1 Samuweli 14:7 - Bhibhiliya Nya Guage

⁷ Khavbo avbo, muphari nya matshari yaye, a di mu hakha, khuye: “Gira iso u si wonago na si gu godwa khu monyo wago; kheni oyu, nyi nago, iso u si pimisago nyi womo nago.”

1 Samuweli 14:7 Iomraidhean Croise

2 Samuweli 15:15

Vathu vaye va di hakha mufumeli wawe, khavo: “Khethu ava sithumi sago, si na girege satshavbo kha nga gu gola ga mufumeli, mune wathu.”

2 Samuweli 7:3

Natani a di embela mufumeli, khuye: “Indra u ya gira satshavbo u si pimisago khu monyoni gwago, kholu Pfhumu Nungungulu a na ni uwe!”

Dzindzimo 46:7

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Zakariya 8:23

Pfhumu Nungungulu nya Tshivba Yatshavbo a ngu ganela kharati, khuye: “Ga matshigu yoyo, likhumi vama nya gute khu mafumbu yatshavbo nya malimi ma ganedwago khu vathu nya mayigo, va na phara tshoka nya mwendra wa moyo nya Mujudha nya gukari, va mu embela, khavo: Ethu ha guvbweta gu hongola gumogo nanu, kholu hi pwide gupwani Nungungulu womo gwanu.”

Valamuli 9:54

Khavbo avbo, uye a di rana lidzaha li nga bani li phara matshari yaye, a li embela, khuye: “Dusa litshari lago u nyi paya nyifa, gasi va si ganeli gupwani nyi di songwa khu giwindri khu nyamayi.” Muphari waye nya matshari, a di homola litshari laye a mu paya afa.

1 Samuweli 10:7

Avbo u na dugedwago khu siwonegiso sesi, gira satshavbo si lombwago gu girwa khu gikhati gyogyo, kholu Nungungulu a na ni uwe.

1 Samuweli 14:6

Jonatane a di embela lidzaha nya muphari nya matshari yaye, khuye: “Hongole hi yela makhuna yaya; mwendro saye Pfhumu Nungungulu a na hi phasa a hi dwanela, kholu ga Nungungulu gimwalo gi gumba kodzega, uye a na hi vbulugisa khu vangi ambari khu vadugwana.”

1 Samuweli 14:8

Jonatane a di mu embela, khuye: “Hi naya ga vathu vale hi ya dzi wonegisa gwawe.