1 Samuweli 15:33 - Bhibhiliya Nya Guage

³³ Samuweli a di mu embela, khuye: “Kha nga olu litshari lago li nga songetela sanana sa vanyamayi nya vangi, Olu mayi wago nuye, a na tshala nyambana uwe.” Samuweli a di dzegela gu mu songa mbeli ga Pfhumu Nungungulu, dhoropani ga Giligali.

1 Samuweli 15:33 Iomraidhean Croise

Genesi 9:6

Oyu a vbaladzago novba nya muthu, novba waye nuwo wu na vbaladzwa khu muthu, kholu muthu wumbidwe khu mufananiso wa Nungungulu.

1 Dzipfhumu 18:40

Khavbo avbo, Eliya a di va embela, khuye: “Hungani vaprofeti vatshavbo Vabhahali, a nga tshali wa gu tshala!” Va di va mola Eliya a di relela navo gitsongwanani gya Khisoni, aya va songela iyoyo.

Ekisodha 17:11

Gikhati Mosi a nga bani a gu khusedza mawogo, Israyeli a di pala. Aholu gikhati a nga bani a gu reledza mawogo, Amaleki a di pala.

Ekisodha 21:24

liso khu liso, likhwaha khu likhwaha, gyandza khu gyandza, ngondro khu ngondro,

Isaya 34:6

Litshari la Pfhumu Nungungulu li tade khu novba, li fenengedzidwe khu mafura ni novba nya dzinvuta ni vanyamabhongwe, ni mafura nya dzitshwa nya dzihamba. Kholu Pfhumu Nungungulu a ngu gira miphaso tigoni ga Bhozira, ni gusongetela nya gukhongolo tigoni ga Edhomi.

Jeremiya 18:21

Khu guralo, sanana sawe si na vbele khu ndzala, va na sasedwe khu matshari; vagadzi vawe va na wandredwe sanana, ni gu khala dzinoni; vama vakone va na vbele khu tungu, madzaha yawe ma na sasedwe khu matshari nyimbitunu.

Jeremiya 48:10

“A na vadwe muthu wule a girago mihuni thumoni wa Pfhumu Nungungulu!” A na vadwe muthu wule a si vbaladzigo novba wa valala khu litshari laye!

Hoseya 6:5

Khu guralo nyi mi bayiside, khu gu mi rumela vaprofeti; nyi mi songa khu magana ma dugidego khu kanani gwangu, ni wulamuli wangu wu na duga kha nga wenengedzo.

Mitengo 14:45

Vaamaleki ni Vakhanani, va nga bani va gu khala gigomoni mule, va di relela vata va sasela, va gu va lundra kala tigoni ga Horima.

Matewu 7:2

Kholu, idzo mu na lamulago khidzo vakwanu, mu na lamudwa nenu khidzo. Ndronga mu na pimago khiyo vakwanu, khiyo mu na pimwago nenu khiyo.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.

Gutuledwa 16:6

U va sedziside novba, kholu va vbaladzide novba wa va nya gukatega ni vaprofeti, va fanedwe khu tsayiso yoyo.”

Gutuledwa 18:6

Mu bweledzeleni guvbindrisa guvili, gukhedza khu guvivba a nga mi girelago. Omu nya gikombe a nga mi sedza khigyo, thelani sipimo sivili.

Valamuli 1:7

Khavbo avbo, Adhoni-Bhezeki a di ganela, khuye: “Livbandre na mavili magumi vafumeli va nga pidwago dzinyala nya vanyaghonwe va mandzani ni migondroni, va di gu roledzela dzitsheta dzi nga bani dzi thega khu vbamezatunu gwangu; iso nyi nga girago ga vambe, Nungungulu a nyi bweledzede esi nyi giridego.” Va di mu dzega va hongola naye Jerusalema, aya fela iyoyo.

1 Samuweli 10:8

Aholu uwe u na thanga mbeli gwangu u hongola Giligali, eni neni nyi na relela iyoyo gwago, gasi guta gira phaso nya guvbiswe ni gu ningela miphaso nya gurule; u na khala livbandre na mavili matshigu u nyi virela, kala nyita wonana nago, nyi gu embela iso u yelago gu gira.”

1 Samuweli 15:32

Samuweli a di ganela, khuye: “Nyi reseleni Agagi, mufumeli wa Vaamaleki.” Agagi a di hidzimela na tangade, na gu alakanya gukhuye: “Khu lisine guvbisega nya gufe gu vbindride.”