1 Samuweli 17:12 - Bhibhiliya Nya Guage

¹² Dhavhidhe a diri gyanana gya Jese, Muefrata, givelegwa gya Bhetlehema wa Judha. Jese a diri ni livbandre na siraru sanana, gambe a di gumbide gikhatini gya Sawule.

1 Samuweli 17:12 Iomraidhean Croise

Genesi 35:19

Rakeli a difa a gu dzingwa ndzilani nya guhongole Efrata, a gu Bhetlehema.

2 Samuweli 23:1

Magana nya guhegise ya Dhavhidhe, khaya: “Magana ya Dhavhidhe, mwamana wa Jese, magana ya muthu a khusegidego, a todzidwego wa Nungungulu wa Jakobe, muembeleli nya dzindzimo dza na Israyeli.

Dzindzimo 132:6

Hi pwide gupwani ngasa nya gidzumeledzwano yomo Efrata, aholu hi diya yi manela thembweni ga Jahari.

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Matewu 1:6

Jese a velega mufumeli Dhavhidhe. Dhavhidhe a velega, ni ngadza Uriya, Solomoni;

Matewu 2:1

Na velegidwe Jesu tigoni ga Bhetlehema ga Judheya matshiguni ya mufumeli Herodhi, va di vboha Jerusalema vagengeli va nga bani va guta khu Khugadambo.

Matewu 2:6

Uwe Bhetlehema, litigo la Judha, khu vbindrwi khu mayigo nya makhongolo ya Judha, kholu muthangeli a na gu thangelago vathu vangu va na Israyeli, a na duga khavbo gwago!”

Rute 1:2

Mwama yoyu a di gu ranwa gupwani khu Elimeleki, lina la mwangadzi waye khu Nowemi, malina ya sanana saye khu Maloni ni Khiliyoni. Va diri sivelegwa sa Ewufrate, wa Bhetlehema, tigoni ga Judha. Va vbohide tigoni ga Mowabhi, va ya vbaha iyoyo.

Rute 4:17

Vaakelane vaye nya vanyamayi, va di gi riya lina, khavo: “Nowemi velegide gyanana, va gi rana khavo khu Obhedhi. Oyu khu babe wa Jese, babe wa Dhavhidhe.”

Rute 4:22

Obhedhi, a velega Jese, Jese, a velega Dhavhidhe.

1 Samuweli 1:1

Gu diromo mwama moyo nya lihundzu la Efrayimi, nya gupwani khu Elikana, mwamana wa Jeyoramo, mwamana wa Eliyu, gyanana gya Towu, mwamana wa Sufi a nga bani a vbanyela dhoropani ga Rama ga gipandre nya gigomo gya Efrayimi.

1 Samuweli 16:1

Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”

1 Samuweli 16:18

Moyo nya dzindruna a di hakha, khuye: “Nyi nguti gyanana gimwegyo gya Jese wa Bhetlehema, gi kodzago gu womba gitendre. Uye mudwani ni ndrena nya nyimbi, a ngu kodza gu ganela gwadi, a na ni giyemo nya gukhalege gambe Pfhumu Nungungulu a na ni uye.”

1 Samuweli 17:11

Na va pwide magana ya Mufilisitiya, Sawule gumogo ni vatshavbo va na Israyeli, va di tala khu hwanga ni gundrendremela.

1 Samuweli 17:58

Sawule a di mu wudzisa, khuye: “Lidzaha langu, u mwame mani?” Dhavhidhe a di hakha, khuye: “Eni nyi mwamana wa githumi gyago Jese wa Bhetlehema.”