1 Samuweli 12:23 - Bhibhiliya Nya Guage

²³ Gasi a gu bani nari eni, gima kha nyi na nga dzumela nyi ghoha khu gumba mi lombelelani ga Pfhumu Nungungulu; aholu, nyi na mi hevbudzani guti ndzila nya yadi ni gululama.

1 Samuweli 12:23 Iomraidhean Croise

1 Dzipfhumu 8:36

Uwe va yingise khu ndzadzini yoyo, u tsetselela sighoho sa vathu vago va na Israyeli, u va hevbudza gu gimbila khu ndzila nya yadi, u wisa ndzadzi tigoni gwatshavbo u ningidego vathu vago gu khala thomba yawe.

2 Dzikoronika 6:27

Uwe khu ndzadzini yoyo, va yingise ni gu tsetselela gighoho u giredwego khu sithumi sago ni vathu vago va na Israyeli, U va hevbudza ndzila nya yadi nya gugimbile khiyo, U wisa ndzadzi tigoni gwago U ningidego vathu vago gu khala thomba yawe.

Dzindzimo 122:6

Lombelelani gasi gu manege gurula Jerusalema! Va na vbanye na va tangade avo va gu golago.

Dzindzimo 34:11

Vanavangu deluni muta nyi yingisa; eni nyi na mi hevbudzani githawo ga pfhumu Nungungulu.

Dzindzimo 34:12

Khu wevbini muthu a vbwetago guvbanya, a golago guvbanya matshigu nya gulaphe gasi gu wona silo nya gutsakise?

Ekisodha 32:30

Khu mindru gakone, Mosi a di ganela ga vathu, khuye: “Mu giride gighoho nya gikhongolo. Aholu, muhuno, nyi na gwela ga Pfhumu Nungungulu, gufela gukheni mwendro a gu dzina saye nyi naya dzi kodza gu hakha ditshedzo nya sighoho sanu.”

Mavingu 4:11

Nyi gu hevbudzide khu dzindzila nya guti, nyi gu gimbidzisa khu sindzilana nya gululame.

Muhevbudzi 12:10

Muhevbudzi a di vbwetedzela magana nya yadi, a lova khu gululama mahungu nya lisine.

Isaya 30:21

Wa gu dhedhereka u ndreyela nyamudye mwendro nyambade, u napwa mahungu dzindzeveni gwago ma tago khu hwane gwago, khayo: “Eyi khiyo ndzila; gimbilani khiyo.”

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 27:18

Avo a gu bani na vari vaprofeti, va rumedwego khu Pfhumu Nungungulu na vari ni mahungu yaye, va na lombelele ga Pfhumu Nungungulu nya Tshivba Yatshavbo, gasi sombo si tshadego Nyumbani gwa Pfhumu Nungungulu, ni nyumbani ga mufumeli wa Judha, ni Jerusalema, si si dzegwi si yiswa Bhabhiloni.

Jeremiya 42:4

Muprofeti Jeremiya a di va hakha, khuye: “Nyi si pwide iso mu nyi lombidego; nyi na lombelela khu enu, ga Pfhumu Nungungulu wanu, mayelano ni gilombo gyanu. Satshavbo iso Pfhumu Nungungulu, a na gu nyi embelago, nyi na mi tivisani nyamba siha gilo.”

Jeremiya 6:16

Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”

Mithumo 12:5

Pedro a di khothedwe pasoni, ambari ulo libandla nya vakhodwa li di si garali khu gu mu girela milombelo ga Nungungulu.

Mithumo 20:20

Enu mu ngu dzitini gwadi nya gukhenu gimwalo ni gimwegyo nyi mi sihedego, ga esi si dzi kodzago gu mi phasedzela, nyi tshumayede ni gu mi hevbudza vathuni ni mu dzindrangani gwanu.

Varoma 1:9

Nungungulu nyi mu thumelago khu monyo wangu watshavbo khu gu tshumayela Ivhangeli ya Mwanaye, khuye a gu fakazi yangu. A ngu dziti gwadi gukhuye nyi ngu mi dundruga

1 Vakorinto 9:16

Nyi mwalo fanelo nya gu dzi gire matshandza khu thumo nya gutivise Ivhangeli, kholu i fanelo yangu gu gira isoso. Khidzo, libango ga eni nyamba tivisa Ivhangeli!

Vakolosi 1:28

Hi ngu tivisa Kristo ga vathu vatshavbo. Hi ngu laya ni gu hevbudza vathu vatshavbo gasi va mane wuhengeli nya guvbelele ni Kristo.

Vakolosi 1:9

Khu Kharato, gukhugela litshigu hi pwidego mahungu yaya nya gutsakise, kha hi garali khu gu lombelela khu enu. Ha gu lomba gukhethu Nungungulu a mi tadzisele khu gu mi tulela guti guhaladza gwaye, a mi ninga gugengela ni gupima khu Liphuvbo Laye.

1 Vatesalonika 3:10

Wutshigu ni mihani, ha gu lomba ngudzu ga Nungungulu a hi ninge gutsaka khu guta wonana gambe nanu, gasi hi kodza gu vbedzisa ogu gu tshadego vbagukhodwatunu gwanu.

2 Thimoti 1:3

Nyi ngu bonga Nungungulu, oyu nyi mu thumelago khu mapimo nya lisine, nga edzi va nga girago vakokwe vangu. Gikhati gyatshavbo nyi ngu gu dundruga wutshigu ni mihani milombeloni gwangu.

1 Samuweli 12:19

Vathu vatshavbo va di embela Samuweli, khavo: “Lombelela khu ethu sithumi sago ga Pfhumu Nungungulu wago; gasi hi sifi, kholu hi engedzedego sighoho sathu ni wuvivbi wathu, khu gu lomba mufumeli.”

1 Samuweli 8:6

Magana yaya kha ma tsakisa Samuweli, avbo va nga, khavo: Hi emisele mufumeli, gasi a hi fumela. Khu guralo, Samuweli a di lombelela ga Pfhumu Nungungulu.