1 Samuweli 18:5 - Bhibhiliya Nya Guage

⁵ Dhavhidhe a di gira satshavbo khu ndruda iso a nga bani na gu leletedwa khu Sawule; avbo Sawule a nga mu vega kha nga moyo nya vathangeli nya dzinyimbi dzaye. Uye a di nengedzisa vathu vatshavbo gumogo ni vathumegeli va Sawule.

1 Samuweli 18:5 Iomraidhean Croise

Genesi 39:23

Muthangeli nya lipaso, a di si dzi garadzi khu gu khedzisela esi si nga bani a pharisidwe Josefa, kholu Pfhumu Nungungulu a diri ni uye; Pfhumu a di gira gukhuye silo ni mithumo yatshavbo ya Josefa yi mu dugela gwadi.

2 Samuweli 5:10

Khu magirelo yaya, Dhavhidhe a di ya na gu engedzelana gudandra, kholu Pfhumu Nungungulu nya Tshivba Yatshavbo, a diri ni uye.

2 Samuweli 5:2

Gukhugela matshigu ya gale, na nga gu fuma Sawule, khuwe u nga bani nu thangela va na Israyeli gu ya dwana nyimbi, Pfhumu Nungungulu nuye a di gu embede, khuye: “Uwe u na havisa vathu vangu va na Israyeli, u na khala muthangeli wawe.

2 Dzikoronika 17:3

Pfhumu Nungungulu a diri ni Josafati, kholu uye a di gimbila khu dzindzila nya guhegule dza babe waye Asa, kha nga vbweta vanungungulu nya Vabhahali.

Dzindzimo 1:3

A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

Dzindzimo 101:2

Nya gu vbweta gu landra ndzila nya gululame; lini u natago avbo gwangu? Ndrangani gwangu nyi na vbanya khu mavbanyelo nya gululame.

Matewu 10:16

“Wonani, nya gu mu rumelani kha nga dzinvuta vbakari nya masolwa; khu kharato, gengelani kha nga dzinyoga; mu rula kha nga matuva.

Mithumo 7:10

a di mu vbulugisa mu sigaradzoni satshavbo; a di mu ninga mapimo a mu gira gambe gigodwa gya Faro, mufumeli wa Egipito. Faro a di mu vega kha nga gyandza gyaye a thangela litigo la Egipito ni ndranga yaye yatshavbo nya wufumu.

Vaefeso 5:17

Khavbo avbo, mu nga khali sipumbu, aholu dzi garadzeni khu gu tugula egi Pfhumu a golago gukhuye mu gire.

Vakolosi 4:5

Vbanyani khu guti ni mapimo vbakari nya vale va si khodwigo, mu londrola gwadi gikhati mu gu nagyo.

Valamuli 1:19

Pfhumu Nungungulu a diri ni Judha, uye a di tutumisa vavbanyi va mugigomoni, aholu vavbanyi va panini, kha nga va tutumisa, kholu va diri ni dzikareta nya dzisimbi.

1 Samuweli 13:2

a di hatha vbakari ga na Israyeli magumararu mazana (3.000) vama; magumavili mazana (2.000) gasi aya khala navo dhoropani ga Makimasi, musigomoni ga Bheteli, likhumi mazana (1.000) va khala ni Jonatane dhoropani ga Gibheya ga Bhejami; avo va nga tshala a va bweledza, muthu ni muthu a hongola gaya gwaye.

1 Samuweli 14:52

Matshiguni yatshavbo nya guvbanye ga Sawule, gu manegide nyimbi nya guthise ngudzu nya gudwanisane ni Vafilisitiya; Sawule a gu wona mwama nya ndrena ni tshivba, a di mu dzega a khala waye.

1 Samuweli 18:16

Aholu va na Israyeli ni va na Judha vatshavbo, va di gola Dhavhidhe, kholu khuye a nga bani na gu va thangela umo nya dzinyimbi dzawe.

1 Samuweli 18:30

Gikhati gyatshavbo vathangeli nya dzinyimbi dza Vafilisitiya va nga bani va duga vata dwanisa Israyeli, Dhavhidhe a di dugelela mulitungani guvbindra vathangeli vatshavbo va Sawule; khu guralo lina laye li di zundzega ngudzu.

1 Samuweli 18:4

Jonatane a di tshula libhadzi a nga bani na gu ambala a ninga Dhavhidhe, gumogo ni guambala gwaye, ni litshari laye, wulaho ni libhandri.

1 Samuweli 18:6

Avbo Sawule a nga bani na gu wuya khu nyimbitunu ni masotshwa yaye, Dhavhidhe nuye na gu wuya khu gusaselatunu nya Vafilisitiya, vanyamayi va madhoropani gwatshavbo gwa na Israyeli va di khinga mufumeli Sawule, na va gu womba dzingoma va emba ni gu hana, va kulungela mbeli gwaye khu gutsaka.

1 Samuweli 3:19

Samuweli a diya na gu dandra, Pfhumu Nungungulu a diri ni uye, ni gimwegyo nya magana a ganedego kha ma diga ma thega vbavbatshi.