1 Samuweli 15:22 - Bhibhiliya Nya Guage

²² Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.

1 Samuweli 15:22 Iomraidhean Croise

Genesi 4:4

Abheli nuye a di gira phaselo, khu matiwula nya gifuyo nya gunone gya tshambini gwaye. Pfhumu Nungungulu a di hakha gwadi Abheli a gu salalegiswa ngudzu khu ningelo waye.

Ekisodha 19:5

Olu mwa gu yingisani lito langu, mu vegisa gidzumeledzwano gyangu, mu na khala thomba yangu vbakari nya mayigo yatshavbo, kholu litigo latshavbo la gu lumba Eni.

Mavingu 21:3

Gugira ugo gu gu gwadi khu gululama ni nongameto silo si godwago khu Pfhumu Nungungulu, guvbindra gu mu girela dzimhamba.

Muhevbudzi 5:1

Khedza ngondro wago umo wu gandrago wa gu bani u bela Nyumbani gwa Nungungulu. Hi dzimela gasi guya yingisa, esi si ngu phasa ngudzu guvbindra dzimhamba dza sipumbu, kholu sipumbu kha si dziti nya gukhiso sa gu gira silo nya guvivbe.

Jeremiya 11:4

nyi ningidego vababe vanu gikhati nyi va dusidego khu tigoni ga Egipito, gidhingiseloni nya dzisimbi, nyi nga va embela, kheni: Yingisani lito langu ni gu gira satshavbo nyi mi rumago; khu guralo, enu mu na bani muri vathu vangu, eni neni nyi na khala nyiri Nungungulu wanu;

Jeremiya 11:7

Kholu gukhugela litshigu nyi mi dusidego khu tigoni ga Egipito, kala muhuno, nyi phede khu gu embela vababe vanu, nyi simamide gu va embela kharati, kheni: Yingisani lito langu!

Jeremiya 26:13

Gasi olu, vbindrugedzani mavbanyelo yanu ni sigiro sanu mu yingisani lito la Pfhumu Nungungulu wanu; khavbo uye a na gu bweledzago tsayiso a wu ganedego khu kotani yanu.

Hoseya 6:6

Kholu eni nya gu tsakiswa khu lihaladzo, guvbindra dzimhamba dzanu, ni guti Nungungulu, guvbindra miphaso yanu nya guvbiswe.

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Matewu 12:7

Aholu nari gupwani mu ngu wuti tshamuselo nya mahungu ma gukhayo: Eni nya gu hatha wuhindzi guvbindra mhamba, na mu si ningi nandru avo va gu mwalo nawo.

Matewu 23:23

Libango gwanu, vapfhadzi nenu, vahevbudzi nya Nayo ni Vafarisi, mu hengago gikhaba nya mitongwe yatshavbo, nesi nya gupitele kiso guhodza, aholu mu si theli kota khu litshina nya milayo yatshavbo, a gu: Gululama, wuhindzi, ni gutumbega. Esi khiso mu nga vbweta gu phela khiso mu gira, nyamba diga sile simbe.

Matewu 5:24

diga ningelo wago vbagiluvelotunu, uya phela khu gukhongotelana ni ndriyago; khavbo u wuyago gwadi u ta gira ningelo wago.

Matewu 9:13

Indrani mu ya vbweta guti tshamuselo nya mahungu yaya: ‘Eni nya gu hatha wuhindzi guvbindra mhamba.’ Kholu kha nya tela guta rana va nya ndruda, aholu, sighohi.”

Marko 12:33

ni gukhuwe gu vbwetega gu mu gola khu monyo watshavbo, khu mapimo yatshavbo, khu tshivba yatshavbo, ni gukhuwe gu gola muthu kwanu nga edzi u dzi golago khidzo uwe mune, gu ngu phasa guvbindra miningelo ni dzimhamba dzatshavbo.”

1 Samuweli 13:12

nyi di ganela khu monyoni, kheni: “Olu Vafilisitiya va na relela Ghiligali va ta nyi dwanisa, na nyi si gu mani wuhigo wa Pfhumu Nungungulu; Khu guralo, khu gu wona mhango nyi di gurumedzwa gu ningela phaso nya guvbiswe.”

1 Samuweli 13:13

Khavbo avbo, Samuweli a di embela Sawule, khuye: U thumide wupumbu khu gumba landrisa nayo u ningidwego khu Pfhumu Nungungulu wago, naripwani u di yingiside, Pfhumu Nungungulu a di hadza gutiyisa mufumo wago ga va na Israyeli kala gupindruga.