1 Samuweli 14:45 - Bhibhiliya Nya Guage

⁴⁵ Aholu vathu va di embela Sawule, khavo: “Ina Jonatane a residego guvbanyiswa gogu nya gukhongolo ga Israyeli, a ngu yela gufa, gani? Silo nya nga isoso, kha si kodzegi gu girega! Hi ngu sambanya khu Pfhumu Nungungulu a vbanyago, ni ndzudzu moyo basi wa hungoni gwaye kha wu na thega vbavbatshi, kholu iso a si giridego muhuno tshivba ya Nungungulu.” Khu guralo, vathu va di vbulugisa Jonatane gu songwa.

1 Samuweli 14:45 Iomraidhean Croise

2 Samuweli 14:11

Nyamayi a di hakha, khuye: “Mufumeli, lomba khu lina la Pfhumu Nungungulu wago, gasi muphodzeli nya novba, a si nyi engedzeli libango, khu gu songa mwamana wangu.” Khu guralo, mufumeli a di hakha, khuye: “Nyi ngu sambanya khu Pfhumu Nungungulu a vbanyago, kheni, kha wu na thega vbavbatshi ambari ni ndzudzu moyo basi khu hungoni ga mwanago!”

1 Dzipfhumu 1:52

Solomoni a di hakha, khuye: “Uye a gu dzi yeyedza nari muthu nya gutumbege, ni ngodzi mweyo nya ndzudzu waye kha yi na thega; aholu, gwa gu tugulega avbo gwaye wuvivbi nya gukari, uye a nafa.”

2 Dzikoronika 19:11

Kha mu mu woni oyu muphasi nya khongolo nya mhamba Amariya, emisidwe vbakari gwanu gasi gu gimbidzisa satshavbo si lumbago Pfhumu Nungungulu; ni Zebhadhiya, mwamana wa Ismayeli, muthangeli nya ndranga ya na Judha, oyu a na gimbidzisa satshavbo si lumbago mufumeli; vomo gambe vbakari gwanu va na Levhi, gasi gu khala vasayisi vanu. Khu guralo, tiyani longo mu thuma! Pfhumu Nungungulu a na khale ni vathu nya vadi.

Nehemiya 9:27

Khu guralo, U di va ningela mandzani ga valala vawe, va gu va tshanisa, aholu gikhati va nga bani va tshaniseka, va di lila avbo gwago, Uwe U va yingisa nuri khu vbatshani yoyo ndzadzini. Khu kotani nya wuhindzi wago nya wukhongolo, U va rumede vatshudzisi va ta va vbulugisa mandzani ga valala vawe.

Isaya 13:3

Nyi ningide nayo sihathwa sangu, ina, nyi ranide dzindrena dzangu, edzi dzi dwanelago wugulu wangu, gasi va thuma thumo nya likhulo langu.

Matewu 10:30

Ambari ni ndzudzu wa hungoni gwanu wu valedwe watshavbo!

Luka 21:18

Aholu kha gu na luzega, ambari basi ndzudzu moyo wa hungoni gwanu.

Mithumo 14:27

Na va vbohide, va di tombanisa libandla va va embeledzela satshavbo iso Nungungulu a nga girago navo, ni edzi Nungungulu a nga tulelago khidzo ndzila nya gukhodwe va nya mayigo.

Mithumo 15:12

Khavbo avbo, gu di gira kape libandla latshavbo. Va yingisa Bharinabha ni Pawulo na va gu tshamusela siwoniso ni siliwugiso satshavbo Nungungulu a nga girago khu avo vbakari nya va nya mayigo.

Mithumo 21:19

Khavbo avbo, Pawulo a di va losa, a va tshamusela gwadi satshavbo esi Nungungulu a giridego khavbo gwaye vbakari ga va nya mayigo.

Mithumo 27:34

Nyi ngu mi lomba mu hodze gilogyo, gasi mu kodze gu mana tshivba nya guvbuluge. Vbakari gwathu mwalo na moyo a na gu luzago, ambari khu ndzudzu wunene wa hungoni gwaye.”

Varoma 15:18

Eni kha nyi tiyeli gu ganela khu simbe silo vbavbandze nya esi Kristo a thumidego khu mandza yangu gasi gu wuyisa va nya mayigo vata khodwa ga Nungungulu. Esi si giregide khu magana ni mithumo,

1 Vakorinto 3:9

Kholu ethu hi sithumi hi thumago gumogo ni Nungungulu, gasi enu mu lithembwe la Nungungulu, mu nyumba a vbahago Nungungulu.

2 Vakorinto 6:1

Ethu hi gu vaphasedzeli va Nungungulu, hi ngu mi khongotelani gukhethu, mu nga digi wu luzega wuhigo wa Nungungulu mu hakhidego.

Gutuledwa 17:14

Ava va na wugela Nvutana va yi dwanisa, aholu va na padwa khu Nvutana, kholu khiyo Pfhumu nya dzipfhumu, Mufumeli nya vafumeli. Gumogo Naye, vale va ranidwego, va khodwago, va khalago Naye, va na pala navo.”

Gutuledwa 19:14

Mabutho ya Ndzadzini ma di mu landrela na ma ambade dzingandzu nya wumburi nya guage ngudzu, na ma khilede dzikavalu nya guage ngudzu.

1 Samuweli 11:13

Aholu Sawule a di va hakha, khuye: “Muhuno, mwalo a na songwago, kholu litshigu la muhuno, Pfhumu Nungungulu vbanyiside vathu vaye va na Israyeli.”

1 Samuweli 14:23

Litshigu lile, Pfhumu Nungungulu a di vbulugisa va na Israyeli; litunga li di endrelega kala khisikheyi ga Bheti-Avheni.

1 Samuweli 14:46

Sawule a di diga gu lundra Vafilisitiya; Vafilisitiya va di bwelela tigoni gwawe.

1 Samuweli 19:5

Kha nga thava gufa, a di sasela Vafilisitiya, Pfhumu Nungungulu a tshudzisa va na Israyeli vatshavbo; uwe kamwe u si wone bwelo khavbo u nengela khiso; olu khu ginani u vbwetago gu ghoha khu gu vbaladza novba nyambana nandru, khu gu songa Dhavhidhe vbavbandze nya gighoho.