1 Samuweli 12:5 - Bhibhiliya Nya Guage

⁵ Uye a di va embela, khuye: “Pfhumu Nungungulu a na khale fakazi vbakari gwanu, gumogo ni ga a todzidwego waye khu mafura, uye muhuno i fakazi nya gukhuye, kha mwa mana nandru mandzani gwangu.” Vathu vatshavbo va di tiyisa, khavo: “Nungungulu a na khale fakazi.”

1 Samuweli 12:5 Iomraidhean Croise

Genesi 31:50

Wa gu tshanisa sanana sangu, mwendro gu dzega vambe vanyamayi gu diga nya avo, ambari a gu mwalo muthu ni ethu avba, alakanya gukhuwe Nungungulu i fakazi ga eni ni uwe.”

Joba 16:19

Olu dzitini kamwe nya gukhenu, fakazi yangu yomo ndzadzini, ni muemeli wangu, womo vbatshani ngudzu.

Joba 42:7

Avbo Pfhumu Nungungulu a vbedzidego gu embela magana yaya Joba, Pfhumu Nungungulu a di embela gambe Elifazi, Mutemane, khuye: “Likhulo langu li khondrede uwe gumogo ni dzipari dzago dza dzimbili; kholu kha mwa ganelani silo nya gululame avbo gwangu, kha nga githumi gyangu Joba.

Dzindzimo 17:3

Ambari u khedzisa monyoni gwangu, u nyi linga vbakari nya wutshigu, u nyi lingedzela khu nilo, gima khu na nga mana guvivba ga eni; likana langu gima kha la yeyisa,

Ekisodha 22:4

Girengo gi bidwego gya gu manwa mandzani ga mbafa na gi nga gu vbanya, gani mombe, gani buru, gani nvuta, mbafa yi na livba guvili.

Johane 18:38

Pilato a di mu wudzisa, khuye: “Ginani lisine?” Na ganede esi, a di duga gambe vbavbandze, aya embela Vajudha, khuye: “Kha nyi mani nandru gwaye.

Mithumo 23:9

Khavbo avbo, li di wuga ligwaha nya likhongolo. Vambe vahevbudzi nya tsawa nya vafarisi va di khuga va gu ganedza khu tshivba, khavo: “Kha hi mani gighoho ga muthu yoyu! Ahati nari liphuvbo, mwendro ngilozi gya Nungungulu gi nga ganelago naye?”

Mithumo 24:16

Khu kharato, eni neni nyi ngu dzi garadza matshigu yatshavbo gu khala nyiri muthu nya monyo nya gululame mbeli gwa Nungungulu ni ga vathu vatshavbo.

Mithumo 24:20

Avo ava, va na ganele gighoho va gi manego gwangu gikhati nyi nga lamudwa phathani khu madhota.

1 Vakorinto 4:4

Eni kha nyi dzipwi na nyiri ni nandru wa gilo. Ambari ulo, kha nyi dzi woni nga muthu nya ndruda. Pfhumu khuye a nyi lamulago.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

1 Samuweli 12:4

Khavbo avbo, va di hakha, khavo: “Gimwalo u hi kanganyisidego, ambari gu hi tshanisa, ambari gu dzega gilo khu mandzani ga muthu.”

1 Samuweli 26:9

Aholu Dhavhidhe a di hakha Abhisayi, khuye: “U nga mu songi, kholu khu mani a kodzago gu khusa gyandza gyaye a songa uye a todzidwego khu Nungungulu a si mani nandru?”