1 Samuweli 16:13 - Bhibhiliya Nya Guage

¹³ Samuweli a di dzega gigasi nya mafura a mu todza vbakari ga vandriyaye; gukhugela litshigu lile guya mbeli Liphuvbo la Pfhumu Nungungulu li di mbaka ga Dhavhidhe. Khavbo avbo, Samuweli a di khuga a hongola Rama.

1 Samuweli 16:13 Iomraidhean Croise

2 Samuweli 12:7

Khavbo avbo, Natane a di embela Dhavhidhe, khuye: “Khuwe kamwe muthu yoyo!” Pfhumu Nungungulu wa Israyeli a ngu ganela kharati, khuye: Nyi gu todzide khu mafura, nyi gu emisa gu khala mufumeli wa Israyeli, nyi gu vbulugisa mandzani ga Sawule;

2 Samuweli 2:4

Khavbo avbo, vama va na Judha, va di hongola iyoyo vaya todza Dhavhidhe, gu khala mufumeli wa Judha. Khu guralo, va di embela Dhavhidhe gukhavo vathu va Jabhesi-Gileyadhi khavo va nga dzingago Sawule.

2 Samuweli 23:1

Magana nya guhegise ya Dhavhidhe, khaya: “Magana ya Dhavhidhe, mwamana wa Jese, magana ya muthu a khusegidego, a todzidwego wa Nungungulu wa Jakobe, muembeleli nya dzindzimo dza na Israyeli.

2 Samuweli 5:3

Khu guralo, ma dita Hebroni ga mufumeli, madhota yatshavbo ya na Israyeli; Dhavhidhe a di gira navo gidzumeledzwano mbeli ga Pfhumu Nungungulu dhoropani ga Hebroni; va todza Dhavhidhe khu mafura, gu khala mufumeli wa Israyeli.

2 Dzipfhumu 9:6

Khavbo avbo, Jewu a di khuga a bela nyumbani, lidzaha li di mu guhulela mafura hungoni gwaye, li mu embela, khilo: “Pfhumu Nungungulu wa Israyeli a ngu ganela, kharati: Eni nyi ngu gu todza gu khala mufumeli wa vathu va Pfhumu Nungungulu ni wa Israyeli.

1 Dzikoronika 11:3

Khu guralo, madhota yatshavbo ya na Israyeli ma dita wonana ni mufumeli dhoropani ga Hebroni; ni Dhavhidhe a di gira navo gidzumeledzwano Hebroni, mbeli ga Pfhumu Nungungulu. Va di todza mafura Dhavhidhe gasi a khala mufumeli wa Israyeli kha nga guganela ga magana ya Pfhumu Nungungulu, a nga ma rumelago khavbo ga Samuweli.

Dzindzimo 89:20

Nyi mane githumi gyangu Dhavhidhe; nyi mu todzide hungoni khu mafura yangu nya gukatege.

Dzindzimo 89:21

Nyi na vega gwaye tshivba yangu, nyi na mu tiyisa khu libogo langu.

Mitengo 11:17

Khavbo avbo, nyi na relela vbale nyi ta ganela nago, nyi na vbungula Liphuvbo li guromo gwago, nyi li thela gwawe, avo navo va na rwala gumogo nago, rwalo nya vathu, gasi u si lemedwi khuwo wenga.

Mitengo 27:18

Pfhumu Nungungulu a di hakha Mosi, khuye: “Rana Josuwa, mwamana wa Nuni, a hidzimela avbo gwago, mwama a gu ni Liphuvbo, u ta mu handzega mandza.

Johane 3:34

Kholu wule a nga rumedwa khu Nungungulu a gu ganela mahungu ya Nungungulu, Nungungulu kha mu ningi Liphuvbo khu gu mu pimela.

