1 Samuweli 16:19 - Bhibhiliya Nya Guage

¹⁹ Khavbo avbo, Sawule a di rumela myango ga Jese ni magana yaya: “Nyi rumele mwanago Dhavhidhe, a havisago dzinvuta.”

1 Samuweli 16:19 Iomraidhean Croise

1 Dzipfhumu 19:19

Khu guralo, Eliya a di duga khu vbale, aya mana Elizewu, mwamana wa Safati, a nga bani a gu lima. A diri ni likhumi na mivili mipatwa nya dzimombe mbeli gwaye. Uye a di gu lima khu patwa nya likhumi na wuvili. Eliya a di vbindra khavbo gwaye, a rinya libhadzi laye vbatshani ga Elizewu.

Dzindzimo 113:8

gasi gu mu khadzisa ni vafumeli, vbakari nya vafumeli nya vathu vaye;

Amosi 1:1

Magana ya Amosi, a nga bani nari moyo nya vahavisi va Tekowa, a ma wonidego khu giwoniso mayelano khu Israyeli, matshiguni ya Uziya, mufumeli wa Judha, ni matshiguni ya Jerobhowamo, mwamana wa Jowasi, mufumeli wa Israyeli, myaga mivili gu si gu manegi girevareva.

1 Samuweli 16:11

Samuweli a di wudzisa Jese, khuye: “Khiso esi satshavbo sanana sago, gani?” Uye a di phindrula, khuye: “Gi nga tshade gimwegyo nya nandra gi havisago dzinvuta.” Samuweli a di embela Jese, khuye: “Rumela gu, vaya mu rana, kholu kha hi na khala vbamezatunu hi hodza uye na si gu vbohi.”

1 Samuweli 16:18

Moyo nya dzindruna a di hakha, khuye: “Nyi nguti gyanana gimwegyo gya Jese wa Bhetlehema, gi kodzago gu womba gitendre. Uye mudwani ni ndrena nya nyimbi, a ngu kodza gu ganela gwadi, a na ni giyemo nya gukhalege gambe Pfhumu Nungungulu a na ni uye.”

1 Samuweli 16:20

Jese a di mola buru a yi rwega sibaba, ni gigasi gimwegyo nya vbinyu, gumogo ni phongo mweyo, a si rumela ga Sawule khu mandzani ga Dhavhidhe, mwanaye.

1 Samuweli 17:15

aholu Dhavhidhe a di gu hongola lizumboni la Sawule, na gu bwelela aya havisa dzinvuta dza babe waye tigoni ga Bhetlehema.