1 Samuweli 12:3 - Bhibhiliya Nya Guage

³ Kheni oyu, nya gu bani nyi mi hosede ganelani mbeli ga Pfhumu Nungungulu ni mbeli ga uye a mu todzidego khu mafura; mombe ya mani nyi dzegidego? Buru ya mani nyi dzegidego? Khu mani nyi mu kanganyisidego? Khu mani nyi mu tshanisidego? Nyi hakhide khu mandzani ga mani dzitsapawu nya gurengeledwe gasi nyi sega likana? A gu bani na romo a na ganele, gasi nyi mu bweledzela.

1 Samuweli 12:3 Iomraidhean Croise

2 Samuweli 22:22

kholu nyi landriside dzindzila dza Pfhumu Nungungulu, gima kha nya wugela Nungungulu wangu.

Nehemiya 5:11

Nyi gireleni wuhindzi, muhuno kamwe mu va bweledzela marembwe yawe, nya vhinya, miolivha yawe, dzinyumba dzawe, ni gipandre gyawe nya lizana nya dzitsapawu, ni mavbila yawe, ni vbinyu yawe, ni mafura ni esi mu bhindzudego gwawe.”

Dzindzimo 15:5

Oyu a si fiyarisigo dzitsapawu khu gu fela bhindzu oyu a si dzumeligo gu rengeledwa khu dzitsapawu, a girela guvivba muthu kwawe nyambana nandru. Oyu a girago kharati, gima kha na dhedhereka.

Ekisodha 20:17

U nga dogoreli nyumba ya muthu kwanu. U nga dogoreli mwangadzi wa muthu kwanu; mwendro githumi gyaye nya mwama mwendro nya nyamayi, ambari mombe yaye, mwendro buru yaye, mwendro gimbe gilo gi mu lumbago, u nga gi dogoreli.

Ekisodha 22:4

Girengo gi bidwego gya gu manwa mandzani ga mbafa na gi nga gu vbanya, gani mombe, gani buru, gani nvuta, mbafa yi na livba guvili.

Ekisodha 23:8

U nga dzumeli gu rengeledwa khu dzisagwati, kholu sagwati yi ngu sega maho ya ava va wonago, yi wuya yi wegedza mahungu phathani ya ava va lulamidego.

Mavingu 15:27

Muthu nya makolo a gu thela libango ndrangani gwaye, gasi uye a gumba dzumela gu rengeledwa, a na vbanya.

Levhi 6:4

Oyu a ghohago khu magirelo yaya, a ngu mana nandru, fanede gu bweledza gile a bidego, mwendro gu kalavela muthu kwawe; gilo a nga phariswago, mwendro gilo gi nga bani gi dzimede a gi rola;

Levhi 6:5

mwendro ni gimbe gilo a nga sambanyago khigyo malipha. A na livba tengo watshavbo nya gilo gyogyo, a wuya khavbo a engedzela gipimo nya livbandre nya tengo yoyo. A na ningela nivbo ga mune wakone, litshigu lolo kamwe a girago phaso nya gulivbe nandru.

Mitengo 16:15

Mosi a di swireka ngudzu a embela Pfhumu Nungungulu, khuye: “U nga dzumeli gu hakha miningelo yawe! Eni gima kha nya va dzegela giburwana gyawe ambari gu gira guvivba ga moyo wawe.”

Matewu 22:21

Va di hakha, khavo: “Khya Sezari.” Khavbo avbo, a di va embela, khuye “Ina kha, ningani ga Sezari iso si gu sa Sezari, ni ga Nungungulu iso si gu sa Nungungulu.”

Luka 19:8

Zakewu a di khuga a ema a embela Pfhumu, khuye: “Pfhumu, nyi na kabanisela sisiwana gipandre nya thomba yangu, nya gu bani nyi kanganyiside muthuyo, nyi na mu livba nyondro dzina.”

Mithumo 20:33

Eni gima kha nya dogorela gya muthu, mwendro dzitsapawu nya parata mwendro nya ndralama, ambari guambala gwa muthu.