Mithumo 13:22

Nungungulu, na duside Sawule vbagikhalotunu nya wufumu, a di va tulela gu hatha Dhavhidhe kha nga mufumeli wawe. Khuye a nga mu thulago, khuye: ‘Nyi mane Dhavhidhe, mwamana wa Jese, mwamana a tsakisago monyo wangu, a nga londrowodzago guhaladza gwangu gwatshavbo.’

Vahebheru 1:9

U ngu gola gululama, u nyenya guvivba. Khu guralo, Nungungulu, a gu Nungungulu wago, a gu todzide khu mafura nya gunengele, a gu khusedza vbatshani ga dzipari dzago.”

Vahebheru 11:32

Ginani nyi yelago gu ganela gambe? Gikhati gi rode, khu lisine nyi di gu vbweta gu ganela khu Gidheyoni, khu Bharaki, khu Samisoni, Jafeti, khu Dhavhidhe, khu Samuweli ni vaprofeti.

Valamuli 11:29

Khavbo avbo, Liphuvbo la Pfhumu Nungungulu li dita ga Jefiti, a di tsemakanya khu Gileyadhi ni Manasi; kholu a di tsemakanya khu Misipa wa Gileyadhi a hongola kala ga va na Amoni.

Valamuli 13:25

Liphuvbo la Pfhumu Nungungulu li phede gu thuma gwaye avbo a nga bani na gu manega Mahangeni ga Mahani-Dhani, vbakari ga Zora ni Esitaholi.

Valamuli 14:6

Khavbo avbo, Liphuvbo la Pfhumu Nungungulu li di mu belela khu tshivba, Samisoni nari mwalo gilo mandzani gwaye, a di gi vbadzulela khu nga oyu a vbadzulelago phongo. Aholu kha nga pwadzela babe ni mayi waye, iso a nga girago.

Valamuli 3:10

Gu dita gwaye Liphuvbo la Pfhumu Nungungulu, a ta khala mulamuleli wa Israyeli; aya dwana nyimbi; Kusani-Risatayimi, mufumeli wa Mesopotamiya, a di ningedwa mandzani gwaye khu Pfhumu Nungungulu.

1 Samuweli 1:19

Khu mindru gakone, va di wuga ni mambagugya, vaya lombelela mbeli ga Pfhumu Nungungulu, va di bwelela gaya gwawe Rama. Elikana a di tivana ni mwangadzi waye Ana, Pfhumu Nungungulu a di mu alakanya,

1 Samuweli 10:1

Samuweli a di dzega gigasi nya mafura, a ma guhula hungoni ga Sawule, a mu bhejari a mu embela, khuye: “Pfhumu Nungungulu a gu todzide khu mafura gasi gu khala muthangeli vbakari nya thomba yaye, vathu va Israyeli!

1 Samuweli 10:6

Uwe u na tala khu liphuvbo la Pfhumu Nungungulu, u na profeta gumogo navo, uwe u na vbindrugedzwa u khala mumbe muthu.

1 Samuweli 11:6

Avbo Sawule a ngapwago mahungu yoyo, a di tala khu liphuvbo la Nungungulu, a goroga ngudzu.

1 Samuweli 16:18

Moyo nya dzindruna a di hakha, khuye: “Nyi nguti gyanana gimwegyo gya Jese wa Bhetlehema, gi kodzago gu womba gitendre. Uye mudwani ni ndrena nya nyimbi, a ngu kodza gu ganela gwadi, a na ni giyemo nya gukhalege gambe Pfhumu Nungungulu a na ni uye.”

1 Samuweli 18:12

Khavbo avbo, Sawule a di phela gu thava Dhavhidhe, kholu Pfhumu Nungungulu, a di mu digide, a ema ni Dhavhidhe.

1 Samuweli 2:35

Eni nyi na emisa muphasi nya mhamba a tumbegidego, a na girago satshavbo si na godwago khu monyo wangu ni hefemulo wangu; nyi na mu girela nyumba nya gutiye, uye a na vbanya gikhati gyatshavbo mbeli ga uye a todzidwego khu mafura yangu kala gupindruga.