1 Samuweli 16:1 - Bhibhiliya Nya Guage

¹ Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”

1 Samuweli 16:1 Iomraidhean Croise

1 Dzipfhumu 8:16

Gukhugela litshigu lile nyi dusidego vathu vangu va na Israyeli, khu tigoni ga Egipito, gima kha nya nga hatha limbe lidhoropa vbakari nya mahundzu yatshavbo ya na Israyeli, gasi gu nyi vbahela umo nyumba yi na lumbago lina langu, aholu nyi di hatha Dhavhidhe, gasi gu fumela vathu vangu va na Israyeli.

2 Dzipfhumu 9:1

Khavbo avbo, muprofeti Elizewu a di rana moyo nya vapizane va vaprofeti a mu embela, khuye: “Hunga giwunu gyago khu libhandri, u phara mandzani gwago kheho yeyi nya mafura u hongola Ramoti-Gileyadhi;

2 Dzipfhumu 9:3

U na dzega kheho nya mafura, u ma guhula hungoni gwaye, u ganela kharati, khuwe: Pfhumu Nungungulu a ngu ganela, kharati: Eni nyi ngu gu todza gu khala mufumeli wa Israyeli. Khavbo avbo, u na tula lidimba u tutuma, u nga hweli.”

2 Dzipfhumu 9:6

Khavbo avbo, Jewu a di khuga a bela nyumbani, lidzaha li di mu guhulela mafura hungoni gwaye, li mu embela, khilo: “Pfhumu Nungungulu wa Israyeli a ngu ganela, kharati: Eni nyi ngu gu todza gu khala mufumeli wa vathu va Pfhumu Nungungulu ni wa Israyeli.

1 Dzikoronika 11:3

Khu guralo, madhota yatshavbo ya na Israyeli ma dita wonana ni mufumeli dhoropani ga Hebroni; ni Dhavhidhe a di gira navo gidzumeledzwano Hebroni, mbeli ga Pfhumu Nungungulu. Va di todza mafura Dhavhidhe gasi a khala mufumeli wa Israyeli kha nga guganela ga magana ya Pfhumu Nungungulu, a nga ma rumelago khavbo ga Samuweli.

1 Dzikoronika 28:4

Ambari khu guralo, Pfhumu Nungungulu wa Israyeli hawude eni, nyumbani gwatshavbo ga vavelegi vangu, gasi nyi khala mufumeli wa na Israyeli guvbanyani gwangu gwatshavbo; kholu Uye khu gale hathide Judha gu khala muthangeli, nyumbani ga na Judha hathide nyumba ya babe wangu. Ni vbakari ga sanana sa babe wangu, hathide eni nyi nga mu tsakisa, a nyi emisa gu khala mufumeli wa vatshavbo va na Israyeli kala gupindruga.

Isaya 11:1

Khu tshinani ga Jese, gu na thunga litamo, khu mikhambani gwaye, gu na buga pfhundre.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 55:4

Wonani gukhenu, nyi mi emisede gu khala fakazi ga va nya mayigo, muthangeli ni mwamangulu nya mayigo.

Jeremiya 11:14

Khu guralo, uwe Jeremiya u nga lombeleli khu vathu vava, ambari gu khusa lito u lila khu avo ni gu va girela nombelo; kholu gikhati va na gu lilago avbo gwangu gima kha nyi na va yingisa, khu kotani nya sighoho sawe.

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 6:30

“Va na ranwa gupwani parata nyamba phasa gilo, kholu Pfhumu Nungungulu a va digide.”

Jeremiya 7:16

Gasi olu, uwe Jeremiya, u nga lombeleli khu vathu vava, u nga nyi reseli gambe gililo mwendro nombelo khu kotani nya vathu vava, ne u nga dzi garadzi, kholu eni kha nyi na gu yingisa.

