1 Samuweli 12:20 - Bhibhiliya Nya Guage

²⁰ Khavbo avbo, Samuweli a di embela vathu khuye: “Mu nga khali hwanga; ambari olu mu giridego guvivba nya gukhongolo! Igyo gi vbwetegago, khu gu mu si hambani ni Pfhumu Nungungulu, aholu, mu thumela Pfhumu Nungungulu khu monyo wanu watshavbo.

1 Samuweli 12:20 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

Dzindzimo 101:3

Kha nyi na khedzisela silo nya guvivbe, nyi na nyenya mithumo ya sighohi, gima kha nyi na dzumela gu hengela navo.

Dzindzimo 125:5

Aholu, vale va ndreyago va bela khu dzindzila nya guvivbe, Pfhumu Nungungulu a na va pata gumogo ni sighevenga. Gurula gu na manege ga va na Israyeli!

Dzindzimo 40:4

Kategide muthu wule a tumbago Pfhumu Nungungulu, kha thendregedzi a khedzisa va nya matshandza, gambe kha vbweti avo va landrago malipha.

Ekisodha 23:25

Khozelani Pfhumu Nungungulu wanu, Eni nyi na kategisa guhodza gwanu ni mati yanu; nyi na vbedza madwali vbakari gwanu.

Ekisodha 32:30

Khu mindru gakone, Mosi a di ganela ga vathu, khuye: “Mu giride gighoho nya gikhongolo. Aholu, muhuno, nyi na gwela ga Pfhumu Nungungulu, gufela gukheni mwendro a gu dzina saye nyi naya dzi kodza gu hakha ditshedzo nya sighoho sanu.”

Jeremiya 3:1

Gu ngu ganedwa gupwani: “Mwama a gu hula mwangadzi waye, nyamayi yoyu aya dzegwa khu mumbe mwama, ina gu ngu kodzega gu bwelo khavbo ata hakhwa khuye nya guphele, gani? Ina kha na nga nyenyezisa litigo latshavbo, gani? Uwe u dzi ningedego ga sibhayi nya singi, ina uwe u ngu dzi kodza gu bwelelela gambe eno gwangu, gani?” A ngu wudzisa Pfhumu Nungungulu.

Agewu 2:5

Kha nga gidzumeledzwano nyi giridego nanu, gikhati mu dugidego khu tigoni ga Egipito, Liphuvbo langu li ngu vbanya vbakari gwanu; mu nga thavi gilo.

Dhewuteronome 10:12

Olu uwe Israyeli, gasi ginani Pfhumu Nungungulu a gi vbwetago avbo gwago? Khandri a gu vbweta basi gukhuye u ninga githawo Pfhumu Nungungulu wago, u landrisa dzindzila dzaye dzatshavbo, u mu gola ni gu thumela Pfhumu Nungungulu wago, khu monyo wago watshavbo, ni hefemulo wago watshavbo,

Dhewuteronome 11:16

Dzi woneleni myonyoni gwanu, gasi mu si phazamiswi mu thumela vambe vanungungulu, mu noga mbeli gwawe.

Dhewuteronome 31:29

Kholu nyi ngu dziti gukheni, avbo nyi na gu bani nyi fude, mu na tshala mu gira silo nya gunyenyeze, mu ndreyani ndzilani nyi mi leletedego; khu guralo, khu matshigu nya guhegise, libango leli li na thega vbatshani gwanu, mwa gu gira esi si vivbidego mahoni ga Pfhumu Nungungulu, gasi mu wusa likhulo laye khu kotani nya mithumo ya mandzani gwanu.”

Josuwa 23:6

Gasi olu, dzi garadzeni ngudzu khu gu vegedza ni gu landrisa satshavbo esi si lovidwego umo nya Libhuku nya Nayo wa Mosi, gasi mu si hambani nawo, mu si ndreyi guya nyamudye mwendro nyambade;

1 Pedro 3:16

Aholu, girani esi khu monyo nya gurule ni githawo, kha nga vathu va tengidego mapimoni gwawe, gasi mwa gu vadwa, vale va ganelago guvivba khu mavbanyelo yanu nya yadi nya wukristo, va na khala dzitshoni.

1 Samuweli 12:19

Vathu vatshavbo va di embela Samuweli, khavo: “Lombelela khu ethu sithumi sago ga Pfhumu Nungungulu wago; gasi hi sifi, kholu hi engedzedego sighoho sathu ni wuvivbi wathu, khu gu lomba mufumeli.”