1 Samuweli 16:11 - Bhibhiliya Nya Guage

¹¹ Samuweli a di wudzisa Jese, khuye: “Khiso esi satshavbo sanana sago, gani?” Uye a di phindrula, khuye: “Gi nga tshade gimwegyo nya nandra gi havisago dzinvuta.” Samuweli a di embela Jese, khuye: “Rumela gu, vaya mu rana, kholu kha hi na khala vbamezatunu hi hodza uye na si gu vbohi.”

1 Samuweli 16:11 Iomraidhean Croise

2 Samuweli 13:3

Aholu, Amoni a diri ni pari, lina laye nya gupwani Jonadhabhi, mwamana wa Simaya, ndruye wa Dhavhidhe; Jonadhabhi yoyu a di gengede ngudzu.

2 Samuweli 7:8

Khu guralo, u na embela isoso githumi gyangu Dhavhidhe, khuwe: Pfhumu Nungungulu nya Tshivba Yatshavbo a ngu ganela kharati, khuye: Nyi gu duside khu wuhaviseloni nya guhavise dzinvuta, gasi u khale muthangeli wa vathu vangu, a gu va na Israyeli.

1 Dzikoronika 17:7

Olu u na embela kharati githumi gyangu Dhavhidhe, khuwe: Pfhumu Nungungulu nya Tshivba Yatshavbo, a ngu ganela kharati, khuye: Eni kamwe, nyi gu pharide nyi gu dusa guhavisani nya dzinvuta, gasi u fela gu khala muthangeli wa vathu vangu va na Israyeli.

Ekisodha 3:1

Mosi a di gu havisa dzinvuta dza sade waye Jetro, muphasi nya mhamba wa Medhiyani. Tshigu mwedo a di ghula dzinvuta a guya hwindzo ngudzu, mugiwulani kala a vboha gigomoni ga Horebhi; gigomo gya Nungungulu.

1 Samuweli 16:10

Khu guralo Jese a di resa sanana saye satshavbo nya livbandre na sivili a si resa ga Samuweli, aholu uye a di khuye: “Pfhumu Nungungulu kha va hatha ava.”

1 Samuweli 17:28

Gikhati Eliyabhi, koma waye, a mu pwidego na gu ganela ni masotshwa, a di goroga ngudzu a mu wudzisa, khuye: “Khu ginani u vbohidego avba? Dzinvuta dzile nya dzidugwane u dzi tshiyedzide mani giwulani? Nyi ngu yiti mipimiso yago ni guvivba nya monyo wago; u tede guta wona nyimbi basi.”