1 Samuweli 2:1 - Bhibhiliya Nya Guage

¹ Ana a di lombelela a ganela, khuye: “Monyo wangu wu ngu nengela ga Pfhumu Nungungulu, ni hefemulo wangu, wu ngu rungudza Pfhumu Nungungulu; likana langu, li ngu hega valala vangu, kholu nyi ngu tsakela guvbanyisa gwago.

1 Samuweli 2:1 Iomraidhean Croise

2 Dzikoronika 20:27

Khavbo avbo, vatshavbo vama va na Judha ni va Jerusalema, va di bwelela Jerusalema, Josafati a thanga mbeli gwawe na tade khu gutsaka, kholu Pfhumu Nungungulu a di gu va nengedziside khu gu pala valala vawe.

Nehemiya 11:17

Mataniya, mwamana wa Mika, mwamana wa Zabhidhi, mwamana wa Asafi, muthangeli nya dzindzimo umo nya milombelo, ni Bhakebukiya, uye nya wuvili ga vandriyaye, gu landrela Habidha, mwamana wa Samuwa, mwamana wa Galali, mwamana wa Jedhutumi

Joba 16:15

Nyi sonide ngandzu nya gilendra, nyi pfhugunyede khovbe yangu ngumani.

Dzindzimo 118:14

Pfhumu Nungungulu khuye tshivba ni ndzimo yangu, khuye muvbanyisi wangu.

Dzindzimo 13:5

Eni nyi tumbide wuhigo wago; monyo wangu wu na nengela, kholu u na nyi vbanyisa.

Dzindzimo 148:14

Uye a ngu khusedza tshivba ya vathu vaye, gasi a rungudzwe khu sihathwa saye satshavbo, gasi a dhumiswe khu vathu vatshavbo va na Israyeli, a gu vathu a va golago. Aleluya! A na dhumiswe Pfhumu Nungungulu!

Dzindzimo 18:2

Pfhumu Nungungulu, givhikelo gyangu, likhokhola langu, mudzegisi wangu; nyi ngu thavela gwaye, muvhikeli wangu, gitshangu ni tshivba nya guvbanyiswe gwangu, langwe yangu nya gutiye, wuthavelo wangu.

Dzindzimo 20:5

Hi na mane gunengela khu gupala gwago, hi khusedza ngavbya khu lina la Nungungulu wathu! Pfhumu Nungungulu a na tadzise gu lomba gwago gwatshavbo!

Dzindzimo 21:2

U mu girede gugola nya monyo waye, khwa muma esi a nga lombago khu likana laye.

Dzindzimo 35:9

Hefemulo wangu wu na nengela ga Pfhumu Nungungulu, nyi na tsaka khu gu vbanyiswa khuye.

Dzindzimo 51:15

Pfhumu, tula likana langu, likana langu li na tivisa wudhumo wago.

Dzindzimo 71:8

Nyi na gu dhumisa wutshigu ni mihani nyi embelela wudhumo wago.

Dzindzimo 75:10

Nyi na vbedza tshivba ya va nya guvivba; aholu tshivba ya va nya gululama yi na khusedzwa.

Dzindzimo 89:17

kholu uwe khuwe wuzundzo nya tshivba yaye, khu wuhindzi wago u ngu khusedza tshivba yathu.

Dzindzimo 89:18

Kholu gitshangu nya gu hi vhikele gyomo mandzani ga Pfhumu Nungungulu, ni mufumeli wathu a gu lumba oyu a Agidego wa Israyeli!

Dzindzimo 89:24

Nyi na tiyisa gwaye gutumbega ni lihaladzo langu; khu lina langu nyi na dandrisa mufumo waye.

Dzindzimo 9:14

Nyi fela gu embelela wuzundzo dzinyangwani ga gyagadzyana gya Siyoni, nyi nengela kholu u nga nyi vbanyisa.

Dzindzimo 92:10

Aholu eni u nyi ningide tshivba gukhwatshi kheyi nya nyari, u nyi todzide hungoni khu mafura yago nya gunungele.

Ekisodha 15:1

Khavbo avbo, Mosi ni sanana sa na Israyeli va di emba ndzimo yeyi nya gurungudze Pfhumu Nungungulu, khavo: “Nyi na embelela ga Pfhumu Nungungulu a wonegisidego gidhumo gyaye nya gikhongolo: Rinyide phwani kavalu ni mukhileli wakone.

Ekisodha 15:21

Miriyamu a di va thulela ndzimo, khuye: “Embani ga Pfhumu Nungungulu, kholu khu lisine khongolo; mbembiside phwani kavalu ni mukhileli wakone.”

Habhakuka 3:1

Nombelo wa muprofeti Habhakuka khu magirelo nya guembelele.

Habhakuka 3:18

ambari khu guralo, eni nyi na khusedza Pfhumu Nungungulu, nyi nengela ga Nungungulu nya guvbanyise gwangu.

Luka 1:69

A hi resede Muvbanyisi nya tshivba, a dugelago nyumbani ya githumi gyaye Dhavhidhe.

Varoma 5:11

Gambe khandri iso basi. Ethu hi na ni gunengela nya gukhongolo ngudzu mbeli gwa Nungungulu khu kota ya Jesu Kristo, a gu uye hi manago khuye gutshangana ni Nungungulu.

Dhewuteronome 33:17

Uye mburide kha nga gyanana nya matiwula gya mombe yaye! Dzikeho dzaye dzi ni tshivba kha nga dzikeho nya nyari; a nga mbembisa khidzo mayigo yatshavbo, kala mahegiso nya mafu: A gu sidzemo nya mahundzu ya na Efrayimi, mazanazana nya mahundzu ya na Manasi.

Vafilipi 3:3

Kholu ethu khethu hi hakhidego wugwera nya lisine, ethu hi khozelago khu Liphuvbo la Nungungulu, hi vegago wuzundzo wathu ga Jesu Kristo, ethu hi si vegigo gitumbo gyathu avba nya tumbunugo nya wuthu.

Vafilipi 4:4

Nengelani ga Pfhumu; nyi ngu engedza gu mi embela, nengelani.

Vafilipi 4:6

Mu nga garadzegi khu gilo. Omu nya milombelo yanu lombani esi mu si vbwetago ga Nungungulu, khu monyo nya gubonge.

1 Pedro 1:8

Enu mu ngu mu haladza, ambari mu ngamba mu wona; mu ngu khodwa gwaye, ambari mu si mu wonigo olu. Khu guralo, enu mu ngu nengela khu gutsaka nya gukhongolo ngudzu, ni wudhumo wu tandrwago gu ganedwa khu magana.

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

1 Samuweli 1:6

Gu diga nya isoso, kwawe Penina a di mu tsorodzela ngudzu, na gu mu tshanisa, khu kotani Pfhumu Nungungulu a nga mu gira gyumba.

1 Samuweli 1:7

Esi si di girega myaga yatshavbo gikhati Ana a gwelago Nyumbani ga Pfhumu Nungungulu; Ana a di khala khu gulila, a si hodzi gilo.