1 Samuweli 15:3 - Bhibhiliya Nya Guage

³ Olu indra uya sasela Amaleki, u mu pfhungumulela muphelo ni satshavbo si mu lumbago nyamba mu tsetsa; khu guralo, u na songetela vanyamayi, ni sanana niso sa beleni, dzimombe ni dzinvuta, dzingameriya ni dziburu.”

1 Samuweli 15:3 Iomraidhean Croise

Genesi 36:12

Elifazi, gyanana gya Esawu, a diri ni gibhayi nya gupwani khu Timina, uye a di velegela gyanana Elifazi va gi rana khavo khu Amaleki. Esi khu situgulwana sa Adha, ngadza Esawu.

2 Samuweli 1:8

Uye a di nyi wudzisa, khuye: Khuwe mani? “Eni nyi di mu hakha, kheni: Nyi Muamaleki.”

Ekisodha 17:14

Khavbo avbo, Pfhumu Nungungulu a di embela Mosi, khuye: “Lova silo sesi libhukuni, gu khala gialakanyiso gi sayiswago, u embela gambe Josuwa, khuwe: Eni nyi na gira gu Amaleki a fuva a si alakanwi gambe vbavbatshi nya lidambo.”

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Mitengo 24:20

Avbo Bhalahama a nga wonago Amaleki a di mu profeta, khuye: “Amaleki khuye nya guphele ga mayigo yatshavbo. Aholu khu mahegiso a na mbembiswa.”

Mitengo 31:17

Khu guralo, songani madzaha yatshavbo, ni vanyamahegyane vatshavbo va tshanganidego ni mwama;

Josuwa 10:39

A di dhumela lidhoropa ni mitalala yaye, gumogo ni mufumeli waye, a li sasela khu matshari, a li mbembisela muphelo gumogo ni satshavbo si nga bani siri umo. Kha nga idzo a giridego ga Hebroni ni ga Libhina gumogo ni vafumeli vawe, a di gira gambe kharato ga Dhebhiri ni ga mufumeli waye.

1 Samuweli 14:48

A di dwana khu wundrena, a pala Vaamaleki, tshudziside Israyeli mandzani ga vale va nga bani va mu phanga.

1 Samuweli 15:18

Pfhumu Nungungulu a gu rumede ga ndzila yeyi, a gu embela, khuye: “Indra u ya mbembisela muphelo sighohi sile Vaamaleki, u dwana navo, kala u va fuvisa.

1 Samuweli 15:9

Aholu, Sawule gumogo ni masotshwa yaye, va di diga Agagi nyamba mu songa, gumogo gambe ni mitshambi yaye nya dzinvuta ni dzimombe nya migadzi, sifuyo nya guene, sinvutana ni satshavbo si nga bani si romo nya sadi, ni gimwegyo nya iso kha va nga vbweta gu si mbembisa. Va di pfhungumula basi iso nyamba khalega ni gumba na lisima.

1 Samuweli 22:19

Sawule a di ruma gambe gukhuye va hongola Nobhi, lidhoropa nya vaphasi nya mhamba, aya songetela khu litshari vama ni vanyamayi, sanana ni sanana sa beleni, dzimombe, dziburu ni dzinvuta.

1 Samuweli 27:9

Dhavhidhe a di gu sasela litigo lile, nyamba tshiya mwama mwendro nyamayi, a di dzega dzinvuta, dzimombe, dziburu, dzingameriya, gumogo ni guambala; na gu wuya ga Akisi

1 Samuweli 30:17

Dhavhidhe a di va sasela ga litshigu li landrelago, gukhugela dzimindrudzile kala gupfola lidambo. Mwalo ni moyo wawe a nga vbulugago, vbavbandze basi ga mazana mana nya madzaha ma nga khilela dzingameriya ma thava.