani?

Dzindzimo 132:17

Nyi na wusa vbale tshivba nya wufumu wa Dhavhidhe, nyi nyi dongisela wenengedzo wa mufumeli nyi mu hathidego.

Dzindzimo 148:14

Uye a ngu khusedza tshivba ya vathu vaye, gasi a rungudzwe khu sihathwa saye satshavbo, gasi a dhumiswe khu vathu vatshavbo va na Israyeli, a gu vathu a va golago. Aleluya! A na dhumiswe Pfhumu Nungungulu!

Dzindzimo 2:2

Vafumeli nya litigo va wugide, manganagana ma ngu gira gikungo ma wugela Pfhumu Nungungulu ni gihathwa gyaye, khavo:

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Dzindzimo 2:9

U na ma pandra khu ndronga nya dzisimbi, u na ma khungumulela kha nga kanvu nya libumba.

Dzindzimo 20:6

Olu nyi ngu dziti nya gukheni Pfhumu Nungungulu, a ngu vbanyisa gihathwa gyaye; a ngu gi hakha khu nyumbani gwaye nya guage ndzadzini, khu siliwugiso sa nyamudye gwaye nya guvbanyise.

Dzindzimo 20:7

Vambe va gu tumba dzikareta, vambe va tumba dzikavalu; gasi ethu ha gu rana lina la Pfhumu Nungungulu wathu.

Dzindzimo 21:1

Mufumeli a ngu nengela khu tshivba yago; Pfhumu Nungungulu, a ngu tsaka khu guvbanyisa gwago! Kholu u mu ningide gupala.

Dzindzimo 28:8

Pfhumu Nungungulu tshivba nya lihundzu langu, likhokhola li vbanyisago gihathwa gyaye.

Dzindzimo 45:7

U ngu gola gululama, u nyenya guvivba; khigyo gi nga girago Nungungulu wago a gu todza khu mafura nya gunengele, guvbindra vatshavbo u palisanago navo.

Dzindzimo 89:17

kholu uwe khuwe wuzundzo nya tshivba yaye, khu wuhindzi wago u ngu khusedza tshivba yathu.

Dzindzimo 89:24

Nyi na tiyisa gwaye gutumbega ni lihaladzo langu; khu lina langu nyi na dandrisa mufumo waye.

Dzindzimo 89:25

Nyi na andrisa wufumu waye kala vbatshani nya yiphwa, ni libogo laye la nyamudye kala vbatshani nya mitsongo.

Dzindzimo 96:13

mbeli ga Pfhumu Nungungulu atago, kholu a nguta, ata lamula litigo; a na lamula litigo ni vathu khu gululama, gukhedza khu gutumbega gwaye.

Dzindzimo 98:9

mbeli ga Pfhumu Nungungulu, kholu uye a nguta ata lamula litigo, a na lamula litigo khu nayo, ni mahundzu khu gululama gwaye

Ekisodha 15:6

Nyamudye wago, Uwe Pfhumu Nungungulu, gu wonegiside tshivba; nyamudye wago, Uwe pfhumu Nungungulu, gu phalalegiside valala.

Muhevbudzi 11:9

Lidzaha, dzi tsakise khu wudzaha wago, u tsakisa monyo wago matshigu nya wudzaha wago; gimbila khu ndzila yi godwago khu monyo wago, ni gu gola nya maho yago; aholu dziti nya gukhuwe Nungungulu a na gu lamula khu satshavbo soso.

Muhevbudzi 12:14

Nungungulu a na lamula mithumo yatshavbo, ni satshavbo si sihadego, iso nya sadi niso nyamba sadi.

Isaya 29:6

Pfhumu Nungungulu nya Tshivba Yatshavbo, a nata gu tsayisa khu mabara, sirevareva, ni gudzuma nya guthise, ni singulu ni sipupwane ni malavbelavbe nya nilo nya gumbembise.

