1 Samuweli 19:10 - Bhibhiliya Nya Guage

¹⁰ Sawule a di zama gu mu paya vbandzaritunu, aholu uye a di vhika gupaywa khuye, litshari li ya paya ndzari; ni wutshigu wowo kamwe, Dhavhidhe a di khuga a tutuma a vbulugisa guralo.

1 Samuweli 19:10 Iomraidhean Croise

Dzindzimo 124:7

Kha nga ginyoni, hi vbulugide gu modwa khu naphwi wa mudembeli, gu di kaviga lizinga, ethu hi vbuluga.

Dzindzimo 18:17

A nyi vbulugiside ga nala nya tshivba ni ga avo va nyi vengago, kholu va diri ni tshivba gu nyi vbindra.

Dzindzimo 34:19

Sigaradzo nya muthu nya gululame singi ngudzu, aholu Pfhumu Nungungulu a gu mu vbulugisa ga satshavbo.

Dzindzimo 37:32

Muthu nya guvivbe a gu holelela muthu nya gululame a zama gu mu songa.

Mavingu 1:16

Kholu avo va gu tutumela umo nya guvivbe, va vbiredzela gu vbaladza novba.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Isaya 54:17

Matshari yatshavbo ma giridwego gasi gu gu sasela, kha ma na gu gira gilo; ni watshavbo uye a vbwetago gu gu lumbedza malipha, uwe u na mu kona; eyi khiyo thomba ya sithumi sa Pfhumu Nungungulu, ni gululama gwawe gwa guta khiyo gwangu; a ngu ganela Pfhumu Nungungulu.

Hoseya 6:4

Ginani nyi yelago gu gira khu uwe Efrayimi? Ginani nyi yelago gu gira khu uwe Judha? Kholu lihaladzo lanu la gu fanana ni mapfhi nya Wuronga, ni thondrwane nya dzimindru si vbiredzago gu mwalalega.

Matewu 10:23

Mwa gu tutumiswa dhoropani momo nya gukari, thavelani ga limbe. Kholu khu lisine nyi ngu mi embelani, kheni: Kha mu na vbedza gu dzuwulugela madhoropa ya Israyeli na si gu vbohi Mwamana wa Muthu.

Luka 4:30

Aholu Jesu a di vbindra khu vbakari gwawe a gu hongola.

Johane 10:39

Khavbo avbo, va di vbweta gu mu mola, gasi uye a di vbuluga mandzani gwawe.

Vahebheru 11:34

Va di tshima nilo nya tshivba, va vbuluga gu songwa khu matshari. Va diri mwalo tshivba, aholu, va khade va nya tshivba. Va khade dzindrena litungani, va pala mabutho ya va nya guta.

1 Samuweli 18:10

Khu litshigu li landrelago, Sawule a di beledwa khu liphuvbo nya guvivbe nya gurumedwe khu Nungungulu, a di phela gu regerela mihamuhamu nyumbani gwaye, Dhavhidhe a di womba gitendre kha nga mambe matshigu. Khu gikhati gyogyo, Sawule a di pharide litshari mandzani,

1 Samuweli 18:11

a li khusedza na gu ganela khu monyoni gwaye, khuye: “Nyi na paya Dhavhidhe nyi dzegela gu mupata ni ndzari.” Aholu Dhavhidhe a di mu vhika khu nyondro mbili.

1 Samuweli 19:6

Sawule a di yingisa magana ya Jonatane, a sambanya, khuye: “Nyi ngu sambanya khu Pfhumu Nungungulu a vbanyago, gukheni gima kha na ngafa.”

1 Samuweli 20:33

Khavbo avbo, Sawule a di rinya litshari laye gasi gu songa Jonatane, khavbo Jonatane a wonidego gukhuye kamwe babe waye a dzi emisede gu songa Dhavhidhe.