1 Samuweli 14:12 - Bhibhiliya Nya Guage

¹² Vama nya vawoneleli va di embela Jonatane ni muphari nya matshari yaye, khavo: “Deluni eno gwathu gasi hita mu ninga gihevbudzo!” Jonatane a di embela muphari nya matshari yaye, khuye: “Hongole, landra khu hwane gwangu, kholu Pfhumu Nungungulu a va ningede mandzani gwa va na Israyeli.”

1 Samuweli 14:12 Iomraidhean Croise

Genesi 24:42

Aholu, muhuno, gikhati nyi vbohidego namboni, nyi di ganela, kheni: Uwe Pfhumu Nungungulu wa mune wangu Abrahama, gira gukhuwe liendro langu li katege.

Genesi 24:48

Nyi di khidzima mbeli ga Pfhumu Nungungulu; nyi bonga Pfhumu Nungungulu wa mune wangu Abrahama, a nga nyi gimbidzisa khu ndzila nya gudzegele gu nyi vbohisa wulanga nya gukodze gu mana gyanana gya ndruye wa mune wangu gasi gu khala mwangadzi wa gyanana gyaye.

2 Samuweli 5:24

Avbo u na pwago ligwaha nya gugimbile vbatshani nya misimbo nya mimorya; u na duga khu guvbiredza, kholu khu gikhati gyogyo, Pfhumu Nungungulu a na bani a thangide mbeli gwago gu ya sasela mabutho nya Vafilistiya.

2 Dzipfhumu 14:8

Khavbo avbo, Amaziya a di rumela myango ga Jowasi, mwamana wa Jeyowakazi, mwamana wa Jewu, mufumeli wa Israyeli, khuye: “Delu hi ta wonana khovbe ni khovbe.”

Valamuli 4:14

Khavbo avbo, Dhebhora a di embela Bharaki, khuye: “Khuga, kholu muhuno, khilo litshigu Pfhumu Nungungulu a ningedego Sisera mandzani gwago. Ina, Pfhumu Nungungulu thangide mbeli gwago!” Khu guralo, Bharaki, a di relela khu gigomoni gya Tabhori, na gu landrwa khu likhumi magumi mazana (10.000) masotshwa.

Valamuli 7:14

Ndriyaye a di mu phindrula, khuye: “Ndroro yoyo kha yi ganeli simbe vbavbandze nya nyimbi ya Gidhiyoni, mwamana wa Jowasi, lidzaha nya Muisrayeli. Nungungulu a mu ningide mandzani gwaye Vamedhiyani ni lizumbo leli latshavbo.”

Valamuli 7:15

Avbo Gidhiyoni a nga pwago ndroro yeyi ni tshamuselo waye, a di lombelela ga Nungungulu; a bwelela lizumboni la na Israyeli a va embela, khuye: “Khugani, kholu Pfhumu Nungungulu ningede mandzani gwanu lizumbo la Vamedhiyani.”

Valamuli 9:54

Khavbo avbo, uye a di rana lidzaha li nga bani li phara matshari yaye, a li embela, khuye: “Dusa litshari lago u nyi paya nyifa, gasi va si ganeli gupwani nyi di songwa khu giwindri khu nyamayi.” Muphari waye nya matshari, a di homola litshari laye a mu paya afa.

1 Samuweli 14:10

Aholu va gukhavo: Deluni eno gwathu; avbovbo hi na hongola, kholu gu yeyedza gupwani Pfhumu Nungungulu a va ningede mandzani gwathu. Egi gi na bani nari giyeyedzo gwathu.”

1 Samuweli 14:13

Khavbo avbo, a di gwela khu mawundru ni mawogo na gulandredwa khu muphari nya matshari yaye; Vafilisitiya va di thega mbeli ga Jonatane, va sasedwa khu muphari nya matshari yaye khu hwane gwaye.