1 Samuweli 14:36 - Bhibhiliya Nya Guage

³⁶ Sawule a di engedza gambe a ganela, khuye: “Hongoleni hi relela wutshigu wowu hi ya dwanisa Vafilisitiya, hi va phanga kala gudugani nya lidambo, hi si digi ni moyo basi a vbanye.” Vathu va di ganela, khavo: “Gira satshavbo u si wonago na si lulamide.”

1 Samuweli 14:36 Iomraidhean Croise

Dzindzimo 73:28

Gasi eni nya gu gola gu khala vbafuvbi ni Nungungulu; uwe Pfhumu Nungungulu khuwe wuthavelo wangu, nyi na huwelela sigiro sago satshavbo.

Isaya 58:2

Ambari khu guralo, khu litshigu ni litshigu li gyago, va gu nyi vbweta, gambe va gu yeyedza gugola guti dzindzila dzangu; kha nga vathu va girago gululama, va ngamba diga nayo wa Nungungulu wawe, va nyi lomba gu va yeyedza ndzila nya gululame, gambe va na ni ligolo ni Nungungulu.

Jeremiya 6:5

Khugani hi ya mu sasela wutshigu wowu, hi na ya khungumula dzinyumba dzawe nya wufumu.

Malakiya 2:7

Kholu likana la muphasi nya mhamba, li fanede gu sayisa guti, gambe vathu va lirede gupwa nayo khu kanani gwaye, kholu uye ngilozi ya Pfhumu Nungungulu nya Tshivba Yatshavbo.

Mitengo 27:21

Uye a na ya ema mbeli ga muphasi nya mhamba, Eleyazari; muphasi nya mhamba a na wudzisa khu uye ga Pfhumu Nungungulu khu gulola solo nya guage, khu guleleta nya Urimi; khuye a na ningago lito nya gu va duga, khuye gambe a na ningago lito gukhuye va bele, uye gumogo ni va na Israyeli ni tshangano watshavbo.”

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.

Josuwa 10:19

Gasi enu mu nga garali, simamani gulundra valala vanu mu songa avo mu va manago; mu nga va digini va bele madhoropani gwawe; kholu Pfhumu Nungungulu wanu, a va ningede mandzani gwanu.”

Josuwa 11:14

Va di kabana satshavbo va nga phangago madhoropani mule ni mitshambi; aholu vathu vatshavbo va di va sasela khu matshari, kala va va mbembisa, nyamba tshiya ni moyo nya guvbanye.

1 Samuweli 1:23

Mwama waye Elikana a di mu hakha, khuye: “Gira esi u si wonago na siri sadi; khala gaya kala u digisa libele gyanana; kala Pfhumu a tiyise magana yaye.” Khu guralo, nyamayi a di khala gaya a dandrisa gyanana kala gu enedza matshigu nya gu gi digise libele.

1 Samuweli 11:11

Khu litshigu li landrelago, Sawule a di kabanisa vathu vaye khu mitsawa miraru, va bela lizumboni la na Amoni na gu ngari dzimindrudzile, va sasela va na Amoni kala guvbisa lihani. Avo va nga vbulugago gufa, va di phalalega, muthu ni muthu a phara yaye ndzila.

1 Samuweli 14:3

Ayiya, mwamana wa Ayitubhi, ndruye wa Ikabhoni, mwamana wa Fineya, mwamana wa Eli, muphasi nya mhamba ya Pfhumu Nungungulu, dhoropani ga Silo, a diri ni keka nya wuphasi nya mhamba. Vathu va di si dziti gukhavo Jonatane a di hongode.