1 Samuweli 17:4 - Bhibhiliya Nya Guage

⁴ Mudwani moyo nya nyimbi a ranwago pwani khu Gholiya, a nga bani ari wa lihundzu la Gati, a dita khu lizumbotunu la Vafilisitiya, a diri mwama nya gulaphe nya guvbwete gu enedza mikono miraru.

1 Samuweli 17:4 Iomraidhean Croise

1 Dzikoronika 11:23

A di songa gambe mwama nya gulaphe nya Mugipiti, a nga bani nari ni pimo nya livbandre mikono; mwama yoyu a diri ni litshari mandzani gwaye nya gufanane ni gikari gya mulugi, aholu Bhenaya a di mu dhumela khu ndronga a wandra litshari a mu songa khilo.

Amosi 2:9

Kheni nyi mbembisidego Vaamori mbeli gwawe, ambari va nga bani va laphide ngudzu kha nga misedhari, va tiyidego gu fanana ni miguhu. Eni nyi kutsungide mihandro yawe ya vbatshani, nyi sigula mikhamba yawe khu vbavbatshi.

Dhewuteronome 3:11

Kholu Ogi, mufumeli wa Bhasani, khuye enga a nga bani na tshade nya lihundzu nya sidandrangulu, Varefayini; lidawu laye a diri la simbi li nga bani liri ni pimo nya livbandre na mina mikono gulapha, guanama li diri ni mikono mina, mayelano khu pimo wu nga bani wu thumiswa gikhati gyogyo. Li nga romo kala na muhuno.

Josuwa 11:22

Mwalo ni moyo basi nya muanaki a tshadego nya guvbanye tigoni ga sanana sa Israyeli; vbavbandze basi tigoni ga Gaza, Gati ni Asidhodhi khumo va tshadego vadugwana nya gukari.

1 Samuweli 17:23

Avbo a nga bani a bhula navo, Gholiya, mudwani nya nyimbi ya Vafilisitiya va Gati, a di thanga aya yuyuta kha nga matshigu; Dhavhidhe a di mupwa.

1 Samuweli 17:3

Vafilistiya va di khade khu giwulani, va na Israyeli khu limbe liphuvbo, va hambaniswa khu kova.

1 Samuweli 17:5

Uye a di gu ambala gihugu nya sugu, a ambala givhikelo nya magwaru nya sugu; gi nga bani gi lemela pimo nya livbandre magumi mazana nya dzisikulu.

1 Samuweli 27:4

Sawule na tivisidwe gupwani Dhavhidhe thavede Gati, a di diga gu mu landrelela.