1 Samuweli 18:23 - Bhibhiliya Nya Guage

²³ Avbo vathumegeli va Sawule va nga ganela mahungu yaya ga Dhavhidhe, uye a di va hakha, khuye: “Ina mwa gu pimisa gukhenu gu dzega gyanana gya mufumeli gilo nya guvbevbuge, gani? Avbo mu nyi wonago gukhenu eni nyi gisiwana nyambana gilo!”

1 Samuweli 18:23 Iomraidhean Croise

Genesi 29:20

Jakobe khu gufela Rakeli, thumide livbandre na mivili myaga; aholu uye a di yi wona kha nga matshigu madugwana; kholu a di gu haladza ngudzu Rakeli.

Genesi 34:12

Ganelani tengo mu wu vbwetago nya lowolo ni sombo, nyi na mi ningani gukhedza khidzo mu dzinago khidzo. Aholu egi nyi mi lombago basi khu gukheni dzumelani nyi dzega nyamahegyane wanu a khale mwangadzi wangu.”

Dzindzimo 119:141

Nyi muthu nya nyalidede ni gusolega, aholu, kha nyi divali sileletelo sago.

Mavingu 14:20

Gisiwana gya gu nyenywa ambari khu pari yaye, aholu sitetema si na ni dzipari nya dzingi.

Mavingu 29:5

Uye a sengedzelago muakelane waye, a gu mu dembela naphwi migondroni gwaye.

1 Johane 3:1

Wonani wukhongolo nya lihaladzo la Babe ga ethu, gu kala hi gu ranwa pwani hi sanana sa Nungungulu. Lisine kamwe, hi sanana sa Nungungulu. Litigo kha li hiti, kholu kha la muti Nungungulu.

1 Samuweli 18:18

Dhavhidhe a di phindrula Sawule, khuye: “Kheni mani eni, ambari khu mavbanyelo yangu ni ndranga ya babe wangu omu tigoni ga Israyeli, nyo kala nyi khala mwane wa mufumeli.”

1 Samuweli 18:22

Sawule a di leletela sithumi saye, khuye: “Indrani mu ya embela Dhavhidhe khu gisihaledza, khenu: Wona nya gukhuwe mufumeli a ngu gu gola, ni ethu vathumegeli vaye hi ngu gu gola. Khu guralo khala mwane waye.”

1 Samuweli 18:24

Avbo vathumegeli va ngaya embeledzela Sawule, iso a nga va hakhago khidzo,

1 Samuweli 9:21

Sawule a di hakha a ganela, khuye: “Gasi eni khandri nyi wa na Bhejami, nyumba nya yidugwane ga vatshavbo va na Israyeli, gani? Nyumba yangu khandri iyo nya yi dugwane ga lihundzu latshavbo la na Bhejami, gani? Khu ginani u nyi embelago magana nya nga ayoyo?”