1 Samuweli 16:7 - Bhibhiliya Nya Guage

⁷ Aholu, Pfhumu Nungungulu a di embela Samuweli, khuye: U nga tsakiswi khu wumburi waye, ambari khu giyemo gyaye, kholu kha nya mu hatha; Pfhumu Nungungulu kha woni kha nga mawonelo nya vathu. Muthu a gu wona iso sa vbavbandze, aholu, Pfhumu Nungungulu a gu wona monyo.

1 Samuweli 16:7 Iomraidhean Croise

Genesi 4:5

Aholu kha tsaka khu ningelo wa Kayimi. Khu guralo, Kayimi a di goroga ngudzu a sivbala khovbeni khu lidiwo.

2 Samuweli 14:25

Khu guralo, tigoni gwatshavbo gwa Israyeli, a diri mwalo muthu a nga bani nari ni wudhumo khu wumburi kha nga Abhisalamo; gukhugela migondroni kala hungoni gwaye, a di khalegide nyamba wegela.

2 Samuweli 7:20

Olu Dhavhidhe ginani a na engedzelago gambe gu ganela avbo gwago? Kholu Uwe Pfhumu Nungungulu u ngu giti githumi gyago.

1 Dzipfhumu 8:39

uwe va yingise khu ndzadzini yoyo, wulangani u khadego avbo, ninga moyo ni moyo maningano khu dzindzila dzaye dzatshavbo, nidzo u na wonago khidzo monyoni gwaye, kholu khuwe basi u wonago myonyo yatshavbo ya sanana sa vathu.

1 Dzikoronika 17:18

Eni Dhavhidhe, nyi na ganela gambe kheni ginani khu mafundza yatshavbo yaya U nyi giredego eni githumi gyago? Kholu Uwe U ngu giti githumi gyago.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

2 Dzikoronika 6:30

khu guralo, Uwe nuri khu ndzadzini yoyo, wulangani gwago U khalago avbo, va tsetselele U ninga muthu ni muthu mayelano khu dzindzila dzaye, kholu khuwe basi utigo myonyo ya sanana nya vathu,

Joba 10:4

U na ni maho nya nyama, gani? Ina mawonelo yago ma gu fanana ni ya vathu, gani?

Joba 35:5

Khusa maho u khedza damboni, u na wona idzo ma khusegidego khidzo mapfhi vbatshani gwago.

Dzindzimo 139:2

U ngu nyi pima gukhuga ni guema, khu hwindzo u ngu yiti mipimiso yangu.

Dzindzimo 7:9

Vbedza guvivba nya sighohi, u tiyisa muthu nya gululame Uwe Nungungulu nya gululame u wonago monyo ni mahingigedzo.

Mavingu 15:11

Pfhumu Nungungulu a ngu wona ambari ni iso si guromo vbavbatshi phalani nya guete nya lithowo, a nga padwa khu ginani gu wona iso si guromo myonyoni nya vathu!

Mavingu 16:2

Satshavbo iso muthu a girago mapimoni gwaye, a gu si wona na si agide, aholu Pfhumu Nungungulu a gu khedza mipimiso yaye.

Mavingu 24:12

Wa gu ganela, khuwe: “Ethu kha hi siti iso si nga bani na si gu dugelela!” Ina wule atigo mapimo nya vathu, kha na siti, gani? Uye a sayisago womi wago, kha na siti, gani? Ina Uye kha na bweledzela muthu mayelano ni mithumo yaye, gani?

Mavingu 31:30

Guyedwa gu ngu pfhadza, ni wumburi wu ngu vbela, aholu nyamayi a thavago Pfhumu Nungungulu, khuye a zundzegago.

Jeremiya 11:20

Aholu, Uwe Pfhumu Nungungulu nya Tshivba Yatshavbo, mulamuli a lulamidego, U lingago mapimo ni hefemulo, dzi yeyedze gwangu khu gu livbisa vathu vava; kholu avbo gwago nyi vegide mahungu yangu.

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Jeremiya 20:12

Gasi olu, uwe Pfhumu Nungungulu nya Tshivba Yatshavbo, uwe u khedzago monyo nya muthu a lulamidego, ni guti mapimo nya monyo waye, nyi phodzele ga valala vangu na nyi gu va wona khu maho yangu, kholu nyi gu tiviside mahungu yangu.

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Johane 7:24

Gulamulani mu nga khedzi khu khovbe, aholu lamulani khu lisine.”

Johane 8:15

Enu mwa gu lamula khu mavbanyelo nya muthu, gasi eni kha nyi lamuli muthu.

Mithumo 1:24

Khavbo avbo, va di gira nombelo, khavo: “Pfhumu, Uwe utigo monyo nya muthu ni muthu, wonegisa ga ava vavili khu wevbini uye u mu hathidego,

2 Vakorinto 10:10

Vambe va gu ganela, khavo: “Malangalila yaye ma lemede ma na ni tshivba, aholu ha gu bani hiri naye, vbevbugide ni givili gyaye, guganela gwaye kha gu phasi gilo.”

2 Vakorinto 10:7

Enu mwa gu wona silo khu vbavbandze. A gu bani a romo oyu a dzi tumbago, nya gukhuye a gu lumba Kristo, uyoyo a na pimise gwadi, kholu ethu nethu ha gu lumba Kristo.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

1 Pedro 2:4

hidzimelani gwaye, a gu giwindri nya guvbanye, gi nga nyenywa khu lisine khu vathu, aholu ga Nungungulu gilo nya lisima.

1 Pedro 3:4

Aholu, wumburi wanu wu na khale khu myonyoni gwanu, kholu, khuwo wumbiri nyamba vbela, wumburi nya liphuvbo nya gurule, nya ndruda, khiso si gu na ni lisima ga Nungungulu.

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.

1 Samuweli 2:3

Mu nga engedzeli gu ganela khu matshandza. Gu nga dugi khu kanani gwanu magana nya guvale; kholu Pfhumu Nungungulu a tigo satshavbo Uye khuye basi a kodzago gu tugula mithumo ya vathu.

1 Samuweli 9:2

A diri ni gyanana nya lidzaha gi nga bani gi gu ranwa khu lina la Sawule, lidzaha nya wumburi ngudzu, vbakari ga va na Israyeli a diri mwalo mumbe nya wumburi nya nga uye; gambe a di laphide guvbindra vatshavbo.