1 Samuweli 13:6 - Bhibhiliya Nya Guage

⁶ Avbo va na Israyeli va nga wona gukhavo, va randredwe khu maphuvbo yatshavbo, va di sihala mudziphagoni, ni mavbalani, sirangalabwani, siwindrini ni milamboni.

1 Samuweli 13:6 Iomraidhean Croise

2 Samuweli 24:14

Khavbo avbo, Dhavhidhe a di embela Gadhi, khuye: “Nyi womo vbakari nya wuvi nya wukhongolo, hi na thegeleni mandzani ga Pfhumu Nungungulu, kholu wuhindzi waye wungi ngudzu, gasi nyi si thegeli mandzani ga vathu.”

Isaya 42:22

Gambe vathu vava, va dhumedwe ni gu bedwa silo sawe, vatshavbo va dzudzugidwe mavbalani ni gu khothedwa mapasoni; va modwe, aholu va mwalo mutshudzisi, va phangidwe, aholu mwalo a ganelago, khuye: “Va bweledzeleni!”

Jeremiya 41:9

Nambo yoyu Ismayeli a negidego umo sirumbi nya vathu vava a va songidego, khu kotani ya Gedhaliya, khuwo wu nga bani na wu kembidwe khu mufumeli Asa, gasi gu dzi vhikela ga Bhahasa, mufumeli wa Israyeli; khuwo wa wumowo Ismayeli, mwamana wa Netaniya a nga wu tadzago khu sirumbi.

Ezekiyeli 33:27

U na va embela kharati, khuwe: Mune Pfhumu Nungungulu, a ngu ganela kharati, khuye: Nyi ngu sambanya khu guvbanya gwangu kheni, avo va tshadego marumbini va na songwa khu matshari, avo va guromo khabini, nyi na va ningela va hodzwa khu sirengo sa khabini, ni avo va na gu sihalago makhokholani ni mavbalani va nafa khu tungu.

Vafilipi 1:23

Nya gu dzipwa na nyi gu ndrindrwa khu silo sa sivili: Mumbe monyo wa gu suva gu hongola nyiya khala ni Kristo; a diri gwadi ngudzu guvbindra silo satshavbo;

Vahebheru 11:38

Va di pepetega giwulani ni sigomoni, va gu vbanya dziphagoni nya siwindri ni mavbalani. Litigo li di si lumbi avo.

Josuwa 8:20

Avbo vama va dhoropani ga Ayi, va nga thendregedza va khedza hwane, va di wona wutshi nya lidhoropa na wu gwela wuya ndzadzini, va si kodzi gu thavela ni yevbini phuvbo; kholu va na Israyeli va nga bani va gu pfhadzedzela gu thavela va di thendregedza va wuyela vale va nga bani va gu va lundra.

Valamuli 10:9

Ni va na Amoni navo va di tshatuga tsongo wa Joridhani, gasi guya dwana ni va na Judha, ni va na Bhejami, ni nyumba ya Efrayimi; va na Israyeli va di manega gutshanisekani nya gukhongolo ngudzu.

Valamuli 20:41

Khavbo avbo, va na Israyeli va di thendregedza va wuya, va na Bhejami va di hambanega mapimo, kholu va di gu wona mhango yi nga bani yi va dugela.

Valamuli 6:2

Vamedhiyani, va di tshanisa ngudzu va na Israyeli, khu guralo, avo va di thavela musigomoni vaya dzi girela mavbala, ni dziphago umo nya makhokhola.

1 Samuweli 13:15

Khavbo avbo, Samuweli a di khuga khu Ghiligali a gwela Gibheya wa Bhejami. Sawule a di dzegela gusaya vathu a nga bani nari navo, a diri ni gipimo nya livbandre na limwedo mazana (600) vama.

1 Samuweli 14:11

Khu guralo, khu wuvili wawe, va diya dzi wonegisa ga vawoneleli nya Vafilisitiya, avo va di ganela, khavo: “Kha mu va woni vale va dugago khu dziphagoni va nga bani va sihade umo.”

1 Samuweli 14:22

Avbo vama vatshavbo va na Israyeli va nga bani va sihade musigomoni sa Efrayimi, na va pwide gupwani Vafilisitiya va tutumide, avo va di va lundra gasi guya dwana navo.

1 Samuweli 23:19

Vazifi nya gukari va di hongola vaya tivisa Sawule tigoni ga Gibheya, khavo: “Dhavhidhe womo, sihade vbakari gwathu malangani nya gusihale ga Horesa, giwulani gya Hakila, Marandzi nya giwula gya Jesimoni

1 Samuweli 24:3

Uye a di vboha mavbandroni nya dzinvuta ma manegago ndzilani; avbo gu nga bani guri ni phago; Sawule a di bela umo gasi guya dzi ruma. Dhavhidhe gumogo ni masotshwa yaye va di khade khu wubambe nya phago.

1 Samuweli 31:7

Avbo va na Israyeli, va nga bani va romo khu phuvbo ga kovani ga khisikheyi ga Joridhani, va nga wonago gukhavo va na Israyeli va padwe va tutuma, ni gu wona gukhavo Sawule fude gumogo ni sanana saye, va di duga khu madhoropani va tutuma va thava. Va dita Vafilisitiya va ta vbaha umo.

1 Samuweli 7:7

Khu guralo, avbo Vafilisitiya va ngapwago gupwani va na Israyeli va tombanide dhoropani ga Misipa, manganagana nya Vafilisitiya ma dita ni masotshwa yawe gasi guya dhumela va na Israyeli; avbo va na Israyeli va ngapwago isoso, va di tala khu hwanga.