Zakariya 4:14

Khavbo avbo, iyo yi di nyi embela, khiyo: “Ava khu vama va vavili va todzidwego mafura gasi gu thumela Pfhumu nya litigo latshavbo.”

Varoma 15:12

A nuye muprofeti Isaya a ngu ganela, khuye: “Gi nata gitugulwana gya Jese, gi na ema gi fuma mayigo, va nya mayigo va na tumba igyo.”

Vahebheru 11:32

Ginani nyi yelago gu ganela gambe? Gikhati gi rode, khu lisine nyi di gu vbweta gu ganela khu Gidheyoni, khu Bharaki, khu Samisoni, Jafeti, khu Dhavhidhe, khu Samuweli ni vaprofeti.

1 Johane 5:16

Muthu a gu wona ndriyaye na gu gira gighoho gi si mu yisigo gufani, a na mu lombelele, Nungungulu a na mu vbanyisa. Nombelo yoyu wa gu phasa basi a gu bani ari gighoho nyamba yisa gufani. Gyomo gighoho gi yisago gufani. Kha nyiri kheni lombelelani khigyo.

1 Samuweli 10:1

Samuweli a di dzega gigasi nya mafura, a ma guhula hungoni ga Sawule, a mu bhejari a mu embela, khuye: “Pfhumu Nungungulu a gu todzide khu mafura gasi gu khala muthangeli vbakari nya thomba yaye, vathu va Israyeli!

1 Samuweli 15:11

“Nyi ngu dzi laya kholu nyi nga emisa Sawule gu khala mufumeli, kholu a nyi wugede, a si landrisi sileletelo sangu.” Samuweli a di vbisega ngudzu, wutshigu watshavbo a lila ga Pfhumu Nungungulu.

1 Samuweli 15:23

Gumba yingisa, nandru nya wukhongolo, nya gufanane ni wuloyi, ni gu ganedza gwa gu fanana ni gukhozela sifananiso. Kholu, u nyenyide gupwa magana ya Pfhumu Nungungulu, uye nuye a ngu gu nyenya ni gu gu dzegela wufumu.”

1 Samuweli 15:26

Aholu Samuweli a di embela Sawule, khuye: “Nyi na bwelela nago; kha nga olu u kanyisidego magana ya Pfhumu Nungungulu, olu uye nuye a gu digide, gasi u si khali gambe mufumeli wa Israyeli.”

1 Samuweli 15:35

Samuweli kha nga tshuka na wonanide gambe ni Sawule kala litshigu nya gufe gwaye. Kholu Samuweli a di gu saniseka khu kotani ya Sawule. Pfhumu Nungungulu a di dzi laya khu gu emisa Sawule gu khala mufumeli wa Israyeli.

1 Samuweli 16:15

Dzindruna dza Sawule dzi di mu embela, khidzo: “Wona, olu, liphuvbo nya guvivbe li rumedwego khu Nungungulu li ta gutshanisa.

1 Samuweli 16:23

Gikhati gyatshavbo liphuvbo nya guvivbe nya gurumedwe khu Nungungulu li nga bani li kutsunga Sawule, Dhavhidhe a di dzega gitendre a womba. Khu guralo, Sawule a di khala tshukwana, liphuvbo nya guvivbe li gu mu diga.

1 Samuweli 17:12

Dhavhidhe a diri gyanana gya Jese, Muefrata, givelegwa gya Bhetlehema wa Judha. Jese a diri ni livbandre na siraru sanana, gambe a di gumbide gikhatini gya Sawule.

1 Samuweli 9:16

“Mindru, khu gikhati nya nga egi, nyi na gu rumela mwama moyo wa tigoni ga Bhejami, u na mu todza khu mafura gasi a khala muthangeli wa vathu vangu va Israyeli; uye a na tshudzisa vathu vangu mandzani ga Vafilisitiya; kholu nyi wuyiside maho yangu nyi khedza vathu vangu, huwa yawe yi vbohide kala eno gwangu.”