1 Samuweli 14:15 - Bhibhiliya Nya Guage

¹⁵ Gu di manega hwanga nya wukhongolo lizumboni, wulangani nya litunga ni vbakari nya vathu vatshavbo; vbakari nya masotshwa ni vaphangi vatshavbo va di ndrendremela ngudzu gu bwelo khavbo gu tsekatseka ni mafu; satshavbo si di manega nari hwanga wutago khu ga Nungungulu.

1 Samuweli 14:15 Iomraidhean Croise

Genesi 35:5

Na va khugide, Nungungulu a di thela hwanga ni githawo ga vathu va madhoropani ya vbafuvbyana mule, mwalo ni moyo a nga dugago a gu tutumisa sanana sa Jakobe.

2 Samuweli 5:24

Avbo u na pwago ligwaha nya gugimbile vbatshani nya misimbo nya mimorya; u na duga khu guvbiredza, kholu khu gikhati gyogyo, Pfhumu Nungungulu a na bani a thangide mbeli gwago gu ya sasela mabutho nya Vafilistiya.

Joba 18:11

Va na thurugiswa khu maphuvbo yatshavbo khu dzimhango, va landreledwa ni evbini va hongolago.

Dzindzimo 14:5

Va na ndrendremela khu hwanga kholu Pfhumu Nungungulu a gu ema ni vale va lulamidego.

Ekisodha 19:18

Gigomo gyatshavbo gya Sinayi gi di fenengedzwa khu wutshi, kholu Pfhumu Nungungulu a di tshiga avbo vbakari nya nilo. Wutshi wakone wu di lita wu tuvigela vbatshani kha nga wa vbagikhotunu, ni gigomo gyatshavbo gi di ndrendremela ngudzu.

Dhaniyeli 5:6

Khavbo avbo, mufumeli a di vbindrugedza khovbe a thuruga khu hwanga, a hambanega mapimo, dzinyonga dzaye dzi tsekatseka, ni mazolo yaye ma ghumana.

Matewu 24:6

Mu napwa na gu ganedwa khu dzinyimbi, ni ligwaha nya dzinyimbi, mu nga thurugini, kholu si na ni fanelo nya guphele khiso si girega, aholu khandri guhegisa.

Josuwa 2:9

a va embela, khuye: “Nyi ngu dziti gukheni Pfhumu Nungungulu a mi ningide litigo leli; ethu ni vatshavbo vavbanyi va tigoni momu, hi tade khu hwanga ni gu vbela tshivba khu kotani yanu.

Valamuli 7:21

Muthu ni muthu, a di khala wulanga waye va randrela wughovelo; khavbo avbo vatshavbo va nga bani va romo wughoveloni, va di phela gu tutuma va pfowola va thava na va guwomba dzihuwa.

1 Samuweli 13:17

Vaphangi va di duga khu lizumboni la Vafilisitiya na vari mitsawa miraru; moyo nya iyo wu dzega ndzila nya guhongole Ofira, tigoni ga Suwali;

1 Samuweli 13:18

wumbe wu dzega ndzila nya guhongole Bheti-Horoni; uwo nya wuraru, wu bela khu ndzila nya vbingano nya kova wa Zebhoyimi, wu thonona giwulani.

1 Samuweli 13:23

Vafilisitiya va di rumela tsawa nya masotshwa gasi guya vhikela Makimasi.

1 Samuweli 14:14

Gupala gogu nya guhegule, Jonatane ni muphari nya matshari yaye, va di songa vbafuvbi ni gu enedza tengo nya magumavili vama, a gu gipandre nya mafu nya guenedze likhumi na mavili mazana mikono.

1 Samuweli 14:16

Khu Gibheya ga Bhejami, vawoneleli va Sawule, va di wona masotshwa nya Vafilisitiya na ma gu tutuma ma phalalega khu maphuvbo yatshavbo, va hambana khu dzindzila.

1 Samuweli 7:10

Samuweli na nga gu ningela phaso nya guvbiswe, Vafilisitiya va di vboha vata dhumela va na Israyeli; Aholu Pfhumu Nungungulu a di pandra mabara nya tshivba litshigu lolo, Vafilisitiya va di hambanega wongo, va padwa va tutuma mbeli ga va na Israyeli.