1 Samuweli 17:24 - Bhibhiliya Nya Guage

²⁴ Avbo va na Israyeli va wonidego mwama wule, vatshavbo va di thava na va tade khu hwanga.

1 Samuweli 17:24 Iomraidhean Croise

Isaya 30:17

Likhumi mazana (1.000) vama nya lihundzu lanu va na tutuma khu gu thava muthu moyo basi; enu mwatshavbo mu na tutumani mbeli mu lundrwa livbandre vathu va vbakari ya valala vanu, kala mu ya manegani kha nga ningwati wu guromo vbatshani nya gigomo, ni ngavbya yi guromo vbagigomwanatunu.

Isaya 7:2

Khu guralo, ndranga ya Dhavhidhe yi di tiviswa gupwani: “Siriya hungide pwanano ni va na Efrayimi.” Khavbo avbo, monyo wa Akazi, wu di ndrendremela gumogo ni vathu vaye, gu fanana ni misimbo ya khabini ya gu bani yi kutsungwa khu phuvbo.

Levhi 26:36

Gasi vale va na gu vbulugago, Eni nyi na va thela hwanga wu na tadzago myonyo yawe, mayigoni ga valala vawe, avbo va na pwago gya gu tshagari, va na thava gukhwatshi va gu wona litshari; va na thega nyamba lundrwa khu muthu.

Mitengo 13:33

Gambe iyoyo hi wonide sidandrangulu nya sanana sa Anaki, nya lifumbu nya vadandrangulu; guwonani gwathu, hi di fanana ni dzimbera mbeli gwawe, avo navo va di hi fananisa ni dzimbera.”

Dhewuteronome 32:30

Ga gu kodzega kharini muthu moyo basi a lundra likhumi mazana (1.000), ni vathu vavili va lundra likhumi magumi mazana (10.000) vathu? Kholu Muvhikeli wawe, ava digidego, Pfhumu Nungungulu a va rengiside ga valala.

1 Samuweli 17:11

Na va pwide magana ya Mufilisitiya, Sawule gumogo ni vatshavbo va na Israyeli, va di tala khu hwanga ni gundrendremela.

1 Samuweli 17:23

Avbo a nga bani a bhula navo, Gholiya, mudwani nya nyimbi ya Vafilisitiya va Gati, a di thanga aya yuyuta kha nga matshigu; Dhavhidhe a di mupwa.

1 Samuweli 17:25

Va na Israyeli va di ganela khu gyawe, khavo: “Mu mu wonide mwama wule, gani? Uye dzude guta vala Israyeli. Mufumeli a na ninga dzithomba nya dzingi ga wule a na gu mu palago. Gambe a na mu ninga nyamahegyane waye a khala mwangadzi waye ni gu tshipisa khupo ngamo ya babe waye tigoni ga Israyeli.”