2 Vakorinto 12:14

Nyi dzi emisede guta nya wuraru iyo gwanu. Ambari ulo kha nyi vbweti guta mi lemedzani. Eni nya guvbweta enu basi, kha nyi vbweti esi si gu sanu. Kholu khandri sanana si vegelago vavelegi, khu vavelegi va vegelago sanana.

Dhewuteronome 16:19

U nga hambanisi wulamuli, u nga hatheli vathu, ambari gu rengeledwa; kholu wurengeleli wu ngu sega maho ya va nya guti, gambe wu ngu ndreyisa mahungu ya va nya gululama.

1 Vatesalonika 2:10

Enu mu dzifakazi, Nungungulu nuye, nya edzi hi khadego khidzo vbakari gwanu, enu vakhodwa. Hi khade khu gululama, ni wuwadi nyamba solega.

1 Vatesalonika 2:5

Gambe mu ngu dziti nya gukhenu kha ha thumisa magana nya gutshambisele, ni gudwanela gu mana gilogyo. Nungungulu i fakazi nya isoso.

1 Pedro 5:2

Havisani gwadi tshambi wa Nungungulu wu guromo vbakari gwanu; wu sayiseni na mu tshulegide myonyo kha nga idzo a dzinago khidzo Nungungulu; nasiri khu gugurumedzwa. Mu nga thumeli gu hakha dzitsapawu. Aholu thumani khu gudzina gwanu.

1 Samuweli 10:1

Samuweli a di dzega gigasi nya mafura, a ma guhula hungoni ga Sawule, a mu bhejari a mu embela, khuye: “Pfhumu Nungungulu a gu todzide khu mafura gasi gu khala muthangeli vbakari nya thomba yaye, vathu va Israyeli!

1 Samuweli 12:4

Khavbo avbo, va di hakha, khavo: “Gimwalo u hi kanganyisidego, ambari gu hi tshanisa, ambari gu dzega gilo khu mandzani ga muthu.”

1 Samuweli 12:5

Uye a di va embela, khuye: “Pfhumu Nungungulu a na khale fakazi vbakari gwanu, gumogo ni ga a todzidwego waye khu mafura, uye muhuno i fakazi nya gukhuye, kha mwa mana nandru mandzani gwangu.” Vathu vatshavbo va di tiyisa, khavo: “Nungungulu a na khale fakazi.”

1 Samuweli 2:35

Eni nyi na emisa muphasi nya mhamba a tumbegidego, a na girago satshavbo si na godwago khu monyo wangu ni hefemulo wangu; nyi na mu girela nyumba nya gutiye, uye a na vbanya gikhati gyatshavbo mbeli ga uye a todzidwego khu mafura yangu kala gupindruga.

1 Samuweli 24:11

Gasi olu, uwe baba wangu, wona avba tshoka nya gifenengelo gyago nyi gu nagyo mandzani. Olu nyi pidego tshoka nya gifenengelo gyago nyamba gu songa, dziti gwadi u wona nya gukhuwe avba gwangu gu mwalo ni guvivba gumogo nya gugirele uwe, gimwalo gilo nyi gu ghohedego, nya gukala u nyi sota gu nyi songa.

1 Samuweli 24:6

a di embela masotshwa yaye, khuye: “Pfhumu Nungungulu a na nyi vbulugise gu gira silo nya nga esi ga mune wangu, gu khusa mandza yangu nyi mu songa, kholu muthu wa Pfhumu Nungungulu a todzidwego khu mafura.”

1 Samuweli 24:7

Khu magana yaya Dhavhidhe a di thindrekisa khayo masotshwa yaye a si ma dzumedzisi gu dhumela Sawule. Khu guralo, Sawule a di duga khu phagoni a simamisa ndzila yaye.

1 Samuweli 26:11

Pfhumu Nungungulu a na ndreyise gu khusa gyandza gyangu nyi songa uye a todzidwego khu mafura khu Nungungulu; gasi olu, dzega litshari li khadego mihungoni gwaye gumogo ni ngoto nya mati, hi hongole.”

1 Samuweli 26:9

Aholu Dhavhidhe a di hakha Abhisayi, khuye: “U nga mu songi, kholu khu mani a kodzago gu khusa gyandza gyaye a songa uye a todzidwego khu Nungungulu a si mani nandru?”