1 Samuweli 14:23 - Bhibhiliya Nya Guage

²³ Litshigu lile, Pfhumu Nungungulu a di vbulugisa va na Israyeli; litunga li di endrelega kala khisikheyi ga Bheti-Avheni.

1 Samuweli 14:23 Iomraidhean Croise

2 Dzipfhumu 14:27

Aholu Pfhumu Nungungulu a di si gu ganeli gukhuye a na fuvisa lina la Israyeli mafuni, a di va tshudzisa khu gyandza gya Jerobhowamo, mwamana wa Jeyowasi.

1 Dzikoronika 11:14

Avo va di bela vbakari nya lithembwe lile, va dzi dwanela, va songa Vafilisitiya; Pfhumu Nungungulu a di va ninga gupala nya gukhongolo.

2 Dzikoronika 32:22

Pfhumu Nungungulu a di vbulugisa kharati Ezekhiya ni vavbanyi va Jerusalema, mandzani ga Senakerebhi, mufumeli wa Asiriya, ni mandzani ga valala vatshavbo, a va ninga gurula khu maphuvbo yatshavbo.

Ekisodha 14:30

Khu guralo, litshigu lolo, Pfhumu Nungungulu a di vbanyisa sanana sa na Israyeli mandzani ga Vagipiti. Israyeli a di wona Vagipiti na va fude funguni wa phwani.

Hoseya 1:7

Aholu va na Judha nyi na va pwela wuhindzi, nyi va vbulugisa khu Pfhumu Nungungulu wawe, kha nyi na va vbulugisa khu wulaho mwendro matshari, ambari khu gu dwana nyimbi, mwendro khu dzikavalu, ambari khu vakhileli vawe nya dzikavalo.”

Dhewuteronome 20:4

kholu Pfhumu Nungungulu wanu, khuye a mi dwanelago ga valala vanu, gasi a mi vbulugisa.

Josuwa 7:2

Khu guralo, Josuwa, a di rumela vama nya gukari nari khu Jeriko tigoni ga Ayi, gu khadego vbafuvbi ni Bheti-Avheni, gu khadego khu Khugadambo ga Bheteli, a di va embela, khuye: “Indrani mu ya holelela gwadi litigo.” Khu guralo, vama vale va di gwela va ya holelela litigo la Ayi.

Valamuli 2:18

Gikhati Pfhumu Nungungulu a nga bani a va wusela valamuli, Uye a di gu khala ga moyo ni moyo nya mulamuli, a vbulugisa vathu vaye mandzani ga valala vawe, gikhatini gyatshavbo nya guvbanye ga mulamuli yoyo; kholu Pfhumu Nungungulu a di gupwa gisiro khu avo, khu tshanisa va nga bani va giredwa khu vatshanisi vawe.

1 Samuweli 10:19

Khu guralo, enu muhuno mu kanyiside Nungungulu wanu, a mi vbulugisidego guvivbani gwanu ni mithumoni yanu yatshavbo, mu mu embela, khenu: Hi emisele mufumeli. Khu guralo, tshanganani mbeli ga Pfhumu Nungungulu khu mahundzu yanu, khu sikwata sanu nya likhumi mazana (1.000).”

1 Samuweli 13:5

Vafilisitiya va di tombanisa magumararu mazana (3.000) dzikareta ni livbandre na limwedo magumi mazana (6000) vakhileli ni vathu nya gidzemo nya nga mafu ya funguni, gasi vaya dwana ni Israyeli; va di khuga vaya zumba dhoropani ga Makimasi, Khugadambo wa Bheti-Avheni.

1 Samuweli 9:16

“Mindru, khu gikhati nya nga egi, nyi na gu rumela mwama moyo wa tigoni ga Bhejami, u na mu todza khu mafura gasi a khala muthangeli wa vathu vangu va Israyeli; uye a na tshudzisa vathu vangu mandzani ga Vafilisitiya; kholu nyi wuyiside maho yangu nyi khedza vathu vangu, huwa yawe yi vbohide kala eno gwangu.”