Isaya 32:1

Wonani, gu nata mufumeli a natago a ta fumela khu gululama, dzindruna dzaye, dzi na lamula mahungu khu gululama ni lisine.

Isaya 45:24

Va na ganela khu eni, khavo: Gululama ni tshivba somo ga Pfhumu Nungungulu basi; va nata gwaye na va tade khu dzitshoni vatshavbo vale va nga mu wugelago.

Ezekiyeli 29:21

“Khu litshigu lolo, nyi na wusa tshivba ya na Israyeli, nyi na gu embela magana u na ganelago nyamba kanakana vbakari gwawe; va na dziti gukhavo eni kheni Pfhumu Nungungulu.”

Matewu 25:34

Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Luka 1:69

A hi resede Muvbanyisi nya tshivba, a dugelago nyumbani ya githumi gyaye Dhavhidhe.

Luka 19:27

Gasi khu kotani ya valala vava vangu, va ngamba dzina gu fumedwa kheni, va reseni avba muta va pila migolo na nyi gu va wona.’ ”

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

Mithumo 4:27

Khidzo khu lisine, Pontiyo Pilato ni Herodhi, gumogo ni va nya mayigo ni mahundzu yatshavbo ya Israyeli va hengede gumogo dhoropani momu, va gu wugela githumi gyago nya gukatege, Jesu u nga mu todzago mafura nya wufumu,

2 Vakorinto 5:10

Kholu hatshavbo hi na ema phathani ga Kristo, gasi moyo ni moyo a hakhe fanelo yaye, nya esi a nga si thuma nya sadi ambari nya guvivbe na nga gu vbanya givilini momu.

Valamuli 5:31

Pfhumu Nungungulu, valala vago va na fise guralo, aholu, avo va gu golago va na khale nga lidambo, avbo li dugago khu tshivba yaye yatshavbo.”

1 Samuweli 12:13

gasi olu, mufumeli mu nga mu emisago ni gu mu lomba, khuye oyu; wonani nya gukhenu, Pfhumu Nungungulu a mi ningide mufumeli.

1 Samuweli 12:17

Ina olu khandri gikhati nya guvbwere tirigu, gani? Olu nyi na lombelela ga Pfhumu Nungungulu, a resa mabara ni ndzadzi. Khavbo mu na gu dzitigo ni gu wona wugulu nya gighoho gyanu mbeli ga Pfhumu Nungungulu, kholu mu nga lombani mufumeli.

1 Samuweli 12:18

Khavbo avbo, Samuweli a di lombelela ga Pfhumu Nungungulu, ni Pfhumu Nungungulu litshigu lile a di resa ndzadzi ni mabara; avbo vathu vatshavbo va nga ninga githawo nya gikhongolo ga Pfhumu Nungungulu ni ga Samuweli

1 Samuweli 12:3

Kheni oyu, nya gu bani nyi mi hosede ganelani mbeli ga Pfhumu Nungungulu ni mbeli ga uye a mu todzidego khu mafura; mombe ya mani nyi dzegidego? Buru ya mani nyi dzegidego? Khu mani nyi mu kanganyisidego? Khu mani nyi mu tshanisidego? Nyi hakhide khu mandzani ga mani dzitsapawu nya gurengeledwe gasi nyi sega likana? A gu bani na romo a na ganele, gasi nyi mu bweledzela.

1 Samuweli 15:28

Samuweli a di mu embela, khuye: “Muhuno Pfhumu Nungungulu pferude mufumo wago gasi gu a wu ningela ga mumbe nya wadi guvbindra uwe.

1 Samuweli 16:1

Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”

1 Samuweli 7:10

Samuweli na nga gu ningela phaso nya guvbiswe, Vafilisitiya va di vboha vata dhumela va na Israyeli; Aholu Pfhumu Nungungulu a di pandra mabara nya tshivba litshigu lolo, Vafilisitiya va di hambanega wongo, va padwa va tutuma mbeli ga va na Israyeli.