1 Samuweli 16:4 - Bhibhiliya Nya Guage

⁴ Khu guralo, Samuweli a di gira iso a nga embedwago khu Pfhumu Nungungulu, a ta Bhetlehema. A di khingwa khu madhota ya dhoropani, na va gu ndrendremela va mu wudzisa, khavo: “Guta gwago khwa gurula, gani?”

1 Samuweli 16:4 Iomraidhean Croise

Genesi 35:19

Rakeli a difa a gu dzingwa ndzilani nya guhongole Efrata, a gu Bhetlehema.

Genesi 48:7

“Na nyi guta khu Padhani-Arami, Rakeli a di nyi fela tigoni ga Khanani, vbakari nya ndzila, na gu tshade pfhukhana nya gukari gu vbweta gu vboha Efrata; nyi mu dzingide vbale ndzilani nya guhongole Efrata, a gu Bhetlehema.”

2 Samuweli 6:9

Litshigu lolo Dhavhidhe a di thava Nungungulu; a ganela, khuye: “Olu yi na bela kharini nyumbani gwangu Ngasa ya Pfhumu Nungungulu?”

1 Dzipfhumu 17:18

Nyamayi a di embela Eliya, khuye: “Gasi mahungu muni nyi gu navo eni ni uwe, muthu wa Nungungulu? U dzude avba gasi guta nyi alakanyisa sighoho sangu ni gu songa gyanana gyangu, gani?”

1 Dzipfhumu 2:13

khavbo avbo, a dita Adhoniya, mwamana wa Hagiti, ga Bhate-Sebha, mayi wa Solomoni, uye a di mu wudzisa, khuye: “Wa guta khu gurula, gani?” Uye a di hakha, khuye: “Ina, gurula.”

2 Dzipfhumu 9:22

Avbo Joramo a nga wonago Jewu, a di khuye: “Jewu, gwadi, gani?” A di mu hakha, khuye: “Gu na manega kharini gurula na wu nga wu simama wubhayi wa mayi wago Jezabheli ni wuloyi waye na wu ngari khu talo?”

Hoseya 11:10

Va na landrela Pfhumu Nungungulu; Uye a nga bhonga nga nghala. Avbo a na gu bhongago, sanana saye si nata khu Pfoladambo na si gu ndrendremela.

Hoseya 6:5

Khu guralo nyi mi bayiside, khu gu mi rumela vaprofeti; nyi mi songa khu magana ma dugidego khu kanani gwangu, ni wulamuli wangu wu na duga kha nga wenengedzo.

Luka 2:4

Josefe nuye, a di khuga khu dhoropani ga Nazareta wa Galileya a gu hongola, tigoni ga Dhavhidhe, a gu Bhetlehema gwa Judheya, kholu a diri wa nyumbani ya Dhavhidhe,

Luka 5:8

Na wonide esi, Simoni Pedro a di dzi thesa migondroni ga Jesu, khuye: “Leya uya hwindzo gwangu, Pfhumu, kholu nyi gighohi!”

Luka 8:37

Vathu vatshavbo va tigoni ga Gerazi, va di mu lomba gu a khuge tigoni gwawe, kholu va di tade khu hwanga. Jesu a di bela ngalavani a gu khuga khu vbale.

1 Samuweli 21:1

Dhavhidhe a diya ganela ni muphasi nya mhamba Ayimeleki dhoropani ga Nobhi. Ayimeleki a di ndrendremela khu hwanga gikhati a mananidego naye, a mu wudzisa, khuye: “Khu ginani u tago wenga? Mwalo u ngatago naye, gani?”