1 Samuweli 13:5 - Bhibhiliya Nya Guage

⁵ Vafilisitiya va di tombanisa magumararu mazana (3.000) dzikareta ni livbandre na limwedo magumi mazana (6000) vakhileli ni vathu nya gidzemo nya nga mafu ya funguni, gasi vaya dwana ni Israyeli; va di khuga vaya zumba dhoropani ga Makimasi, Khugadambo wa Bheti-Avheni.

1 Samuweli 13:5 Iomraidhean Croise

Genesi 22:17

Eni nyi na gu kategisa; nyi na engedzela livelego lago khu sanana nya singi ngudzu, nya gutale kha nga dzinyeledzi dza ndzadzini, kha nga mafu nya fungu wa phwani. Sanana sago si na khozisa valala vawe si gu va dzegela madhoropa yawe.

2 Samuweli 17:11

Khu guralo, eni nyi ngu gu laya gukheni tombanisa vatshavbo va na Israyeli, gukhugela Dhani kala Bherisebha na va tade kha nga lisengwe nya mafu nya fungu, uwe wurumba wago manega vbakari gwawe.

1 Dzipfhumu 20:27

Va na Israyeli va di tombaniswa navo, va ningwa matshari ni dzimbuva, va hongola gasi guya dwana ni Vaasiriya. Va diya zumba va khedzisana navo. Va na Israyeli va di wonega kha nga mitshambi mivili nya yidugwana nya dziphongo, gasi Vaasiriya va di fenengedza mafu yatshavbo.

2 Dzikoronika 1:9

Gasi olu Pfhumu Nungungulu, tiyisa magana yago, u nga ganelago ga babe wangu Dhavhidhe; kholu U nyi emiside gu khala mufumeli ga vathu nya gutale kha nga kudzudzwane nya mafu.

Isaya 10:28

Valala va vbohide dhoropani ga Ayati, va tsemakanya khu tigoni ga Migoroni; vaya rula sombo sawe dhoropani ga Makimasi.

Isaya 48:19

ni livelego lago gambe li di hadza gutala li fanana ni mafu, ni vatugulu vago kha nga mafu nya fungo wa phwani; lina lawe gima kha li na fuviswa ambari gumbembiswa mbeli gwangu.

Jeremiya 15:8

Dzinoni dzawe, dzi tade guvbindra fungu wa phwani; nyi rumede mumbembisi ga mayi nya madzaha yawe, gu ngari mihani; nyi mu resede khu githugedza gusaniseka ni hwanga, gu tadza lidhoropa latshavbo.

Hoseya 10:5

Vathu va vbanyago Samariya va na thuswa khu githombe nya gimombyana gya Bheti-Avheni, kholu vathu vaye, va na lila khu kotani yaye, gumogo gambe ni tsawa waye nya vaphaseli nya sifananiso va nga bani va tsaka khu wudhumo waye, kholu thomba yawe yi dusidwego, vbakari gwawe.

Hoseya 4:15

Uwe Israyeli, wa guvbweta gu gira wuphuphulu, u nga rwegi nandru va na Judha! Mu ngati Giligali, ambari gu gwelani muya Bheti-Avheni, na mu gu sambanya, khenu: Hi ngu sambanya khu Pfhumu Nungungulu a vbanyago.

Hoseya 5:8

Wombani pundru dhoropani ga Gibheya, mu womba pundru dhoropani ga Rama, laledzani khu tshivba Bheti-Avheni! Dzi woneleni enu va na Bhejami.

Varoma 9:27

Isaya nuye a ngu ganela, na gu thula Israyeli, khuye. “Ambari tengo nya vathu va Israyeli wu tala kha nga fungo wa phwani, gu na vbanyiswa basi vadugwana.

Josuwa 11:4

Khavbo avbo, avo va di duga gumogo ni masotshwa yawe yatshavbo, ni gidzemo nya gingi nya gutale ngudzu kha nga fungu wa phwani; ni dzikavalu gumogo ni dzikareta nya gutale ngudzu.

Josuwa 18:12

Khu Wuronga, vbingano wawe wu di khugela tsongoni wa Joridhani, wu gwela kala gigomoni gya Jeriko, khu phuvbo ga Wuronga, wu gwela khu gigomo guya Pfoladambo, wuya vbelela giwulani, gya Bheti-Avheni.

Josuwa 7:2

Khu guralo, Josuwa, a di rumela vama nya gukari nari khu Jeriko tigoni ga Ayi, gu khadego vbafuvbi ni Bheti-Avheni, gu khadego khu Khugadambo ga Bheteli, a di va embela, khuye: “Indrani mu ya holelela gwadi litigo.” Khu guralo, vama vale va di gwela va ya holelela litigo la Ayi.

Valamuli 7:12

Vamedhiyani, Vaamaleki gumogo ni vatshavbo va Khugadambo, va di mbambamede kovani nga mbasa nya gutale; ni dzingameriya dzawe dzi diri dzingi nga fungu wa phwani, nyamba kodza gu sayedwa khu muthu.

1 Samuweli 13:11

Samuweli a di mu wudzisa, khuye: “Ginani u giridego?” Sawule a di hakha, khuye: Khu gu wona gukheni vathu va ngu phalalegela, ni gu wona gukheni uwe khu vbohi khu matshigu hi ma vegidego, ni gu Vafilisitiya va di tombanide dhoropani ga Makimasi,

1 Samuweli 13:2

a di hatha vbakari ga na Israyeli magumararu mazana (3.000) vama; magumavili mazana (2.000) gasi aya khala navo dhoropani ga Makimasi, musigomoni ga Bheteli, likhumi mazana (1.000) va khala ni Jonatane dhoropani ga Gibheya ga Bhejami; avo va nga tshala a va bweledza, muthu ni muthu a hongola gaya gwaye.

1 Samuweli 14:23

Litshigu lile, Pfhumu Nungungulu a di vbulugisa va na Israyeli; litunga li di endrelega kala khisikheyi ga Bheti-Avheni.

1 Samuweli 14:52

Matshiguni yatshavbo nya guvbanye ga Sawule, gu manegide nyimbi nya guthise ngudzu nya gudwanisane ni Vafilisitiya; Sawule a gu wona mwama nya ndrena ni tshivba, a di mu dzega a khala waye.

1 Samuweli 17:1

Vafilistiya va di dzi dongisela guya dwana nyimbi, va di ya tombana Soko, tigoni ga Judha. Va di ya zumba Efesi-Dhamimi, vbakari ni vbakari ga Soko ni Azeka.

1 Samuweli 7:13

Khu kharati, Vafilisitiya va di poyidwa; avo gima kha va nga wuya gambe vata bela tigoni ga Israyeli, kholu Pfhumu Nungungulu a di va sasela khu mandza gyaye matshigu yatshavbo nya guvbanye ga Samuweli