1 Samuweli 15:11 - Bhibhiliya Nya Guage

¹¹ “Nyi ngu dzi laya kholu nyi nga emisa Sawule gu khala mufumeli, kholu a nyi wugede, a si landrisi sileletelo sangu.” Samuweli a di vbisega ngudzu, wutshigu watshavbo a lila ga Pfhumu Nungungulu.

1 Samuweli 15:11 Iomraidhean Croise

Genesi 6:6

Nungungulu a di dzi laya kholu a nga girago muthu, a di swihala ngudzu.

Genesi 6:7

Khavbo avbo, Pfhumu Nungungulu a di khuye: “Nyi na fuvisa vathu nyi va vangidego mafuni, nyi na va mbembisa tigoni, nyi vbedza vathu, sirengo ni sinyoni sa damboni ni sirengwanana satshavbo si khwirirago khu lididi, kholu nyi ngu dzi laya khu olu nyi si giridego.”

2 Samuweli 24:16

Avbo Ngilozi yi nga khusedzago mandza yaye vbatshani ga Jerusalema, gasi gu li mbembisa, Pfhumu Nungungulu a di dzi laya khu guvivba gule, a embela Ngilozi nya gumbembise vathu, khuye: “Basi, olu dusa mandza yago.” Ngilozi ya Pfhumu Nungungulu yi diri vbafuvbi ni githala gya Arawuna, mujebhuzi.

1 Dzipfhumu 11:9

Khu guralo, Pfhumu Nungungulu a di goroga khu Solomoni, kholu monyo waye wu nga pfhurarela Pfhumu Nungungulu wa Israyeli, uye a dzi wonegisidego nyondro mbili avbo gwaye,

1 Dzikoronika 10:13

A di fisa kharato Sawule khu kotani nya gighoho a giridego ga Pfhumu Nungungulu, khu kotani nyamba landrisa magana ya Pfhumu Nungungulu, ni guya wudzisa ni gu lomba gu phaswa khu muloli nya dzisolo,

1 Dzikoronika 21:15

Nungungulu a di rumela ngilozi gu ya sasela Jerusalema, na yiri vbakari nya gu sasele, Pfhumu Nungungulu, a di dzi laya khu guvivba gule, a embela ngilozi, khuye: “Basi, olu dusa mandza yago.” Ngilozi ya Pfhumu Nungungulu yi diri vbafuvbi ni Orinani, Mujebhuzi.

Joba 34:27

Kholu va mu pfhuraredego, va ndreya dzindzilani gwaye dzatshavbo a dzi emisidego.

Dzindzimo 109:4

Va gu nyi bweledzela lihaladzo langu khu livengo, aholu eni nyi ngu gira nombelo.

Dzindzimo 110:4

Pfhumu Nungungulu a sambanyide, kha na bwelela hwane kholu: “Uwe u muphasi nya mhamba kala gupindruga khu nayo nya wuphasi wa Melikisedheki.”

Dzindzimo 119:136

Marongo ma gu goga kha nga tsongo khu mahoni gwangu, kholu vathu kha va sayisi milayo yago. Tsadh

Dzindzimo 125:5

Aholu, vale va ndreyago va bela khu dzindzila nya guvivbe, Pfhumu Nungungulu a na va pata gumogo ni sighevenga. Gurula gu na manege ga va na Israyeli!

Dzindzimo 36:3

Khu kanani gwaye gu duga magana nya guvivbe ni malipha, mano nya gugire esi nya sadi, a ma tsukude gale.

Dzindzimo 78:41

Gikhati nya gingi khegi va nga linga Nungungulu, va gorogisa oyu a Agidego wa Israyeli.

Dzindzimo 78:57

Kha va tumbega, va di mu wugela, kha nga vababe vawe, va di penga kha nga giholoma, nya gukhwandrwe khu wulaho nya guwegele.

Ekisodha 32:11

Aholu, Mosi a di zama gurudzisela monyo wa Pfhumu Nungungulu waye, khuye: “Khu ginani Pfhumu u na khondrisago likhulo lago u wugela vathu vago u va dusidego khu tigoni ga Egipito khu tshivba nya yikhongolo nya libogo lago li palago satshavbo?

Ekisodha 32:14

Khu guralo, Pfhumu Nungungulu a di dzi laya a thindrekisa tsayiso a nga bani a wu dongisede gu vbedza khuwo vathu vaye.

Jeremiya 11:10

Va bwelelede ga sihevbulo nya guvivbe sa vababe vawe, va ngamba dzina gu yingisa magana yangu; va khozela vanungungulu nya malipha; nyumba ya Judha ni Israyeli va yeyiside gidzumeledzwano nyi giridego ni vababe vawe.

Jeremiya 13:17

Mwa gumba dzumela gu yingisa, nyi naya lila gusihalani, khu kotani nya matshandza yanu; maho yangu ma na lila khu wuvi wangu watshavbo nyi vbaladza marongo, kholu tshambi wa Pfhumu Nungungulu, wu vbagedwe wu yiswa wugumbitunu.

Jeremiya 34:16

aholu mu vbindrugedzide mawonelo, mu nyenyezisa lina langu khu gu muthu ni muthu a dzega khumbi yaye nya mwama mwendro nya nyamayi mu nga bani mu va tshude mu bwelo khavbo mu va gira gambe dzikhumbi.

