1 Samuweli 18:8 - Bhibhiliya Nya Guage

⁸ Sawule a di swireka ngudzu, kholu magana yaya, kha ma mu nengedzisa; a ganela, khuye: “Va ningide Dhavhidhe, likhumi magumi mazana (10.000), aholu eni, va nyi ninga basi likhumi mazana (1.000); olu gutshala basi, gu ningwa wufumu.”

1 Samuweli 18:8 Iomraidhean Croise

Genesi 37:11

Vandruye va Josefa va di mu girela lidiwo, aholu babe waye, a di vegedza silo monyoni gwaye.

Genesi 37:8

Vandriyaye va di mu embela, khavo: “Ina uwe u na fumela vbatshani ga ethu hatshavbothu, gani? Gu nonedza gukhuwe u na khala uwe pfhumu yathu?” Va di engedzela gu mu venga khu kotani nya dzindroro ni magana yaye.

1 Dzipfhumu 2:22

Mufumeli Solomoni a di hakha mayi waye, khuye: “Khu ginani u lombago basi Abhisagi nya Musumani gu khala ngadza Adhoniya? Lomba gambe ni mufumo wu khale waye, kholu khuye koma wangu, lombela gambe ni muphasi nya mhamba Abhiyatari ni Jowabhi, mwamana wa Zeruya.”

Mavingu 13:10

Matshandza ma gu vanga mazondra, aholu wugengeli wa gu manwa khu vale va dzumelago gulaywa.

Mavingu 27:4

Likhulo li vivbide, ni gugoroga i talo nya mati, aholu khu mani a tiyelago lidiwo?

Muhevbudzi 4:4

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Mitengo 11:1

Va na Israyeli, va di phela gungurangura ga Pfhumu Nungungulu. Gikhati Pfhumu Nungungulu a nga si pwago, a di goroga ngudzu a khondrisa nilo nya guthise lizumboni, wu vbisa dzitshokhani nya lizumbo.

Mitengo 22:34

Bhalahama a di hakha Ngilozi ya Pfhumu Nungungulu, khuye: “Nyi ghohide, aholu kha nya nga dziti gukheni u emide ndzilani, khu mbeli gwangu; khu satshavbo soso sa gu bani si vivbide mahoni gwago, nyi na bwelela gaya.”

Jakobe 4:5

Mwa gu alakanya gukhenu Milowo nya Guage ya gu ganela mahala, yi gu, khiyo: “Ina Liphuvbo li vbanyago milini gwathu, Nungungulu a di li gira khu wufu, gani?”

1 Samuweli 13:14

Olu mufumo wago kha wu naya mbeli. Pfhumu Nungungulu a dzi hathede muthu a tsakiswago khuye, gambe a mu vegide gu khala muthangeli wa vathu vaye, kholu uwe khwa landrisa esi Pfhumu Nungungulu a gu leletedego.

1 Samuweli 15:28

Samuweli a di mu embela, khuye: “Muhuno Pfhumu Nungungulu pferude mufumo wago gasi gu a wu ningela ga mumbe nya wadi guvbindra uwe.

1 Samuweli 16:13

Samuweli a di dzega gigasi nya mafura a mu todza vbakari ga vandriyaye; gukhugela litshigu lile guya mbeli Liphuvbo la Pfhumu Nungungulu li di mbaka ga Dhavhidhe. Khavbo avbo, Samuweli a di khuga a hongola Rama.

1 Samuweli 18:9

Gukhugela litshigu lile guya mbeli, Sawule kha nga wona Dhavhidhe khu maho nya yadi.

1 Samuweli 19:1

Sawule a di ganela ga mwanaye Jonatane ni ga vathumegeli vaye vatshavbo khu gikungu gyaye nya guvbwete gu songa Dhavhidhe. Aholu Jonatane mwamana wa Sawule, a di gu gola ngudzu Dhavhidhe.

1 Samuweli 20:31

Na nga gu vbanya mwamana wa Jese, uwe ambari ni mufumo wago kha si na tiya. Olu rumela vaya mu rana va mu resa avba gwago, kholu uye fanede gu songwa!”