1 Samuweli 15:30 - Bhibhiliya Nya Guage

³⁰ Sawule a di hakha, khuye: “Nyi ghohide; nyi ngu lomba u nyi zundza, vbakari nya vasingalagadzi nya vathu vangu ni mbeli ga va na Israyeli; bwelela gumogo ni eni, gasi hi ya khozela Pfhumu Nungungulu wago.”

1 Samuweli 15:30 Iomraidhean Croise

2 Samuweli 12:13

Khavbo avbo, Dhavhidhe a di embela Natane, khuye: “Nyi ghohede Pfhumu Nungungulu.” Natane a di embela Dhavhidhe, khuye: “Pfhumu Nungungulu futide gighoho gyago, khu na ngafa.”

Ekisodha 9:27

Khavbo avbo, Faro a di ruma gu ya rana Mosi ni Aroni, a ta va embela, khuye: “Olu nyi ghohide; Pfhumu Nungungulu lulamide; aholu eni ni vathu vangu hi sighohi.

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Habhakuka 2:4

Lova, khuwe: “Muthu nya guvivbedwe khu monyo kha na vbanya; aholu uye nya gululame a khodwago ga Nungungulu a na vbanya.”

Johane 12:43

Kholu va di gola ngudzu gu dhumiswa khu vathu guvbindra gu dhumiswa khu Nungungulu.

Johane 5:44

Mu na khodwa kharini enu mu girelanago lidiwo khu gyanu, mu si thembigo wuzundzo wutago basi khu ga Nungungulu?

2 Thimoti 3:5

Va na sayisa giemo nya wukhodwa, aholu va ganedza tshivba yakone. Hambana navo vathu vovo.

1 Samuweli 15:31

Khu guralo, Samuweli a di hongola ni Sawule, Sawule a di ya khozela Pfhumu Nungungulu.

1 Samuweli 26:21

Khavbo avbo, Sawule, a di hakha, khuye: “Nyi ghohide, wuya mwanangu Dhavhidhe, kholu kha nyi na engedza gambe gu gu girela iso nya guvivbe; kholu muhuno u wonide womi wangu na wuri ni lisima mahoni gwago. Esi nyi si giride khu wupumbu, nyi gira gighoho nya gikhongolo!”