1 Samuweli 15:15 - Bhibhiliya Nya Guage

¹⁵ Sawule a di mu hakha, khuye: “Hi diya phanga Vaamaleki, kholu vathu va di tsetsa iso nya sadi nya dzinvuta ni dzimombe, gasi gu gira khiso miphaso ga Pfhumu Nungungulu wago; gasi esi simbe ethu hi di si mbembisela muphelo.”

1 Samuweli 15:15 Iomraidhean Croise

Joba 31:33

Nya gu bani nyi fananide ni vambe vathu nyi fenengedza sighoho sangu kha nga Adhamu, nyi siha milandru yangu monyoni gwangu;

Mavingu 28:13

Uye a sihago sighoho saye gima kha na katega, aholu uye a si dawulelago a si ghohi gambe, a na giredwa wuhindzi.

Matewu 2:8

A di va rumela Bhetlehema, a va embela, khuye: “Indrani muya vbweta guti gwadi gyanana gyogyo. Mwa gu gi mana, deluni muta nyi embela, gasi eni neni nyi ya gi khozela.”

Luka 10:29

Aholu muhevbudzi nya Nayo khu gu vbweta gu dzi vhikela, a di wudzisa, khuye: “Gasi khu mani muthu khwathu?”

1 Samuweli 15:16

Khavbo avbo, Samuweli a di mu embela, khuye: “Nga degula, upwa iso nyi nga embedwa khu Pfhumu Nungungulu wutshigu wowu.” Sawule a di mu phindrula, khuye: “Ganela.”

1 Samuweli 15:21

aholu masotshwa ma di phanga dzinvuta ni dzimombe, ni satshavbo esi nya lisima si nga bani si emisedwe gumbembiswa, aholu hi di wuya naso gasi guta gira khiso phaselo ga Pfhumu Nungungulu wago, dhoropani ga Giligali.

1 Samuweli 15:9

Aholu, Sawule gumogo ni masotshwa yaye, va di diga Agagi nyamba mu songa, gumogo gambe ni mitshambi yaye nya dzinvuta ni dzimombe nya migadzi, sifuyo nya guene, sinvutana ni satshavbo si nga bani si romo nya sadi, ni gimwegyo nya iso kha va nga vbweta gu si mbembisa. Va di pfhungumula basi iso nyamba khalega ni gumba na lisima.