1 Samuweli 18:30 - Bhibhiliya Nya Guage

³⁰ Gikhati gyatshavbo vathangeli nya dzinyimbi dza Vafilisitiya va nga bani va duga vata dwanisa Israyeli, Dhavhidhe a di dugelela mulitungani guvbindra vathangeli vatshavbo va Sawule; khu guralo lina laye li di zundzega ngudzu.

1 Samuweli 18:30 Iomraidhean Croise

2 Samuweli 11:1

Khu mwaga wu nga landrelago, gikhati vafumeli va nga bani va duga guya nyimbitunu, Dhavhidhe a di rumela Jowabhi, gumogo ni vathu vaye vatshavbo va na Israyeli guya sasela va na Amoni; avo va diya ghova tigoni ga Rabha, aholu Dhavhidhe a di tshade Jerusalema.

2 Samuweli 7:9

Eni nyi diri nago gwatshavbo umo u gimbidego khumo; nyi mbembiside valala vago mbeli gwago, nyi giride lina lago gukhwatshi lina nya vathu vakhongolo va guromo mafuni.

2 Dzipfhumu 1:13

Mufumeli a di rumela gambe khu nyondro nya wuraru mumbe muthangeli nya livbandre magumi ni livbandre magumi vama, avbo uye a nga ya khidzima mbeli ga Eliya a mu lomba, khuye: “Muthu wa Nungungulu, vbanyisa womi wangu, ni wa vathu vava nya sithumi sago nya livbandre magumi.

Dzindzimo 116:15

Gu na ni lisima mahoni ga Pfhumu Nungungulu gufa ga sihathwa saye.

Dzindzimo 119:99

Nyi ngu pimisa gwadi guvbindra vahevbudzi vangu, kholu nyi ngu alakanyela sileletelo sago.

Mavingu 12:8

Muthu a gu zundzwa khu kotani nya guti gwaye, aholu muthu nya guvivbedwe khu monyo, va na hembuludwa.

Dhaniyeli 1:20

Mahunguni gwatshavbo nya wugengeli ni guti, gu di manega avo na vari mbeli likhumi dzinyondro guvbindra dzinyanga ni valoli nya dzisolo dza tigoni gwaye gwatshavbo.

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Vaefeso 5:15

Khu kharato, vandriyangu, dzi woneleni guvbanyani gwanu. Mu nga vbanyi kha nga sipumbu, aholu kha nga vathu nya guti.

1 Pedro 2:4

hidzimelani gwaye, a gu giwindri nya guvbanye, gi nga nyenywa khu lisine khu vathu, aholu ga Nungungulu gilo nya lisima.

1 Pedro 2:7

Khu guralo, ga enu mu khodwago, giwindri gyogyo khya lisima ngudzu. Aholu, ga ava va si khodwigo; “Giwindri gi nga nyenywa khu vavbahi gi khade giwindri nya gutshanganise.”

1 Samuweli 18:29

Khavbo avbo, Sawule, a di engedzela gu ninga githawo Dhavhidhe, aholu a di simama gu khala nala waye.

1 Samuweli 18:5

Dhavhidhe a di gira satshavbo khu ndruda iso a nga bani na gu leletedwa khu Sawule; avbo Sawule a nga mu vega kha nga moyo nya vathangeli nya dzinyimbi dzaye. Uye a di nengedzisa vathu vatshavbo gumogo ni vathumegeli va Sawule.

1 Samuweli 19:8

Gu di simama gu manega nyimbi, Dhavhidhe aya dwana ni Vafilisitiya a va sasela ngudzu, va thava va tutuma mbeli gwaye.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.

1 Samuweli 26:21

Khavbo avbo, Sawule, a di hakha, khuye: “Nyi ghohide, wuya mwanangu Dhavhidhe, kholu kha nyi na engedza gambe gu gu girela iso nya guvivbe; kholu muhuno u wonide womi wangu na wuri ni lisima mahoni gwago. Esi nyi si giride khu wupumbu, nyi gira gighoho nya gikhongolo!”

1 Samuweli 26:24

Kha nga muhuno, guvbanya gwago gu manidego lisima mahoni gwangu, kharato nugo, womi wangu wu na mane lisima mahoni ga Pfhumu Nungungulu, a nyi vbulugisa gu sanisekani gwangu gwatshavbo.”