1 Samuweli 17:36 - Bhibhiliya Nya Guage

³⁶ Eni githumi gyago nyi kodzago gu songa nghala ambari gikankanka; Mufilisitiya yoyo nyamba hana wugwera a na fanana ni gimwegyo nya iso, kholu a gu khuthedzela masotshwa ya Nungungulu a vbanyago.

1 Samuweli 17:36 Iomraidhean Croise

2 Dzikoronika 32:17

Senakerebhi a di lova gambe ni malangalila nya guvale Pfhumu Nungungulu wa Israyeli, a ganela, khuye: “Kha nga vanungungulu va nya mayigo va mafuni va ngamba kodza gu vbulugisa vathu vawe mandzani gwangu, khu kharato nugo Nungungulu wa Ezekhiya, kha na vbulugisa vathu vaye mandzani gwangu.”

Isaya 10:15

Ina gibhewula gi ngu kodza gu dzi zundza ga uye a kokago khigyo, gani? Mwendro saroti yi ngu dzi wona na yiri ni tshivba guvbindra oyu a yi thumisago, gani? Isoso si di hadza gu gira gu lipitso li kutsunga libogo la wule a gu ni tshivba gu li vbindra, mwendro gighomba gi khusa wule a gi pharago!

Isaya 36:15

Ne vbadugwana mu nga kutsedzedwi khu Ezekhiya gukhuye tumbani Pfhumu Nungungulu, a gu ganela, khuye: Khu lisine Pfhumu Nungungulu a na hi vbulugisa, ambari ni lidhoropa leli, kha li na ningedwa mandzani ga mufumeli wa Asiriya.

Isaya 36:18

Mu nga dzumeli gu kanganyiswa khu Ezekhiya, khuye: Pfhumu Nungungulu a na mi vbulugisa. Ina vanungungulu nya mayigo va di nga dzi kodza gu vbulugisa litigo lawe mandzani ga mufumeli wa Asiriya, gani?

Ezekiyeli 28:10

Uwe u nafa kha nga va nyamba hana wugwera mandzani ga vathu va mambe mayigo. Kholu Eni nyi ganede. A ngu ganela Mune Pfhumu Nungungulu.”

Ezekiyeli 32:19

Khu mani u mu palago khu wumburi? Relela phalani u ya dzingwa gumogo ni va nya gumba hana wugwera.

Dhaniyeli 5:23

U di bwelo khavbo u wugela Pfhumu ya ndzadzini. U di rumela guya dzega sombo sa nyumbani gwaye sita avbo gwago, ni ga dzindruna, vagadzi vago ni sibhayi sago mu ta sela khiso wadwa; gudiga nya isoso, u di bwelo khavbo u rungudza vanungungulu nya parata, nya ndralama, nya sugu, nya dzisimbi, nya misimbo ni siwindri, va si wonigo, nya mbapwa, ni gumbati. Aholu Nungungulu uye a pharidego womi wago, ni dzindzila dzago dzatshavbo, khu theli kota khuye gu mu dhumisa.

Zakariya 12:3

Litshigu lolo, nyi na gira Jerusalema gu khala giwindri nya gulemele ga mayigo yatshavbo; oyu a na yedzago gu gi khusa, a na vbadzuledwa khigyo; mayigo yatshavbo ya mafuni ma na patana ma wugela Jerusalema.

Zakariya 2:8

Kholu Pfhumu Nungungulu nya Tshivba Yatshavbo, a ngu ganela kharati, khuye: Hwane nya gu na nyi rumede ga mayigo ma mu phangidego; kholu wule a mu kuhago a gu kuha ndzololwane nya liso laye.

1 Samuweli 14:6

Jonatane a di embela lidzaha nya muphari nya matshari yaye, khuye: “Hongole hi yela makhuna yaya; mwendro saye Pfhumu Nungungulu a na hi phasa a hi dwanela, kholu ga Nungungulu gimwalo gi gumba kodzega, uye a na hi vbulugisa khu vangi ambari khu vadugwana.”

1 Samuweli 17:10

A engedza gambe, khuye: “Nyi ngu lomba muhuno ni gu kanyisa masotshwa ya Israyeli, kheni: Nyi rumeleni mwama moyo, gasi hi ta dwana hekha, eni ni uye!”

1 Samuweli 17:26

Khavbo avbo, Dhavhidhe a di wudzisa ga masotshwa ma nga bani ma romo vbafuvbi gwaye, khuye: “A na hakha ginani uye a na gu palago mwama yoyo nya Mufilisitiya ni guvbulugisa wudhumo wa Israyeli? Khu mani yoyo nya Mufilisitiya nyamba hana wugwera, nya gukala a wugela masotshwa ya Nungungulu a vbanyago?”

1 Samuweli 17:35

eni nya gu yi tutumisa, nyi yi bayisa, nyi wandra nvuta kanani gwaye. Avbo yi thendregedzago gasi gu nyi wugela, nya gu yi mola khu giledzu nyi yi thela dziphandza kala nyi yi songa.

1 Samuweli 17:37

Pfhumu Nungungulu a nyi vbulugisidego mandzani nya nghala ni mandzani ga gikankanka, a na nyi vbulugisa gambe mandzani ga Mufilisitiya yoyo.” Khavbo avbo, Sawule a di embela Dhavhidhe, khuye: “Gimbila, Pfhumu Nungungulu a na khale ni uwe.”

1 Samuweli 18:17

Sawule a di embela Dhavhidhe khuye: “Nyi na gu ninga Merabhi nyamahegyane wangu nya matiwula a khala mwangadzi wago; gambe u fanede gu dzi yeyedza gukhuwe u ndrena nya gudwane dzinyimbi dza Pfhumu Nungungulu.” Sawule a di ganela khu monyoni gwaye, khuye: “Kha nyi vbweti gu mu songa khu mandza yangu, aholu a na songwa khu Vafilisitiya.”

1 Samuweli 31:4

Khavbo, Sawule a di embela muphari nya matshari yaye, khuye: “Homola litshari lago u nyi paya khilo, gasi nyi siti paywa khu va nya misutu vava, va bwelo va hagana khu girumbi gyangu.” Aholu muphari nya matshari yaye, kha dzumela gu gira isoso, kholu a di gu thava ngudzu; khavbo avbo, Sawule a di dzega litshari laye a dzi rinya vbatshani gakone.