1 Samuweli 16:12 - Bhibhiliya Nya Guage

¹² Khavbo avbo, a di rumela gu vaya mu rana va mu embela a bela. A diri lidzaha nya mburi ni maho nya gutsakise ni ndzudzu nya gufuvilanyane. Pfhumu Nungungulu a di embela Samuweli, khuye: “Khuga u mu todza, kholu khuye oyu.”

1 Samuweli 16:12 Iomraidhean Croise

Genesi 39:6

Khavbo avbo, a di vega mandzani ga Josefa satshavbo a nga bani ari naso, a di si dzi garadzi gambe khu gimbe gilo, vbavbandze basi nya guhodze. Josefa a diri wa gumbura ni giemo nya gukhadzisege.

2 Samuweli 23:1

Magana nya guhegise ya Dhavhidhe, khaya: “Magana ya Dhavhidhe, mwamana wa Jese, magana ya muthu a khusegidego, a todzidwego wa Nungungulu wa Jakobe, muembeleli nya dzindzimo dza na Israyeli.

2 Samuweli 7:8

Khu guralo, u na embela isoso githumi gyangu Dhavhidhe, khuwe: Pfhumu Nungungulu nya Tshivba Yatshavbo a ngu ganela kharati, khuye: Nyi gu duside khu wuhaviseloni nya guhavise dzinvuta, gasi u khale muthangeli wa vathu vangu, a gu va na Israyeli.

1 Dzipfhumu 1:34

Iyoyo, muphasi nya mhamba Sadhoki, ni muprofeti Natani, va naya mu todza khu mafura a khala mufumeli wa na Israyeli. Khavbo avbo, mu na womba pundru mu ganela, khenu: A na vbanye mufumeli Solomoni!

Dzindzimo 2:2

Vafumeli nya litigo va wugide, manganagana ma ngu gira gikungo ma wugela Pfhumu Nungungulu ni gihathwa gyaye, khavo:

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Dzindzimo 78:70

A di hatha githumi gyaye Dhavhidhe, a mu dusa panini mavbandroni nya dzinvuta,

Ekisodha 2:2

Mwangadzi waye a di khura mimba a gu velega gyanana nya gikhwathana; khu gu gi wona gumbura ngudzu, a di gi siha a khala nagyo gipimo nya migima miraru.

Gizimba 5:10

Mwangadzi —Gigodwa gyangu gi khalegide bwelo khavbo mburi, a ngu hambana ni vambe nya likhumi magumi mazana.

Gililo 4:7

Vathangeli vawe va di khedziga guvbindra thondrwane, va di agide guvbindra mahwe, sivili sawe si di fuvila nga giwunguwungu va bwelo khavbo va khalega gwadi nga giwindri nya safira. Heti

Zakariya 4:14

Khavbo avbo, iyo yi di nyi embela, khiyo: “Ava khu vama va vavili va todzidwego mafura gasi gu thumela Pfhumu nya litigo latshavbo.”

Mithumo 4:27

Khidzo khu lisine, Pontiyo Pilato ni Herodhi, gumogo ni va nya mayigo ni mahundzu yatshavbo ya Israyeli va hengede gumogo dhoropani momu, va gu wugela githumi gyago nya gukatege, Jesu u nga mu todzago mafura nya wufumu,

Mithumo 7:20

Khu gikhati gyogyo a di velegwa Mosi, gyanana gi nga tsakisa Nungungulu. Vavelegi vaye va di mu dandrisa gipimo nya migima miraru ndrangani gwawe.

Vahebheru 11:23

Khu gukhodwa, Mosi, na velegidwe, a di sihwa migima miraru khu vavelegi vaye. Khu gu wona wumburi nya gyanana, kha va khala hwanga gu yeyisa nayo wa mufumeli.

1 Samuweli 16:18

Moyo nya dzindruna a di hakha, khuye: “Nyi nguti gyanana gimwegyo gya Jese wa Bhetlehema, gi kodzago gu womba gitendre. Uye mudwani ni ndrena nya nyimbi, a ngu kodza gu ganela gwadi, a na ni giyemo nya gukhalege gambe Pfhumu Nungungulu a na ni uye.”

1 Samuweli 17:42

A di khedza Dhavhidhe a mu kanyisa, khu gu mu wona gukhuye a ngari gikhwathana, nya gurule, ni giyemo nya wumburi, kha nga thela kota khuye.

1 Samuweli 17:55

Avbo Sawule a nga wonago Dhavhidhe na duga gu yela Mufilisitiya, a di wudzisa Abhineri, muthangeli nya nyimbi, khuye: “Abhineri, gasi mwamana wule lidzaha la mani.” Abhineri a di mu hakha, khuye: “Nyi ngu sambanya khu lisine kha nga u vbanyago uwe pfhumu, gukheni, kha nyi muti.”

1 Samuweli 9:17

Avbo Samuweli a nga wonago Sawule, Pfhumu Nungungulu, a di mu embela, khuye: “Oyu khu mwama wule nyi nga gu embelago. Khuye a na fumelago vathu vangu.”