1 Samuweli 12:4 - Bhibhiliya Nya Guage

⁴ Khavbo avbo, va di hakha, khavo: “Gimwalo u hi kanganyisidego, ambari gu hi tshanisa, ambari gu dzega gilo khu mandzani ga muthu.”

1 Samuweli 12:4 Iomraidhean Croise

Dhaniyeli 6:4

Khu kotani nya kharato, vamwamangulu ni vathangeli, va di gu zama gu mana gihoso nya guvivbise khigyo Dhaniyeli thumoni gwaye nya mufumo, gambe va disi mani gihoso, kholu a di thuma khu gutumbega.

Vahebheru 11:33

Avo khu gukhodwa, va dwanide ni mifumo yatshavbo va yi pala. Va giride nya sadi, va gu hakha ga Nungungulu esi va nga tumbiswago. Va di sega magana nya dzinghala.

3 Johane 1:12

Vathu vatshavbo va gu zundza Dhemetriyo. Ambari lisine nilo li ngu mu zundza. Ethu nethu hi ngu mu zundza. Uwe u ngu dziti gukhuwe esi hi ganelago lisine.

1 Samuweli 12:3

Kheni oyu, nya gu bani nyi mi hosede ganelani mbeli ga Pfhumu Nungungulu ni mbeli ga uye a mu todzidego khu mafura; mombe ya mani nyi dzegidego? Buru ya mani nyi dzegidego? Khu mani nyi mu kanganyisidego? Khu mani nyi mu tshanisidego? Nyi hakhide khu mandzani ga mani dzitsapawu nya gurengeledwe gasi nyi sega likana? A gu bani na romo a na ganele, gasi nyi mu bweledzela.

1 Samuweli 12:5

Uye a di va embela, khuye: “Pfhumu Nungungulu a na khale fakazi vbakari gwanu, gumogo ni ga a todzidwego waye khu mafura, uye muhuno i fakazi nya gukhuye, kha mwa mana nandru mandzani gwangu.” Vathu vatshavbo va di tiyisa, khavo: “Nungungulu a na khale fakazi.”