Jeremiya 9:1

Nari gupwani hungo wangu wu di vbindrugedzide wu khala nambo nya mati, ni maho yangu ma khala gifefe nya marongo! Khavbo avbo, nyi di hadza gu lila wutshigu ni mihani khu kotani nya gusongwe ga nyamahegyane wa vathu vangu.

Jeremiya 9:18

Va na vbiredze, vata hi embelela ndzimo nya gililo, gasi gu thega marongo khu dzikhovbeni gwathu, ni dzitshi dzathu dzi tala khu mati.”

Ezekiyeli 18:24

Aholu, muthu nya gululame, a gu diga gululama gwaye, a gira gighoho nya gufanane ni sile si giridwego khu va nya guvivbedwa khu myonyo, a ngu yela guvbanya, gani? Ni moyo nya mithumo yaye nya gululame kha yi na alakanywa! Khu kotani nya gumba tumbega gwaye ni sighoho a si giridego, a nafa khiso.

Amosi 7:3

Khu guralo, Pfhumu Nungungulu, a di dzi laya khisoso a ganela, khuye: “Kha si na nga girega, a di ganela Pfhumu Nungungulu.”

Jona 3:10

Nungungulu a di wona esi va nga girago, nidzo va nga vbindrugedzago khidzo ndzilani gwawe nya guvivbe. A di dzi laya khu guvivba a nga vbweta gu va girela, a si va mbembisi kha nga a nga bani na ganede.

Jona 4:2

A di lombelela ga Pfhumu Nungungulu, khuye: “Oh! Pfhumu Nungungulu! Ina khandriso esi nyi nga gu embelago, na nyi ngari tigoni gwangu, gani? Khiso si nga nyi gira nyi thava nyi tutumela tigoni ga Tarisisi, kholu nyi di gu dziti gukheni uwe u Nungungulu nya wuhigo, u tadego khu wuhindzi, u hwelago gugoroga, na wu tade khu wuwadi, u si goligo gu gira silo nyamba sadi.

Sofoniya 1:6

ni vale va ndreyago va diga gu landra Pfhumu Nungungulu, vale va si theligo kotani khu Uye, ambari gu mu wudzisa wusingalagadzi.

Matewu 24:13

aholu uye a na gu tsaramago kala mahegiso a na vbanyiswa.

Matewu 5:44

Gasi eni nyi ngu mi embelani gukheni: Golani valala vanu; lombelelani khu vale va mi sanisago.

Luka 6:12

Khu matshigu yale, Jesu a di gwela mugigomoni, gasi guya gira nombelo. A di pilekelana wutshigu watshavbo na gu lombelela ga Nungungulu.

Vahebheru 10:38

Muthu wangu a lulamidego a na vbanya khu gukhodwa; aholu, oyu a bwelelago hwane, eni kha nyi na tsakiswa khuye.”

Josuwa 22:16

“Tshangano watshavbo wa Pfhumu Nungungulu wu ngu ganela kharati, khuwo: Gasi giyeyiso muni mu gu nagyo nya guwugele Nungungulu wa Israyeli, olu muhuno mu hambanago ni Pfhumu Nungungulu, mu dzi emisela giluvelo gasi gu wugela Pfhumu Nungungulu?

1 Samuweli 12:23

Gasi a gu bani nari eni, gima kha nyi na nga dzumela nyi ghoha khu gumba mi lombelelani ga Pfhumu Nungungulu; aholu, nyi na mi hevbudzani guti ndzila nya yadi ni gululama.

1 Samuweli 13:13

Khavbo avbo, Samuweli a di embela Sawule, khuye: U thumide wupumbu khu gumba landrisa nayo u ningidwego khu Pfhumu Nungungulu wago, naripwani u di yingiside, Pfhumu Nungungulu a di hadza gutiyisa mufumo wago ga va na Israyeli kala gupindruga.

1 Samuweli 15:10

Khavbo avbo, ma dita magana ya Pfhumu Nungungulu ga Samuweli, a mu embela, khuye:

1 Samuweli 15:3

Olu indra uya sasela Amaleki, u mu pfhungumulela muphelo ni satshavbo si mu lumbago nyamba mu tsetsa; khu guralo, u na songetela vanyamayi, ni sanana niso sa beleni, dzimombe ni dzinvuta, dzingameriya ni dziburu.”

1 Samuweli 15:35

Samuweli kha nga tshuka na wonanide gambe ni Sawule kala litshigu nya gufe gwaye. Kholu Samuweli a di gu saniseka khu kotani ya Sawule. Pfhumu Nungungulu a di dzi laya khu gu emisa Sawule gu khala mufumeli wa Israyeli.

1 Samuweli 15:9

Aholu, Sawule gumogo ni masotshwa yaye, va di diga Agagi nyamba mu songa, gumogo gambe ni mitshambi yaye nya dzinvuta ni dzimombe nya migadzi, sifuyo nya guene, sinvutana ni satshavbo si nga bani si romo nya sadi, ni gimwegyo nya iso kha va nga vbweta gu si mbembisa. Va di pfhungumula basi iso nyamba khalega ni gumba na lisima.

1 Samuweli 16:1

Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”

1 Samuweli 8:6

Magana yaya kha ma tsakisa Samuweli, avbo va nga, khavo: Hi emisele mufumeli, gasi a hi fumela. Khu guralo, Samuweli a di lombelela ga Pfhumu Nungungulu.