1 Samuweli 17:47 - Bhibhiliya Nya Guage

⁴⁷ Mwatshavbo mu guromo avba mu na dziti nya gukhenu khandri khu litshari mwendro giholoma Pfhumu Nungungulu a ningago khigyo gupala; kholu litunga khya Pfhumu Nungungulu, Uye a na ningela enu mwatshavbo mandzani gwathu.”

1 Samuweli 17:47 Iomraidhean Croise

2 Dzipfhumu 5:15

Khavbo avbo, a di bwelela ga muthu wa Nungungulu uye gumogo ni vathu vaye, ata ema mbeli gwaye a mu embela, khuye: “Olu kamwe nyi ngu dziti gukheni omu tigoni gwatshavbo, mwalo Nungungulu, vbavbandze gwa Nungungulu wa tigoni ga Israyeli basi; gasi olu nyi ngu gu lomba kheni hakha gikategiso gya githumi gyago.”

2 Dzikoronika 14:11

Asa a di womba huwa a rana Pfhumu Nungungulu waye, a ganela, khuye: Pfhumu Nungungulu, vbavbandze gwago, mwalo mumbe a kodzago guphasedzela avo va gu mwalo tshivba, va gu wugedwa khavo va gu ni tshivba. Hi phase Uwe Pfhumu Nungungulu wathu, kholu ethu ha gutumba Uwe, hi somide nyimbi yeyi Linani gwago, guta dwana ni mwandra yoyu; Pfhumu Nungungulu, Uwe, khuwe Nungungulu wathu, a nga manegi muthu nya gu gupale.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Hoseya 1:7

Aholu va na Judha nyi na va pwela wuhindzi, nyi va vbulugisa khu Pfhumu Nungungulu wawe, kha nyi na va vbulugisa khu wulaho mwendro matshari, ambari khu gu dwana nyimbi, mwendro khu dzikavalu, ambari khu vakhileli vawe nya dzikavalo.”

Zakariya 4:6

Uye a di nyi hakha a nyi embela, khuye: “Aya khu magana ya Pfhumu Nungungulu a ganelago khu kotani ya Zorobhabheli, khuye: Khandri khu tshivba, mwendro khu dzihanyi, aholu, khu Liphuvbo langu; a ngu ganela Pfhumu Nungungulu nya Tshivba Yatshavbo.

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

Varoma 8:37

Aholu ga satshavbo sesi, ethu hi pade khu tshivba ya wule a nga hi haladzago.

Josuwa 10:8

Pfhumu Nungungulu a di embela Josuwa, khuye: “U nga khali hwanga kholu vatshavbo nyi na va ningela mandzani gwago; mwalo na moyo wawe a na tiyago guta mbeli gwago.”

1 Samuweli 14:6

Jonatane a di embela lidzaha nya muphari nya matshari yaye, khuye: “Hongole hi yela makhuna yaya; mwendro saye Pfhumu Nungungulu a na hi phasa a hi dwanela, kholu ga Nungungulu gimwalo gi gumba kodzega, uye a na hi vbulugisa khu vangi ambari khu vadugwana.”

1 Samuweli 18:17

Sawule a di embela Dhavhidhe khuye: “Nyi na gu ninga Merabhi nyamahegyane wangu nya matiwula a khala mwangadzi wago; gambe u fanede gu dzi yeyedza gukhuwe u ndrena nya gudwane dzinyimbi dza Pfhumu Nungungulu.” Sawule a di ganela khu monyoni gwaye, khuye: “Kha nyi vbweti gu mu songa khu mandza yangu, aholu a na songwa khu Vafilisitiya.”