1 Samuweli 17:28 - Bhibhiliya Nya Guage

²⁸ Gikhati Eliyabhi, koma waye, a mu pwidego na gu ganela ni masotshwa, a di goroga ngudzu a mu wudzisa, khuye: “Khu ginani u vbohidego avba? Dzinvuta dzile nya dzidugwane u dzi tshiyedzide mani giwulani? Nyi ngu yiti mipimiso yago ni guvivba nya monyo wago; u tede guta wona nyimbi basi.”

1 Samuweli 17:28 Iomraidhean Croise

Genesi 37:11

Vandruye va Josefa va di mu girela lidiwo, aholu babe waye, a di vegedza silo monyoni gwaye.

Genesi 37:4

Vandriyaye khu gu wona gukhavo babe wawe a gu gola ngudzu Josefa guvbindra avo vatshavbo, va di mu girela lidiwo, va mu venga va si ganeli naye na va tshulegide.

Genesi 37:8

Vandriyaye va di mu embela, khavo: “Ina uwe u na fumela vbatshani ga ethu hatshavbothu, gani? Gu nonedza gukhuwe u na khala uwe pfhumu yathu?” Va di engedzela gu mu venga khu kotani nya dzindroro ni magana yaye.

2 Dzikoronika 11:18

Robhowamo a di dzega Mahalati, nyamahegyane wa Jerimoti, mwamana wa Dhavhidhe, ni Abhiyayili, Nyamahegyane wa Eliyabhi, mwamana wa Jese, a khala mwangadzi waye,

Dzindzimo 35:11

Dzi ngu khuga dzifakazi nya malipha, dzi nyi singedza khu silo nyi si sitigo.

Mavingu 18:19

Guphasa ndriyago a gorogidego, gu lemede ngudzu guvbindra gupfhungumula lidhoropa li bhiyidwego khu likhokhola; mayunga ma gu fanana ni sikwinyaro nya likhokhola.

Mavingu 27:4

Likhulo li vivbide, ni gugoroga i talo nya mati, aholu khu mani a tiyelago lidiwo?

Muhevbudzi 4:4

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Matewu 10:36

Khu kharato, valala nya muthu va na dugela muvalongoni gwaye.

Matewu 27:18

A di gu dziti nya gukhuye va di mu ningela khu kotani nya lidiwo.

Marko 3:21

Valongo vaye, na va pwide esi, va dita gasi guta mu dzega, kholu va di pimisa nya gukhavo a di handruga.

Judha 1:10

Khu guralo, vathu vovo va gu poyila esi va si si pimigo. Silo va sitigo khu tumbunugo nya mavbanyelo nga sirengo nyambana mapimo khiso si va pfhungumulago.

1 Samuweli 16:13

Samuweli a di dzega gigasi nya mafura a mu todza vbakari ga vandriyaye; gukhugela litshigu lile guya mbeli Liphuvbo la Pfhumu Nungungulu li di mbaka ga Dhavhidhe. Khavbo avbo, Samuweli a di khuga a hongola Rama.

1 Samuweli 16:7

Aholu, Pfhumu Nungungulu a di embela Samuweli, khuye: U nga tsakiswi khu wumburi waye, ambari khu giyemo gyaye, kholu kha nya mu hatha; Pfhumu Nungungulu kha woni kha nga mawonelo nya vathu. Muthu a gu wona iso sa vbavbandze, aholu, Pfhumu Nungungulu a gu wona monyo.

1 Samuweli 17:29

Dhavhidhe a di hakha, khuye: “Ginani olu nyi giridego? Guyeyedza gupwani nyi mwalo ni fanelo nya gubhule, gani?”