1 Samuweli 15:23 - Bhibhiliya Nya Guage

²³ Gumba yingisa, nandru nya wukhongolo, nya gufanane ni wuloyi, ni gu ganedza gwa gu fanana ni gukhozela sifananiso. Kholu, u nyenyide gupwa magana ya Pfhumu Nungungulu, uye nuye a ngu gu nyenya ni gu gu dzegela wufumu.”

1 Samuweli 15:23 Iomraidhean Croise

Genesi 31:19

Kha nga Laboni a nga bani ari mwalo, na hongode aya gaya mawoya nya dzinvuta, Rakeli a diba vanungungulu nya dzinguluve dza babe waye.

Genesi 31:34

Rakeli a di dzega vanungungulu a va siha vbavbatshi nya sighwabhata nya ngameriya, a hegisa a khala khu vbatshani gakone. Laboni a di khedzisa malangani gwatshavbo nya tshatsha, a si mani gilo.

2 Samuweli 12:9

Khu ginani u nga yeyisago magana ya Pfhumu Nungungulu, u gira esi si vivbidego mahoni gwaye? U songide Uriya, Muhiti khu litshari, khu gufela gu dzega mwangadzi waye a khala wago, hwane nya gu bani u mu songide khu litshari la na Amoni.

2 Samuweli 7:15

aholu kha nyi na dusa lihaladzo langu avbo gwaye, kha nga idzo nyi giridego ga Sawule, nyi mu dusidego mbeli gwangu.

1 Dzikoronika 10:13

A di fisa kharato Sawule khu kotani nya gighoho a giridego ga Pfhumu Nungungulu, khu kotani nyamba landrisa magana ya Pfhumu Nungungulu, ni guya wudzisa ni gu lomba gu phaswa khu muloli nya dzisolo,

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

Joba 34:37

Kholu gighoho gyaye gya gu engedzelana gu hi wugela, a khwakhwathela mandza yaye avbo gwathu a engedzela gu wugela Nungungulu khu magana yaye.

Dzindzimo 107:11

khu kotani nya guyeyise ni guwugela Nungungulu, ni gu nyenya makungo ya oyu a Khusegidego ngudzu,

Ekisodha 22:18

U nga digi ndroyi yi vbanya.

Isaya 19:3

Hefemulo wa Vagipiti wu na titivala ndrani gwawe, nyi na phalalegisa makungo yawe, va na ya wudzisa wusingalagadzi ga sifananiso sawe, ni ga vale va khozelago va nya gufa ni valoli nya dzisolo.

Isaya 8:19

Vambe va na mi kutsedzela, khavo: Wudzisani maphuvbo ya vale va fudego ni valoli nya dzisolo va ngurangurago ni gu lembelana; ina kamwe va na Israyeli va gu bani vari ni mahungu kha va na ngaya wudzisa Nungungulu wawe, gani? Ina avo va vbanyago va ngu yela guya wudzisa avo va fudego, gani?

Jeremiya 16:12

Khu guralo, mu dzi nyenyeziside guvbindra vababe vanu, wonani nya gukhenu muthu ni muthu a gu landrisa iso si godwago khu monyo waye nya guvivbe a si dzumeli gu nyi yingisa.

Jeremiya 28:16

Khu guralo, Pfhumu Nungungulu a ngu ganela kharati, khuye: Wona nya gukhuwe Eni nyi na gu dusa mafuni, u nafa ndrani nya mwaga yoyu, kholu u profetide malipha u wugela Pfhumu Nungungulu.”

Jeremiya 29:32

Pfhumu Nungungulu a ngu ganela kharati, khuye: Simaya Muneyemi nyi na mu tsayisa gumogo ni livelego laye; mwalo ni moyo nya gitugulwana gyaye a na gu khalago tigoni momu, avo gima kha va na wona makategwa nyi na gu girelago vathu vangu, uye ganede magana nya gu vale Pfhumu Nungungulu. A ngu ganela Pfhumu Nungungulu.

Hoseya 13:11

Nyi gu ningide mufumeli khu likhulo, nyi bwelo khavbo nyi gu wandrela khu giviti.

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Levhi 20:27

Mwama mwendro nyamayi a na dzi ningedzelago guphasela dzinguluve, ni gulola dzisolo mwendro wutumbe; va na pfarwa khu siwindri. Novba wawe wu na thegela vbatshani gwawe.”

Levhi 20:6

Muthu ayago ga vanyasikwembu, ni va nya gulola dzisolo, a dzi ningedzela gukhodwa ga silo soso, Eni nyi na mu wugela nyi mu fuvisa vbakari ga va na gyawe.

Mitengo 14:9

Mu nga wugelini Pfhumu Nungungulu, gambe mu nga thavi vathu va tigoni mule, kholu, avo va na khala guhodza gwanu. Va mwalo wuthavelo kholu Pfhumu Nungungulu a na ni ethu. Mu nga va thavi!”

Mithumo 13:22

Nungungulu, na duside Sawule vbagikhalotunu nya wufumu, a di va tulela gu hatha Dhavhidhe kha nga mufumeli wawe. Khuye a nga mu thulago, khuye: ‘Nyi mane Dhavhidhe, mwamana wa Jese, mwamana a tsakisago monyo wangu, a nga londrowodzago guhaladza gwangu gwatshavbo.’

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

Vagalatiya 5:20

gukhozela vanungungulu nya malipha, guphasela sithombe, sikwembu ni wutumbe, livengo, gudwanisana, wufu, likhulo, dzihanyi, guwandra, guwugelana khu mitsawa;

Dhewuteronome 9:24

Enu mu va gu kanyisa Pfhumu Nungungulu, gukhugela litshigu nyi phedego gu mitini.

Dhewuteronome 9:7

Alakanyani, gambe mu nga divalini gukhenu mu goroside Pfhumu Nungungulu wanu, giwulani; gukhugela litshigu mu dugidego khu tigoni ga Egipito kala mu vboha ga wulanga wowu, mu di wugela Pfhumu Nungungulu;

Josuwa 22:15

Avbo va nga vbohago ga va na Rubheni, va na Gadhi ni gipandre nya lihundzu la na Manasi, tigoni ga Gileyadhi, va diya va embela, khavo:

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.

1 Samuweli 13:14

Olu mufumo wago kha wu naya mbeli. Pfhumu Nungungulu a dzi hathede muthu a tsakiswago khuye, gambe a mu vegide gu khala muthangeli wa vathu vaye, kholu uwe khwa landrisa esi Pfhumu Nungungulu a gu leletedego.

1 Samuweli 16:1

Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.

1 Samuweli 28:3

Khu gikhati gyogyo, Samuweli a di fude, va na Israyeli vatshavbo va di gu lila Samuweli na va mu dzingide dhoropani a nga velegedwago umo; Sawule a di lundride vatshavbo va nya wunyanga ni va nya dzisolo.